بفضل الله...انا مش مصدق اني قدرت

السلام عليكم..اخوكم بقاله فترة مشغول بموضوع البايكس خصوصا الريس..
بصراحة..مش فاكر امتى وفين بالضبط لقطت الفيروس ده..
لكن اللي حصل اني بقالي كام اسبوع كده مش ورايا غير القراءة والبحث عن
كل ما يتعلق بالبايكس وانواعه وازاي تبدأ تسوق وكده..
والحقيقة كان قسم الدراجات في المنتدى هو المصدر الاول والمتميز في المعلومات..

ادخل في الموضوع

امبارح كانت اول ركوبة لي لبايك في حياتي ..مش بس اول سواقة لالالالا..اول ركوبة فعلا..عمري ما ركبت "موتوسيكل" اصلا قبل كده
وللاسف بعد لما ركبت اتحسرت على اني ما بداتش الموضوع ده من فترة..
المهم..
مواصفات البايك:
النوع :ريس
ماركة :هوندا
الموديل: Fire blade CBR
السعة ودي المفاجأة..(بالنسبة لي) rr 400
وكانت مفاجأة بالنسبة لي لاني كنت مرعوب من كتر اللي سمعته عن مخاطر البدايات وانك لازم تبدأ ب حجم صغير يعني 250 وكده
المهم..كانت متعة لا توصف..واحساس اختراق جسمك للهواء رائع فعلا
كان معايا صاحب البايك (ايجار)عرفني على الاجزاء الاساسية وخصوصا الدبرياش والفرامل
وقالي توكل على الله..وقد كان -بفضل الله- اني سوقت فورا بدون اي مشكلة وكمان لفيت يمين وشمال:colsmil:..
كل ده وانا حقيقي مش مصدق اني كان ممكن اوزن نفسي اصلا على البايك..حتى صاحب البايك اتفاجئ وسألني انت متاكد انك ما سقتش قبل كده..:E_braces[1]:
المهم..قضيت 3 ساعات من المتعة والاثارة الحقيقية وشديت لغاية 100 وما رضيتش ازود ودخلت في اماكن مزدحمة واشارات لا وكنت واخد صاحب البايك ورايا
والحمد لله
ملاحظات سريعة:

• البايك الريس ده تقيل فعلا..واتاكدت انه رياضة لان رجلي وايدي وجسمي كله كان مشدود ورجعت كأني كنت في سيشن جيم
• الفرامل الامامية (اليد) حساسة جدا..والخلفية في السرعات المنخفضة
• كتير من اللي بيركبوا الريس ماعندهمش ثقافة السيفتي والقيادة الدفاعية ..صاحب البايك اتفاجئ اما قلتله مش هينفع اطلع الا بالخوذة والجوانتي
• اللي بيسوق عربية خصوصا المانيوال..بتسهل عليه قصة تعلم النقلات والدبرياش والكلام ده
• قعدة الريس متعبة شوية..مش عارف يمكن علشان لسه جسمي مش متعود عليها؟
• استخدام المرايات في رأيي رقم واحد في السلامة اثناء القيادة ..
• رغم ارتداء الخوذة..ضوضاء الموتور عالية برضه..ومتعبة كل ما زاد وقت الركوب..EAR PLUGS فعلا ضرورية

بس..

حبيت انقلكم احساسي واشارك معاكم

وبالمناسبة لازم اشكر كل الاخوة اللي انا استفدت من ملاحظاتهم ومداخلاتهم في مواضيع المنتدى المختلفة ونصايحهم اللي كانت في دماغي طول ما انا سايق وخصوصا..

الاخ otefa
وان شاء الله الشراء قريب:F_eyeb1[1]:

ربنا يوفق والله متعة الريس غير اى حاجة تانية خالص

ياباشا نقول الف مبروووووووووك مقدما وامشاء الله تجيب المكنة ال تتمناها وتعيش المغامرة باقية حياتك

مبروك بجد مبروك عقبالى انا كمان

مبروك ياباشا والحمد لله ان تجربتك كانت ممتعة................وان شاء الله تنول الي في بالك و شكرا علي المجاملة الرقيقة:36_3_10[1]:

نفس احساسي بالظبط اول مرره اسوق ريس ،تحس انك طاير في الهواء
بس اللي يقنع اهلي بموضوع الخطر ومش خطر واديله اللي هو عايزه :majd(4):
ان شاء الله تجيب البايك اللي نفسك فيها

انا والله اللي متشكر ليكم جدا

وان شاء الله قبل الشراء لازم اخد رأيكم :satelite:

انا بس كان لي سؤال..
المكنة رغم ان حالتها تبدو لي كويسة (طبعا انا ماعرفش اوي) بس كنت لما اقف
احس بريحة البنزين عالية اوي ..يا ترى ده عيب ايه؟؟
ولا عادي؟

وشكرا ليكم مرة تانية
وسعيد بمعرفتكم والله

ريحت البنزين ممكن تكون في تسريب بنزين من مكان ما في الريسينج زي خرم في التنك او خرطوم.....

