انا من اسكندرية يعنى المسفة لمارينا كام ساعة والطريق باليل منور
وبردة عاوز اعرف اسعار الشواطئ فى مارينا 1 او 2
عرض للطباعة
انا من اسكندرية يعنى المسفة لمارينا كام ساعة والطريق باليل منور
وبردة عاوز اعرف اسعار الشواطئ فى مارينا 1 او 2
حوالي ساعةو 1/4من العجمي علي سرعة 100
تقريبا الكرسى او الترابيزة من 3الى 5جنية والشمسية من 7 الى 10ج
ولو جايبهم معاك محدش هيكلمك ومفيش تذاكر لدخول الشاطىء المفتوح
واول ما تدخل من بوابة ماربنا 2 تكمل طوالى لحد الصينية على شمالك هتلاقى السوق و باسم ماركت و فروج و هارديز
و امامك هتلاقى كوبرى يعبر البحيرة وتلاقى امامك صينية تدخل يمين وتركن وبعدين تاخد حاجتك وتطلع على البحر المفتوح وياريت تلاقى مكان جنب لسان الحاجز لان المية فيه هادية ومفيهاش دومات
متابع معاكوا
انا بروح قرية الشروق ...كوية وهى فالكيلو 41 ...لذيذة فى 4 حمام سباحة وسوق تجارى ومش لمة ناس كتير لان معظمهم ملاك مش مستأجرين
ماربيللا فوق الوصف
يعني دخول مارينا بتذاكر عادي ولا بكارنيهات بس؟
منور مناطق مناطق اعتبارا من الكيلو الواحد وعشرين
بورتو مارينا ده فى بوابة مارينا 3 انت ماشوفتش عمرو اديب لما بيقدم القاهرة اليوم من بورتو مارينا!!!
وفيه فندق وشقق سكنية و شاطىء و ميناء لليخوت و مطاعم وسينما و مجرى مائى ممكن تركب فيه جندول زى بتاع فينسيا وممشى ليلى كده شبة منطقة المشاية اللى فى خليج نعمة بشارم الشيخ
ليلا عندك مارينا واحد فيه كافتريات كتير فيها مشروبات و وجبات خفيفة و شاشات عرض كبيرة بتعرض افلام فى الغالب عربى
وفيه ملاهى للاطفال فى نفس المنطقة بس معرفش بتشتغل من شهر كام
وعندك السوق اللى فى مارينا 2 فيه كافتريات و مطاعم بتقدم فطائر وبيتزا مش غالية
وفية أماكن تانية بس بلاش تروحها خليك فى الخط اللى برشحولك بس
بجد لو كارنيهات بس تبقى "بورعي" ؟
لو كده اكيد في سماسرة معاهم كارنيهات وبيأجروها للناس اللي ساكنين برة وعايزين يدخلوا لو في حد يعرف الحوار يبقى خدمني شخصيا خدمة كويسة اوي!!!!!!
فى قرية فى العجمى البيطاش اسمها بيانكى ليها شاطئ خاص وغالبا بيكون صف واحد شمسيات على البحر
عندي شاليه هناك للايجار وهو عبارة عن :
دور ارضي 3 غرف تشطيب سوبر لوكس + تراس كبير بحرى (نمره تسعة من البحر) حقيقي ياجماعة قرية عائلية جدا والشاطئ مميز فعلا
الايجار من المالك مباشرة 200 جنيه لليوم
ت: 0106033055
فية قرية المهندسين الى كانت تبع نقابة المهندسين (مش سلاح المهندسين دى قارية تانية خالص)دى اول قرية اتعملت فى الساحل الشمالى الكيلو 26 دى مبنية من الثمانينات و واصل لها مية من الحكومة و تليفونات الحكومة يعنى الى عايز يشغل خط نت على سرعة 32 ميجا فى الثانية ممكن يدخل الخط دا
و دى اول قرية و انت داخل الساحل الشمالى
و الفلل فيها ضخمة دورين و روف فى الدور التانى و 5 اود و 3 حمامات و جراج و صالة 3 قطع
و فى القرية 2 حمام سباحة غير انه فية نوعين من الحراسة و مساحة الجنينة 400 متر باسوار ارتفاعها متر و نص يعنى محدش شايفك من الجيران
و فيها صفين شاليهات مواجهين للبحر و ملاعب كورة و محلات و جامع
و نص القرية مساحات خضراء
الامن فى القرية
