تقرير مبسط عن مركز " ميكانكيون العرب " المعتمد

**iCeY** · 03-06-2010 01:15 AM

يا صباح الخير و الفل و كلو

يا رجاله كنت ماشي في صحرا ( طريق مصر اسماعليه ) و طلع عليا فكره اني اعمل صيانه ال 5000

بس يا سيدي رحت كلمت التوكيل قالي اقرب معاد الاحد قلتها فااااااكس

بعدين ماشي و افتركت في بعد كوبري المطار ( النزهه ) مركز معتمد اسمو ميكانكيون العرب

كان بيصلح رينو بس الاول و بعدين فتحو كيا في نفس المكان

المكان :

سهل وصوله و باين اوي و مش مممكن تتوه عنه

الاستراحه :

شويه كراسي جلد حلوين و تكيف و تلفزيون و علي كل طرابيزه ( جريده الكرامه ) معرفش ليه كلللللل الجرايد نفس اليوم و نفس الاسم ايه الحكمه معرفش

المعامله :

دخلت بي العربيه جوا و جالي الفني و قلته الي فيها و راح شيك علي في العربيه و مضيت و رحت الاستراحه

يعني استلمو العربيه مني علي طول بدون تاخير

الوقت:

ساعه زي ما قال الراحل بظبت و فعلان طلعت

التصليح:

عمل الكهرابا بس المشكله قالي نجلاش الفرامل بليل تعالي بعد المغرب و ده فعلان دايقني بس يلااا مش مهم

دفعت 95 جنيه ( بدون تغير زيت ) و هديه لي كل عميل لما بتدفع و غير بتاعت ريحه علي شكل علامه شل

معلومه :

مافيهاش حجز خالص روح و ارمي العربيه و تعالي بعد ساعه مع ان كان في عربيااااات كتييييييره دخلت

يلا سلاحف

**masterzmind** · 03-06-2010 02:21 AM

شكراا ربنا يا باشا على التقرير ربنا يكرمك

**gazzar91** · 03-06-2010 03:02 AM

بإذن الله الإستراحة هتتظبط و يتغير مكانها و المساحة هتكبر علشان أخدوا أرضين قبلها

**alzwawy** · 03-06-2010 03:23 AM

المشاركة الأصلية كتبت بواسطة gazzar91

بإذن الله الإستراحة هتتظبط و يتغير مكانها و المساحة هتكبر علشان أخدوا أرضين قبلها

انا عارف يا باشا ان انت شغال هناك
عندي ليك سؤال ياباشا مبتدخلوش العربيات الخليجي عندكو انتو كمان صح

**gazzar91** · 03-06-2010 03:35 AM

المشاركة الأصلية كتبت بواسطة alzwawy

انا عارف يا باشا ان انت شغال هناك
عندي ليك سؤال ياباشا مبتدخلوش العربيات الخليجي عندكو انتو كمان صح

كانو بيقبلوا العربيات الخليجي زمان بس EIT ربنا يسامحهم فرضوا على كل الـ Sub-Dealers موضوع الـ 4000 بندق بس في الميكانيكيون على ما أظن بياخدو 250 بندق في كل صيانة تروحها مش بياخدو الأربعة مرة واحدة.. والله أعلم
أنا بتدرب هناك في الصيف بس مش على طول للأسف علشان الدراسة
في رعاية الله

**alzwawy** · 03-06-2010 03:37 AM

المشاركة الأصلية كتبت بواسطة gazzar91

كانو بيقبلوا العربيات الخليجي زمان بس eit ربنا يسامحهم فرضوا على كل الـ sub-dealers موضوع الـ 4000 بندق بس في الميكانيكيون على ما أظن بياخدو 250 بندق في كل صيانة تروحها مش بياخدو الأربعة مرة واحدة.. والله أعلم
أنا بتدرب هناك في الصيف بس مش على طول للأسف علشان الدراسة
في رعاية الله

شكرا يا باشا ده مجرد سؤال احنا محدش من الخليجي هيروح انا بشوف هما بيشتغلو ازاي بس

**gazzar91** · 03-06-2010 03:41 AM

بس أنا بصراحة رأيي إن أصحاب الخليجي مايروحوش لـ eit علشان الإستغلال الفظيع و قلة الضمير اللي في القرار ده.. في ناس كويسين زي أمير و جوزيف و تكنو ون و غيرهم كتير ناس بتفهم زمش إستغلاليين. و لو حاجة أنا أقدر أعملها لأي حد بنفسي أنا مش هاتأخر عن أي عضو بس للأسف أنا لسة ماشتغلتش في كيا... إشتغلت في الرينو بس

**alzwawy** · 03-06-2010 03:50 AM

المشاركة الأصلية كتبت بواسطة gazzar91

بس أنا بصراحة رأيي إن أصحاب الخليجي مايروحوش لـ eit علشان الإستغلال الفظيع و قلة الضمير اللي في القرار ده.. في ناس كويسين زي أمير و جوزيف و تكنو ون و غيرهم كتير ناس بتفهم زمش إستغلاليين. و لو حاجة أنا أقدر أعملها لأي حد بنفسي أنا مش هاتأخر عن أي عضو بس للأسف أنا لسة ماشتغلتش في كيا... إشتغلت في الرينو بس

شكرا يا باشا احنا شغالين مع تكنو وان و كويس الحمد لله