اقتباس:

---

المشاركة الأصلية كتبت بواسطة ralliart

نفس احساسي بالظبط اول مرره اسوق ريس ،تحس انك طاير في الهواء
بس اللي يقنع اهلي بموضوع الخطر ومش خطر واديله اللي هو عايزه :majd(4):
ان شاء الله تجيب البايك اللي نفسك فيها

---

لو والدك مالوش في الحاجات دي هيبقي صعب قوي انك تقنعه..................لو ابني قالي انا عايز اركب بايك ها عارضه جامد ومش ها وافق بسهولة مع اني باركب ريسينج بس في الاخر لو لقيته فعلا مصمم وغاوي الموضوع ومش نزوة هوافق وهاأحاول أعلمه الموضوع علي أصوله وتحت عنيا أحسن من مايروح يعملها من ورايا

اقتباس:

---

ريحت البنزين ممكن تكون في تسريب بنزين من مكان ما في الريسينج زي خرم في التنك او خرطوم.....

---

ايوة..

طيب اسمحلي استغل وجودك يا باشمهندس..:ma:
ليه بلاحظ في فيديوهات كتير وحتى في الشارع ان كشاف واحد بس بيكون هو اللي منور في البايك
والا هي صدفة بس..؟

وشكرا ليك..واتمنى اقابلك يوما ما
وعلى فكرة احنا زمل لاني هندسة برضه

مصر كلها عندها حمي البايكس ... و دة شىء عظيم
نصيحة بقي من واحد مبتدىء زي حالاتي... و بالعربي بتاع اللمبي ... اوعي يغرك جسمك
:)

ده سيفتي مجرد مابتفتح الكونتاكت بيشتغل وماتقدرش تطفيه اعتقد من بداية 2003...........أنا عندي مركب زينون وبشغله ليل نهار بيفرق جامد ان الريسنج يبقي باين للناس سيفتي عالي وعلي فكرة فيه كمان اوبشن ممكن يتضاف بيخلي النور يرعش بسرعة جدا حاجة قريبة لحد ما من القلاب علشان يزود السيفتي برده
أنا معماري بس دفعة1992 عجوززززز يعني........واتشرفت بمعرفتك ياهندسة

اقتباس:

---

ده سيفتي مجرد مابتفتح الكونتاكت بيشتغل وماتقدرش تطفيه اعتقد من بداية

---

فكرة جامده فعلا...باحترم في الناس دي اهتمامهم بالسلامة

الف شكر يا باشا..

انا مدني سنة 2001 ..مش فرق كبير يعني :)

انت موهوب بالفطره ودى هبه من ربنا وربنا يدومها عليك

اقتباس:

---

المشاركة الأصلية كتبت بواسطة otefa

ده سيفتي مجرد مابتفتح الكونتاكت بيشتغل وماتقدرش تطفيه اعتقد من بداية 2003...........أنا عندي مركب زينون وبشغله ليل نهار بيفرق جامد ان الريسنج يبقي باين للناس سيفتي عالي وعلي فكرة فيه كمان اوبشن ممكن يتضاف بيخلي النور يرعش بسرعة جدا حاجة قريبة لحد ما من القلاب علشان يزود السيفتي برده
أنا معماري بس دفعة1992 عجوززززز يعني........واتشرفت بمعرفتك ياهندسة

---

مذاكر يا بوب
ربنا يزيدك من علمه:36_1_37[1]:

طب يا رجالة المنتدى العظمااااااء
أنا حاليا هتجننننننننن و أسوق ريس و أنا فاهم بيتساق إزاى و سوقت قبل كده فيسبا بس من تلات سنين كده و بقالى أكتر من 5 سنين بسوق عربيات مانوال فالمفروض إنى فاهم قصص الدبرياج و الفرامل و الكلام ده بس لسه ماجرّبتش عمليا أسوق مكنة كبيرة
دلوقتى هل ينفع مثلا أروح أأجر ريس ساعة مثلا من عند بتوع الموتوسيكلات اللى فى مصطفى النحاس مدينة نصر و لا ماينفعش
ولو ينفع عندى كذا سؤال :
1- هل الراجل هيعد يمتحنى شفوى يشفنى فاهم فى المكن و لا لأ.
2- هل لازم يكون معايا رخصة موتوسيكل و لا لأ و هل بتمضى على ايصالات أو شيكات زىّ العربيات ؟؟.
3-أنا ماعنديش لا لبس سيفتى و لا خوذة و لا أىّ حاجة ؟؟ مش معقول هشترى الحاجات ديه و أنا هاركب مرة واحدة.

