ان شاء الله نويت اجيب لوجان basic

السلام عليكم
انا اخوكم احمد لسه جديد و من يوم ماعرفت المنتدى باشوفه يوميا حتى انا تقريبا قرأت معظم المشاركات فى الاربعين صفحة بتوع ال لوجان و من كلام الرجالة هنا انا مقتنع بيها ان شاء الله
و كنت محتار اجيب عربية لحد ما دكتور عندنا فى المستشفى استشارى قلب و واخد الدكتوراه من فرنسا - بصراحة احنا بنعتبره عبقرى - جابها و هو كان عايش تقريبا 6 سنوات فى فرنسا و بيشكر فى الرينو جدا جدا جدا و بيقولى ان الفرنساويين نفسهم ما بيحبوش البيجو وان الرينو هى سيارة الشعب هناك ... هو جابها من 3 شهور و بيشكر فيها جدا جدا حتى انا قلتله المشاكل اللى انتم حضراتكم ناقشتوها و هو كان بيبصلى باستغراب

ان شاء الله نويت اجيب basic كاش لأنها جديدة احسن من عربية مستعملة بس عندى شوية اسئلة للوحوش
1 . لو انا جديد فى السواقة ممكن اجازف و اشترى عربية جديدة و الواحد ممكن يتعلم كويس فى وقت اد ايه و لو حد عنده اى نصائح او يعرف مدرسة كويسه ياريت يقول لى
2. لو حد جايب basic ايه رايه فيها بصراحة
3. ممكن اجنطها و اركب لها تسجيل كويس و باركنج سنسور و تبقى كده مقبولة
4. استنى لحد الموديل الجديد ينزل و اشوف الفتيس عملوا فيه ايه بس حد عنده فكره سعرها هيكمن كان

متأسف انى طولت عليكم

مبرووووووك مقدما العربيه ممتازه....بس حاول تجيب الاوبشن الاعلى

معلش انا عملت الموضوع مرتين و كنت عايز الغى واحد منهم بس ما عرفتش

مبروك مقدماً
لو ممكن تكمل وتجيب على الاقل الهاف اوبشن

اقتباس:

---

المشاركة الأصلية كتبت بواسطة ahmedfouad

مبروك مقدماً
لو ممكن تكمل وتجيب على الاقل الهاف اوبشن

---

كلام مظبوط
و ربنا يعينك و ييسرها لك و تكمل و تجيب الهاف اوبشن ان شاء الله

At least get the half option.The basic is realy basic ,not even with air condition.It s better to buy the car with more options which is original than adding them afterwards,they won t be the same and u have to find out if they are compatible and find someone good to fix them in ur car,it may cost u more.I thought like u at first but then i got the full option & thank God i did.U won t regret it.

It s better to start learning by joining a driving school.u ll use their car which is their only advantage but the lesson is too short and the time is less than mentioned because they count the time it takes to go to the training place & back to the school. After u finish the course don t take extra lessons with them but take private lessons but using ur car.THe advantage over the school is that the time is more and probably opened.I know a good trainer i can give u his number,he trained me well and was very patient.tell me if u want.u have to tell us where u live to tell u about the school.
If u have an old car u can start with the trainer right way and forget about the school.May God help u to choose the best

هتحتاج التكييف جداً .. حاول قدر المستطاع تجيب الهاف اوبشن
العربية سواقتها سهلة خصوصاً انها زيرو و راسية على الأرض .. لكن الأفضل تاخد كام حصة فى اى مدرسة تعليم قيادة لغاية لما تحس انك متمكن ولو بنسبة 50% وده افضل بكتير من انك تكسر فانوس او العربية تتخبط منك لا قدر الله .. ومبروك مقدماً