و افراد الامن من الجهة المقابلة لشركة بترول سوميد يعنى حراسة خاصة 24 ساعة ههههههههههه و بكدة محدش يقدر يدخل الشاطئ الخاص بتاع القارية من النحية التانية
انا عندى فلة هناك بس لحد دلوقتى مش عارف ثمنها بقى كام فى السوق
الأستاذ ميدو
كان فيه موقع متكامل به كل القرى السياحية على الساحل الشمالي بالصور وارقام تليفونات القرى والشركات المسئولة عن التأجير
بس للأسف الموقع حاليا مش شغال لكن لحسن الحظ انا كنت مخزن عندي الموقع بكل تفاصيله ولينكاته
وتقدر تحمله من هنا
4shared.com - online file sharing and storage - download ط¯ظ„ظٹظ„ ظ‚ط±ظ‰ ط§ظ„ط³ط§ط.ظ„ ط§ظ„ط´ظ…ط§ظ„ظٹ.rar
الملف مضغوط بالWinrar حمله ولو في اي سؤال بعد التحميل انا تحت امرك
بالنسبة لمارينا معنديش فكرة كاملة بس على حد علمي مفيش تذاكر وابسط حاجة في الدخول انك تقوله انا داخل فندق بورتو مارينا
اما بالنسبة لقرية سيدي كرير فالدخول بالكارنيهات فقط ولا يوجد تذاكر وممكن اي حد من الساكنين يترك لك خبر على البوابه بأسمك
ومصرح بالدخول (بدون كارنيات القرية) لضباط القوات المسلحه واسرهم (عميد ولواء فقط)
شوف يا باشا من تجارب في الساحل الشمالي مارينا اجمل و الذ قريه في الساحل و ممكن تلاقي الشاليهات فيها النظيفه ابتداء من 750 في اليوم ده من واقع تجربه الصيف اللي فات و لو لقيت المسائل غاليه يبقي عندك قري اللوتس و مينا
قرية المنتزه فيها مشكله كبيره ايه هي انهم بيسمحوا لغير العائلات بالأيجار فبتلاقي كتير شباب مش كويس و غلبا بيبقوا رايحين علشان الشرب ة القرف انا شخصيا في سنه روحت هناك و كان اللي ماجرين الشاليه سوية شباب و لما روحنا نخبط علشان نستلم كانوا في حاله شيئه جدا مطرح القرف اللي كانوا بيشربوه بس القريه كقريه لطيفه و قريبه جدا من مارينا يعني حوالي 10 دقائق
بعد كده بقي عندك قريو سيدي كرير و دي حلوه اوي برضه بس مش هتنزل غير في البيسن لأن البحر وحش جدا و البحيره عباره عن ترعه بس هي قريه لطيفه جدا و في جوه كوستا و ده قعدته تحفهههههههه و كنت لسه سائل علي الشقق فيها في اجازة تحرير سيناء كانت الشقه بحوالي 550 جنيه و شوف برضه انت عاوز ايه و ان شاء الله احاول افيدك
شكرا يا استاذ kh_talaat
وكمان شكرا يا استاذ adhamsabry51
بس بجد انا احترت جدا خايف اروح قرية تطلع كويسة وكل حاجة بس بالليل تكون هادية اوي ومعرفش اخرج بالليل عشان كده كنت عايز اسكن في اي قرية قريبة من مارينا عشان اروحها بالليل بس موضوع الكارنيهات ده بوظ خطتي
بس احسن حاجه روح كرير اعتقد انها هتعجبك بس بند الشيشه مش هناك علشان دي قريه تابعه للقوات المسلحه بس فيها كافيهات بالليل و فيها جاد كمان و زهران ماركت و لو حبيت تروح تسهر في 6 اكتوبر اهي جنبك برضه بس يعني خد بالك لأن اكتوبر زحمه جدا جدا و الي حد كبير بصراحه بتبقي لمه اوي في الصيف
يعنى اخر كلام مفيش تذاكر بعد مالواحد حضر المايوة ؟؟
ولو قلت داخل لفندف بورتو مارينا هدخل عادى اكيد وممكن اروح على شاطئ مارينا 2حسب الوصف
بص اصل اكتوبر بقت عامله كده زي مثلا مراقيا او الشواطيء العموميه فيها اشكال مش هتعجبك سواء كانت بنات او اولاد يعني الي حد كبير جدا بيئه ممكن تلاقي فيها مناظر كتير تضايقك و مع ذلك هي سهرانه طول الليل