يا جدعان أرجوكم ساعدونى و ماحدش يقولى شوف واحد صاحبك عنده ريس لأن أصلا اللى معاهم ريس فى مصر يتعدوا على صوابع الإيد و كمان ما أعرفش حد خالص عنده أى نوع من الموتوسيكلات
ساعدونىىى أنا تعبت من كتر الفيديوهات و القراءة و نفسى أجرب التجربة العملية ان شا الله لو 100 سى سى حتى

و آسف للاطالة بس أملى فيكم كبير يا رجالة و على فكرة أنا بكالوريوس هندسة اتصالات عين شمس برده

شوف يا هندسة...انا رحت لمحل بيع ريسات وقلتله عاوز ااجر ريس ومعايا واحد يعلمني..قالي موجود
اتفقنا على تمن الساعة وطلعت مع واحد وريس 400 ماكنش عنده اقل..
المهم..قلتله بس لازم خوذه وجوانتي..قعد يلف حوالين نفسه شوية
وبعدين طلعلي بيهم
ولو ماكنش جابهم كنت هاأجل الموضوع شوية لحد ما اشتري وانت كده كده لو ناوي تشتري ريس هتشتري الحاجات دي
بس..بس المهم تروح مكان مناسب فاضي ومتسفلت للتدريب

ده اللي انا عملته

اقتباس:

---

انت موهوب بالفطره ودى هبه من ربنا وربنا يدومها عليك

---

اللهم اآمين..متشكر جدا بس هو توفيق ربنا
وانا طبعا لسه محتاج تدريب كتير انا عارف..
ربنا يسهل واكمل التدريب على البايك بتاعي ان شاء الله

طب هى الساعة فى رينج كام عشان ما يدحكش عليا ؟؟؟
و كمان إنت بدأت وواحد وراك ؟؟ متهيّألى هتبقى صعبة شوية عشان الوزن بس احنا قدّها ان شاء الله
أصلى ان شاء الله احتمال اسافر أول ما اخلص لو خرجت من الجيش (ادعولى يا رجالة) و صعب أوى أوى أجيب واحد فى مصر للأسباب المعروفة
هو صحيح هينفع فى السعودية و لا أنا بهذى عشان الحرارة والرطوبة والجو و العربيات هناك أساسا رخيصة و أكيد عارفين عاملة إزاى

الريس و"المدرس" كان ب 90جنيه الساعة
انا شايف انه عمل معايا واجب..بس انا عملتله البحر طحينه..
وقلتله ناوي اما اتعلم اشتري وان شاء الله يكون من عندك والكلام ده

اقتباس:

---

و كمان إنت بدأت وواحد وراك ؟؟

---

لا انا اخدت الراجل ورايا في الاخر واحنا راجعين بعد ما اتمكنت شوية
وانت ان شاء الله قدها بس لا تنس دعاء الركوب

يا hossaam باشا أنا شاكر ليك جدا
و الواحد حاسس انه كل يوم بيطلع صديق عن اليوم اللى قبله
أخلص بس الامتحانات و انقلك التجربة يا باشا ان شاء الله

بالتوفيق
وربنا يحفظنا جميعا

انا برده اتعلمت علي 400 بس عادة و كانت بتعتي يعني اشتريتها و انا مش بعرف اسوق عملي لكني كنت اتفرجت علي فيديوهات كتير عن السواقة و البدايات و السلامة و اكيد طبعاً بشمهندس محمد otefa ليه دور كبير قوي معاية و المنتدي كله و اتعلمت علي البيك في نص ساعة من غير ما اخد حد وراية و بعديها طلعت لوحدي و مشيت و نقلت و شديت و اول وقعه اخدتها بعد 4 ايام بسبب اني افتكرت اني بقيت سواق

اقتباس:

---

المشاركة الأصلية كتبت بواسطة otefa

لو والدك مالوش في الحاجات دي هيبقي صعب قوي انك تقنعه..................لو ابني قالي انا عايز اركب بايك ها عارضه جامد ومش ها وافق بسهولة مع اني باركب ريسينج بس في الاخر لو لقيته فعلا مصمم وغاوي الموضوع ومش نزوة هوافق وهاأحاول أعلمه الموضوع علي أصوله وتحت عنيا أحسن من مايروح يعملها من ورايا

