السلام عليكم يا رجالة
انا هقولكم على اللى حصل معايا فى العربية و الله العظيم فعلا حكاية غريبة جدا
العربية اللى معايا راجع بيها يوم الجمعه اللى فات الساعة 12 بالليل و كانت زى الفل
و يوم السبت كان office work المهم مطلعتش بالعربية خالص طوال النهار . و على الساعة 10 بالليل قالت اطلع شوية و اشم شوية هوا بعيد عن البيت . نزلت و احاول ادور العربية و هى حلفت براس ابوها " المستر جونترو اوبل " انها مش هتدور
يوم الاحد نفس الحكاية و ركبت تاكسى و ريحت دماغى و بالليل يوم الاحد جبت واحد زميلى و خليتة يدور و لقينا البوبينة مطلعة كهربا
المهم الاتنين و التلات سافرت المنيا و رجعت النهاردة الاربع
على الساعة 6 المغرب قلت اروح اجيب للكهربائى و فعلا الراجل مشكورا بعت معايا الصبى بتاعه و جربنا و لقينا الطرمبة مش شغالة و بعد شوية الطرمبة اشتغلت
يعنى عمالة تشتغل و تفصل
رحنا فكينا الطرمبة و وصلنها مباشر و الحمد لله زنة زى الفل
ركبناها و قعدنا حوالى ساعة نعرف المشكلة منين و فى الاخر طلعت المشكلة . اية بقة . تخيلو ؟
الفيوز بتاع الطرمبة علية شوية تراب و بيعلق . شوفتوا قلة الادب
المهم الحمد لله اتسترت و العربية زى الفل و تمام التمام
نيجى بقة للمصاريف و انا بحسبها بالظبط " اسيوطى بقة "
تاكسى للكهربائى 2 جنية " على فكرة الاجرة جنية و نص بس غير القاهرة خالص "
تاكسى من عند الكهربائى للعربية 2 جنية
اجرة الكهربائى 15 جنية
بقشيش للصبى 10 جنية
يعنى الاجمالى الحمد لله 29 جنية و شكرا على كدة . و انا بصراحة كنت حاطط ايدى على قلبى من حكاية الطرمبة و خصوصا انى مكنتش بسمع الزنة بتاعتها و الحمد لله انى مسافرتش بيها و طلعت على الصحراوى و الا كانت تبقى بهدلة و قلة قيمة
و الستار موجود