الموضوع: لجديد فى معرض أوتوماك

1-أولا لا جديد فى بيجو نفس العربيات بنفس الاسعار الهبلة و المندوبين مش حافظين كل شوية الراجل يطلع ورقة و يقرا
2-جناح فيات لا جديد غير عربية واحدة
3-جناح اسبرنزا مدخلتوش (شكله لا جديد)
4-جناح هيونداى لسه مش جاهز بيلمعوا العربيات اللى كلها لونها فضى ماعدا الجينيسيس الكوبيه لونها حمراء و مفيش حد من غبور واقف ماعدا مشرف على العربيات و قالى السوناتا الجديدة هتتجمع فى مصر (كانوا عارضين واحدة بسقف بانوراما ) و ix35 بسقف بانوراما و بيقولوا هيبقوا موجودين من بكره ان شاء الله (الخميس)
5-جناح بورش عارضين الكايين الجديدة و البانيميرا و كايمن تقريبا
6-جناح سكودا لا جديد 2 فانتازيا , 2-سوبيرب و واحدة مينى فابيا
7-جناح أودى عارضين A8 - A5-a4 -q5-a6 -a3
8-جناح MTI كل الRange rover و ال jaguar ال(xf-xj-xk) و الbently (continental gt- continental flying spur
9-جناح كيا ال sportage الجديدة و دى تحفة التحففف و خصوصا ان نازل منها 1600cc على اخر السنة و دى الطوابير عليها هتبقى بالشهور لو نزلت اوتوماتيك و غالبا هتنزل اوتوماتيك مع انهم قالولى لأ , السورينتو الجديدة شكلها وحش بالمقارنة بالsportage و لكوا ان تتخيلوا!!! كوبيه برتقالى , سول و بقية العربيات المعتادة.
10-جناح مازدا (تحت الانشاء)!!!! عارضين مازدا 3 الجديدة اسعارها 141-145-158 و التفاصيل فى موضوع فى قسم مازدا و مازدا 2 سيدان و طبعا مفيش حد علشان تسال بكام (الجناح كله مطرب و حالته بالبلاء)
11-جناح سوبارو لا جديد
12-جناح تويوتا و هوندا (تحت الانشاء و لسه بيدخلوا العربيات!!!) المهم الجديد ياريس 2010 تغيير بسيط فى الشكل و كورولا بتغيير بسيط اوى فى الشكل
13-جناح منصور الكورسا اللى ب 175 الف فى منها لونين و الصراحة مبصيتش فى ايه تانى و فى رايى سعرها مبالغ فيه
14-جناح نيسان مفاجاة ان الquashqai الجديدة هينزل منها اوتوماتيك بس لسه متسعرتش خالصو الصراحة شكلها على الطبيعة اوحسش من الصور بكتير و تحسها صغيرة اوى و هى واقفة جنب الx-trail و الجناح فيه مورانو و x-trail و quashqai و سيلفى و عربيتين كمان (مكنتش مركز فى العربيات العادية)
15-جناح رينو نفس العربيات , العربية الduster لجديدة شكلها مش حلو بس ب 108 هتتباع رز.
16-جناح bmw المفاجاة ال318 نزلت ب idrive خلاص و عارضين واحدة ب 2980000 و عارضين 316 و واحدة كمان اعتقد 320 بس مخدتش بالى و عارضين 5 عربيات الفئة الخامسة الجديدة شكلها وحس اوى و هى مش دايرة فى رايى بس الLED عاملة شغل و الRingات عاملة شغل برده , فى رايى عربية مش حلوة شكلا , عارضين 740 ب 1020 يعنى رخصوها 50 الف و عارضين 750.

دا كل المعرض و فى رايى يستحق الزيارة جدا!!!

نيجى للحفلة , باريس مطلعتش غير تقول كلمتين و بعدين كلمتين و مع السلامة و روحت فى موكب من 3 عربيات range rover الجديدة هى و صاحباتها (كل اللى كانوا بيعملوه انهم بيصوروا) و عربية 3-series

بس الstage و الfireworks و الحفلة الصراحة معدية
ترابيزة لمعظم الناس اللى حاضرة و عليها منتجات كوكاكولا و ازازة مياه و كل شوية بيعدوا يعرضوا حاجات تتشرب , الstage ضخم جداااااا و الfireworks رهيبة جدااا و النظام كان كويس اوى بالنسبة لمصر من حيث تنظيم الدخول و كدا.
الحفلة كانت حلوة اوى الحقيقة (باريس كانت بتقدم فقرات بس و مشيت الساعة 12 اساسا ملهاش لزمة غير اسم) و على فكرة كانت لابسة محتشم (يعنى الستات و البنات اللى كانوا لابسين حاجات زى المايوهات كان مفروض يتكسفوا على نفسهم)

اى سوال انا كدا كدا رايح تانى ان شاء الله مرة او اتنين كمان على الاقل