ان شاء الله نويت اجيب 2011 basic

السلام عليكم
انا اخوكم احمد لسه جديد و من يوم ماعرفت المنتدى بتاعكم باشوفه يوميا حتى انا تقريبا قرأت معظم المشاركات فى الاربعين صفحة بتوع ال لوجان و من كلام الرجالة هنا انا مقتنع بيها ان شاء الله

ان شاء الله نويت اجيب basic كاش لأنها جديدة احسن من عربية مستعملة بس عندى شوية اسئلة للوحوش
1 . لو انا جديد فى السواقة ممكن اجازف و اشترى عربية جديدة و الواحد ممكن يتعلم كويس فى وقت اد ايه و لو حد عنده اى نصائح او يعرف مدرسة كويسه ياريت يقول لى
2. لو حد جايب basic ايه رايه فيها بصراحة
3. ممكن اجنطها و اركب لها تسجيل كويس و باركنج سنسور و تبقى كده مقبولة

اقتباس:

---

المشاركة الأصلية كتبت بواسطة alrazy

السلام عليكم
الف مبروك مقدما وربنا يباركلك فيها ان شاء الله
1 . لو انا جديد فى السواقة ممكن اجازف و اشترى عربية جديدة و الواحد ممكن يتعلم كويس فى وقت اد ايه و لو حد عنده اى نصائح او يعرف مدرسة كويسه ياريت يقول لى
عادى جدا ... وانا رأى ان اللى بيتعلم جديد يفضل ليه عربية زيرو بعيدا عن مشاكل المستعمل .. وبالنسبة للوقت فدة بيتوقف على مدى تأقلمك مع الطرق المصرية ممكن فى خلال اسبوع تلاقى نفسك 100 100 بس اهم حاجة تبقى عارف امكانياتك كويس وتعرف انك خبرتك قليلة ومتخليش حد ينرفزك او يعصبك او يسخنك فى شد وكدة وماتجيش فيوم تعتقد انك بقيد سواق محصلش علشان دى بتكون اكبر غلطة الواحد بيقع فيها

2. لو حد جايب basic ايه رايه فيها بصراحة
معظم اللى فى المنتدى معاهم فل وهاف اوبشن

3. ممكن اجنطها و اركب لها تسجيل كويس و باركنج سنسور و تبقى كده مقبولة

---

نصيحتى ليك انك تزود على فلوس الجنوط والكاسيت والباركنج وتجيب هاف اوبشن حتكون احسن بكتير جدا من البيزك متنساش ان البيزك مافيهاش بور انا مش بقولك ماتشتريش بيزك لكن انا بحاول افكر معاك بصوت عالى وربنا يوفقك

انت هتجيب كام واحده؟

بصراحة كنت محتار اجيب عربية لحد ما دكتور عندنا فى المستشفى استشارى قلب و واخد الدكتوراه من فرنسا - بصراحة احنا بنعتبره عبقرى - جابها و هو كان عايش تقريبا 6 سنوات فى فرنسا و بيشكر فى الرينو جدا جدا جدا و بيقولى ان الفرنساويين نفسهم ما بيحبوش البيجو وان الرينو هى سيارة الشعب هناك ... هو جابها من 3 شهور و بيشكر فيها جدا جدا حتى انا قلتله المشاكل اللى انتم حضراتكم ناقشتوها و هو كان بيبصلى باستغراب

هنا فى السعودية انا ركبت toyota cressida اللى هى عند السعوديين احسن من camry و قلت اشوف زنة الفتيس لقيت لو انت قربت ايدك منه و انت مش واخد بالك ممكن يعورك و قلت لو اللوجان فيها زنه بس ده يبقى كويس جدا

و شكرا لردودكم

أنصحك بالهاف أو الفول علشان الباور والتكييييييييييييف

مبروك مقدما

بس اوعى تجيب ال basic عشان بصراحه دي مش عربيه :dontudear:
يعني الناس اللي جابوا الهاف اوبشنز ندموا انهم مازودوش 3 الاف جنيه و جابوا الفول اوبشنز
فما بالك بالفاضيه خالص حتى من الباور و التكييف !!!!!!:L_bhuhhh[1]:

و عموما بغض النظر عن الاوبشنز هي عربية محترمة :S_thum1[1]:

بيسيك لأ
كسر زيرو ماشى
تكمل على المبلغ وهاف ماشى
تستنى شويه ماشى
أنما بيسيك لأ
اى حل غير البيسيك عشان التكييف والباور من غيرهم هتزهق من العربيه

رائي انك تجيب الهاف او الفول
فرق الفلوس فعلا يستاهل
علشان تعرف تستمتع بالعربية
و مبرووووووووك مقدماً

اقتباس:

---

المشاركة الأصلية كتبت بواسطة zkralla

بيسيك لأ
كسر زيرو ماشى
تكمل على المبلغ وهاف ماشى
تستنى شويه ماشى
أنما بيسيك لأ
اى حل غير البيسيك عشان التكييف والباور من غيرهم هتزهق من العربيه

---

+11111111111111111111111111111
كمان اللي هتاخده من مزايا في الفول اوبشن اكتر بكتيييييييييييييييييييييي ييييييييييييييييييييييييي ر من فرق السعر

الفول اوبشن الفرق يستاهل قوى