الف شكر ليك ياهانى اكيد ان شاء الله هانزل
بس انا بسال على خبرات الاعضاء ورايهم ايه المستوى الكويس فى الحدود ده
انا لاحظت انى اكتوبر مشهورة
هل هى كويسة فعلا ومستواها معقول وفيها شواطى ولا ايه
عرض للطباعة
6 اكتوبر مش بطالة بس تشوف كمبوند يكون فيه حمام سباحة علشان العيال تنبسط...........أنما البحر سيء.............احسن مكان ممكن تنزل فيه بحر في الساحل الشمالي هو ماربيلا(فيه مصدات)...........مارينا روحتها كذا مرة دوشة جدا وماعرفش حسيت انها اوفر راتد قوي..........عندك زهران ماركت مكان رائع للتمشية والمشتريات وملاهي ..............عندك قرية الحمام متكاملة لو عايز لبن العصفور هاتلاقيه عندهم وكمان خدمات صحية(مستشفي)..............الاسعار في الساحل الشمالي بصفة عامة بتبدا من 150 جنيه ل 4000(فيلا دورين مكيفة تاخد 10 ل 15 افراد واكتر)
بالنسبة يا جملعة للموضوع الاساسي اللي كنت بسأل عنه في حد يعرف رقم سمسار في جرين بيتش؟ وايه ظروفها بالليل هل هي هادية اوي لدرجة السكون القاتل؟
أعمل سيرش علي الجوجل هاتلاقي كتيرررررررررررر سواء اعلانات ايجار او سماسرة
انا اقصد لو حد مجرب يتعامل مع شخص هناك هيكون أفضل بدل ما تتعامل مع حد مفيش انطباع عنه ويمكن يطلع مش تمام
طب لو الواحد ممكن يقضى يوم فى مارينا ويرجع عرفنا الدخول ب 15 جنية طب الاسعار اية فى الشواطئ او جوة من اكل وشرب ؟
وياريت معلومات لو هقضى يوم اروح فين
أكلك وشربك معاك أو من سوق مدينة الحمام
و فى الداخل الاسعار عالية واقل مكان الاسعار فيه مش غالية أوى هى منطقة السوق فى مارينا 2
وفيه مطاعم ومحلات زى ما انت عاوز فروج وهارديز و الدمياطى بتاع الفول والكشرى و سوبر ماركت زهران وباسم وغيرة ومحلات للسمك تاخده طازة أو يتجهز بسلاطاته ورزة
نصيحة لو انت من خارج اسكندرية فاعمل حسابك على أكتر من يوم والا هتتعب جدا أثناء العودة ومتعة مارينا بالليل اصلا
وخذ بالك فيه شواطىء تناسب العائلات و دى فى مارينا واحد واتنين اللى على البحر علطول
ابعد عن الشواطى الخاصة وكمان شواطىء البحيرات لان الارض تحت المية فيها كأنها طينية
شاطئ النخيل اقرب إنه يكون مدينة سكنية مش مصيف علشان هو شغال طول السنة بس هي زحمة جدا جدا واسعار الشقق فيها متافوتة يعني ممكن تلاقي be-90,000 بس هتبقى جوه شوية وممكن توصل ل 500,000 لو على البحر وفي شوارع هادية وحلوة اللي هي في آخر المدينة
وبرده اسعار الاجارات ممكن من 80 جنيه لليوم حسب الشقة وحالتها.