مين اللي قال ان التذاكر في مارينا اتلغت انا الصيف اللي فات داخل بورتو مارينا مرة يوم حفلة عمرو دياب ودفعت 20 جنيه او 15 جنيه تقريبا كنا 5 ودخلنا بنفس التذكرة الممشى بتاع بورتو مارينا
ومرة تانيه كان قبل الحفلة دخلنا بتزاكر برضو ويومها كمان كنا 5 وواحد صاحبي كان عارف اللي على البوابة وخلانا ندفع تمن 3 تزاكر بس
بس لغاية السنه اللي فاتت في تزاكر وانا داخل بيها مرتين بنفسي لان بالعقل كده في ناس كتير جدا بتدخل مارينا وده بيمثل دخل للكافيهات والمطاعم وايراد في نفس الوقت للقرية . اكيد هما مش هيمنعو الكم الرهيب ده كله
في تذاكر لدخول مارينا ولا مفيش؟ عايزين نتأكد
ممكن حد يخطف نفسه كده على السريع يروح يسأل الناس اللي على البوابة ويرد لنا خبر :8954[1]:
ايه الصحراء دي
حد يفيدنا يا جماعة
مارينا فيها تذاكر يا جماعة انا بقالى 5 سنين بروح الساحل :) بس التذاكر بتبقى غالية و كل سنة بتغلي عن الاول
و انا قاعد هناك فى قريه اسمها (دياموند بيتش ) و دى قرية الى جنب قرية اللوتس لو حد يعرفها بين القرية و بين مارينا 6 كيلو بس و انا عندى شقة هناك و عارضها لللايجار ان شاء الله اول مره اجرها عشان الصيف ده مضغوط و احتمال كبير اطلع 3 ايام كل كام اسبوع مش اكتر و الثمن 600 جنية ان شاء الله فى اليوم و ده بجد سعر حلو جدا و كل واحد يسأل هناك عشان كل لما بتقرب من مارينا كل ما التمن بيزيد و فى محاولة انى اجيب كارنية مارينا اديه للمستأجر بس لما اشوف الراجل الى بيجبلنا الكارنيهات كل سنة حديلنا كام واحد السنادى ربنا يسهل ان شاء الله
تمام الكلام رقم فندق بورتو مارينا كام اوة اوشن بلو
استاذ solom_2010 ايه اخبار القرية دي يا باشا يعني فيها سينما وحمامات سباحة وكده وايه اخبار القرية بالليل هادية ولا شغالة ولا زحمة ؟؟؟
سؤال اخير الشقة بتاعت حضرتك كام اوضة وهل مكيفة ولا لا في الدور الكام، وامتى هتبقى هتتاكد من موضوع كارنيهات مارينا
واخير اعمل حسابك على واجب نايل موتورز
ادى السايت بتاعهم
Porto Marina - El Alameen
ولو عايزنى احجز واروح اعوم مكانك مفيش مشكلة:POINTIy2[2]::POINTIy2[2]:
لو مش طالع مع العيلة كان عادي يا باشا تيجي معايا تنورني
تصدق انا خلاص صدقت اني خلاص هحجز في فندق بورتو مارينا!!!!!!!
القرية بليل بتبقى حلوة اوى فيها زى كافيتريا كبيرة و بيتعرف فيها كل يوم فيلم من افلام السينما بتاعت السنة الى فاتت و بيبقى فى على البحر كل يوم خميس و جمعة سينما على الشاطىء و بيكون فيها فيلم من الموسم الحالى الافلام الجديدة يعنى و الكافيتريا فيها سندوتشات بأسعار كويسة اوى عشان القرية مدعمة من البنك الاهلى المصرى و القرية فيها (طفطف) لللاطفال و الكبار:F_eyeb1[1]: و فيها منطقة اللعاب لللاطفال يعنى الجو بليل بيبقى حلو جدا
كنت حنسى الشقة فى الدور الثالث
الشقة بتطل على حمام سباحه عشان هناك كل كام عمارة كده ليهم حمام سباحه و بتشوف البحر كويس جدااا و الشقة تتكون من (3 غرف نوم +2حمام+مطبخ واسع +ريسبشن و سفره )و الققة فيها مراوح مش مكيفه )
و ان شاء الله لو فيه نصيب حتكلم مع ولدى و اكيد لاعضاء نايل موتورز ليهم الاولوية و الواجب طبعااا
:colsmil::colsmil:
معلش طولت على حضرتك