الموضوع: مساعدة من اللجان الطبية المركزية بالإسعاف

السلام عليكم ورحمه الله وبركاته
إخواني الأفاضل ، كالعادة إعتدت علي إستشارتكم في أي شيء
عندي مشكلة صغيرة في إن والدتي مدرسة رياضيات في مدرسة ثانوي وجايلها جواب ثانوية عامة في بلدة تابعة لمركز بلبيس في الشرقية معني ذلك إنها هتسافر وتركب ثلاث مواصلات حتي تصل لهناك (قبل الساعة 8 صباحاً يعني تصحي الساعة أربعة ونصف الفجر ومحدش من زمايلها رايح المكان ده يعني حتي مش هاعرف اأجر لها عربية توديهم زي ما بنعمل كل سنة )
وهي أصلاً عندها إنزلاق غضروفي وبتروح المدرسة بالعافية
ودايخ بتقاريها الطبية علشان ألغي المراقبة دي ومش عارف من الإسماعيلية للقاهرة للمنصورة
ومش عارف أخرتها إيه .
واحد أخيراً بالمديرية قالي روح الإدارة المركزية للجان الطبية في الإسعاف
فلو حد يعرف الدنيا عاملة إيه هناك أو إيه المطلوب أرجو أن يقول لي قبل ما أروح ويقولولي ناقص ورقة إيه وصورة إيه إدفع وإعمل وكل حوارات الروتين إلي حضراتكم عارفينها .
إحتراماتي

يارب حد يرد عليا قبل ما دبس في زيارة يوم السبت في الحر الجميل ، وموظفين الحكومة اللطاف :)
إحترامات