---

هو ملوش في الحاجات دي خالص وبيترعب من الموتسيكلات اساساً لان واحد صاحبه زمان مات في حادثه فيزبا
انا فاكر لما جيت اشتري عجله وانا صغير كان متردد وبيقولي انا اشتريلك عربيه ومشتريلاكش عجله وجبتها بالعافيه
وفعلاً علمني سواقة العربيات من وانا عندي 7 سنين كده بس الموتسيكلات ليها جو وطعم تاني خالص

اقتباس:

---

المشاركة الأصلية كتبت بواسطة ralliart

هو ملوش في الحاجات دي خالص وبيترعب من الموتسيكلات اساساً لان واحد صاحبه زمان مات في حادثه فيزبا
انا فاكر لما جيت اشتري عجله وانا صغير كان متردد وبيقولي انا اشتريلك عربيه ومشتريلاكش عجله وجبتها بالعافيه
وفعلاً علمني سواقة العربيات من وانا عندي 7 سنين كده بس الموتسيكلات ليها جو وطعم تاني خالص

---

ده بيبقي كله قدر ومكتوب في الاول والاخر.............يعني الحمد لله بسوق عربيات كويس ومع ذلك اتقلبت بعربية من حوالي 20 سنة وماكنتش غلطتي تشوف العربية تقول ماحدش طلع منه سليم بس ربك لما بيريد كنا 5 في العربية كانت اكبر اصابة كانت كسر في الترقوة...........كانت عند سور المطار فاكرها كأنها أمبارح..........طبعا البايكس خطورتها أكبر مافيش كلام بس الحرص واتباع الاصول والباقي علي ربنا ........وعلي فكرة ده مش تشجيع ههههههههههههه

اقتباس:

---

المشاركة الأصلية كتبت بواسطة otefa

ده بيبقي كله قدر ومكتوب في الاول والاخر.............يعني الحمد لله بسوق عربيات كويس ومع ذلك اتقلبت بعربية من حوالي 20 سنة وماكنتش غلطتي تشوف العربية تقول ماحدش طلع منه سليم بس ربك لما بيريد كنا 5 في العربية كانت اكبر اصابة كانت كسر في الترقوة...........كانت عند سور المطار فاكرها كأنها أمبارح..........طبعا البايكس خطورتها أكبر مافيش كلام بس الحرص واتباع الاصول والباقي علي ربنا ........وعلي فكرة ده مش تشجيع ههههههههههههه

---

آهيا ديه اللى الأهالى بيمسكوا فيها مايسيبوهاش واقنع بأه لو جدع

اقتباس:

---

المشاركة الأصلية كتبت بواسطة shouk_1987

آهيا ديه اللى الأهالى بيمسكوا فيها مايسيبوهاش واقنع بأه لو جدع

---

+111
انا مقتنع انه قضاء وقدر وهما كمان مقتنعين بكده بس بيقولو ناخد بالاسباب ومنعرضش نفسنا للخطر وبعدين نقول قدر والحوارات دي
مفيش فايده :120146b

أنا قصدي خطورتها اكبر في حال تعرضك لحادث( ممكن ماتتعرضش دي حاجة بتاعت ربنا) علشان مافيش قفص حديد(cage) حواليك علي راي البايكرز الاجانب ...........وانا تجربتي زمان كان فيها حظ (قدر) كنت باموت في حاجة اسمها عجل يعني وانا في الجامعة كنت باعملي من 10:20 كيلو يوميا البايكس بدأت معايا كان فيه مجموعة من جيراني معاهم بايكس هوندا 100 وال125 حاجات صغيرة بس كانت سريعة برده بتجيب لغاية 120:140 فبدأت بلفة من هنا علي لفة من هنا ...........وبعد كدة اشتريت حاجة صغيرة بس الاهل ماكنوش موافقين وحطيتهم قدام الامر الواقع وطبعا ده غلط مافيهاش كلام بس أهو هو ده الي حصل ايامها وربنا يسامحني وفضلت اقنع فيهم بعدها لحد ما الموضوع عدا.........أقصد نادرا وبنسبة ضعيفة انك هاتلاقي الاهل يوافقوا علي فكرة البايك

ألف الف مبروك .. واوعى الغرور يخدك

ايهاب ملك الهايبوزا








[IMG]file:///C:/........s%20and%20Settings/ehab.hamdi/Desktop/bosa.jpg[/IMG][img2]http://lakesparadise.com/automobile/wp-......./uploads/2009/03/hayabusa-p.jpg[/img2]

http://lakesparadise.com/automobile/...hayabusa-p.jpg

بس انت ماقلتلناش اجرت الموتوسيكل من عند مين ؟؟؟؟ علشان انا كمان عايز اروح اجرب