عملت صيانة للانوس واليكم التفاصيل
السلام عليكم
الانوس بتاعتي بقالها شهر ونص وطبعا كنت شاريها مستعمله
ومع المشي ظهرت كذا مشكلة فصبرت شويه وقولت اشتغل فيها واليكم التفاصيل
اولا : العفشه
1- تغير مساعدين خلفي kyb ب 190 جنيه من المنير
2- بطاحتين مساعد امامي ب 90 جنيه من المنير
3- 2 عمود ميزان ب 25 جنيه من المنير
4- كاوتشتين الميزان بالافيز دول ب 30 جنيه من المنير
5- 2 اويل سيل كوبلن داخلي ب20 جنيه
6- اويل سيل العقربة ب5 جنيه
7- فكيت علبة الدريسكيون وظبطها في المخرطه وبقت احسن بنسبة 80 %
بس معملتش ظبط زوايا ولا ترصيص لغاية دلوقتي
ثانيا:الميكانيكا (وده الي كان عملي وجع دماغ )
كان عندي الصوت عالي جدا وخشن وكان الي يقولي الشواكيش والكامه والكستبانات والي يقولي ده من البساتم وكده
1- بدأت من فوق وغيرت 5 شواكيش وبلفين وعمود كامه ببيته استيراد علشان اريح دماغي
بعد التركيب الصوت هدي 30 % فقط
2- فتحت الموتور وعملت طقم شمبر وسبيكه ووديت الوش المخرطه وغيرت كاوتش الصباب وكان في صباب منفس غيروه في المخرطه
قفلت والصوت بقي احسن 80% بس لسه مش عجبني
بصبر نفسي ان الكلام ده هيهدي مع التليين والتطبيع والمشي
ثالثا : الكهرباء
1- فك وتنضيف الفانوسين الامامي وكان واحد مكسر لحمته علي قد ماقدرنا
2- تركيب 2 كتاوت ياباني لان الي كانوا راكبين وحشين جدا
3- لحمة قربة الميه لان كان فيها خرم من فوق فقلت اامن نفسي
4- غسيل وتنضيف الفانوسين الي ورا وغيرت المض الي بتشاور عقلها
5- غيرت لميتن الشنطه الي فوق النمر وبرضك غسلت الفانوسن بتوعها
6- اشتريت بطاريه ادلر بس سايله لاني ساعتها ملقتش الجافه الي تركب عندي ودي جت ب150 بعد خصم القديمة
رابعا : غسيل العربيه بالكامل والموتور والشاسيه لانها باتت كذا يوم برا ومكان الشحم والزيت الي كان راشح من الفتيس وكدا
والحمدلله انه قدرني علي كل الصيانه دي
واي تفاصيل تحت امركم