الموضوع: قرية كويسة في الساحل الشمالي

يا سلام يا باشا موضوعك ده هالل علينا بنسايم البحر والاجازات
شوف يا باشا
معظم القرى فى الساحل الشمالى جميلة وزى الفل انما خد بالك
1-يمكن السباحة فى البحر فى القرى الموجودة أعتبارا من الكيلو 80 تقريبا أما قبل كدة واعتبارا من قرية سيدى كرير فالبحر غير صالح للسباحة وبالتالى مفيش غير حمامات السباحة والبحيرات الصناعية بس
2- مشكلة القرى السياحية هى من بعد المغرب و بالليل هدوء قاتل ما عدا مارينا اللى هى تقريبا حجمها يقارب اسكندرية الان
فالسهر فيها له اشكال مختلفة ومحدش بيزهق فيها خالص
حتى الكثيرين من مقيمى القرى الاخرى يقضون الليل والسهر فى مارينا ثم يعودون لقريتهم
أتمنى لك صيف ممتع ان شاء الله .

المشاركة الأصلية كتبت بواسطة egyptawy2010

طيب ايه اسعار الشقق ياجماعة يعنى ممكن الاقى شاليه صغير فى مارينا ب 90 الف مثلا ولا ايه

ايه مارينا شالية ب 90 الف
صعب جدا اقل حاجة تقارب 750الف مثلا

شوف فى شاطىء النخيل فى الواحد وعشرين ممكن تلاقى بالسعر ده.

المشاركة الأصلية كتبت بواسطة akramlail

طب هو دخول مارينا او سيدى كرير لتقضية يوم وترجع فى نفس اليوم فى رسوم بتدفع للدخول ؟

مارينا لازم كارنية يكون معاك أو يكون حد منتظرك على البوابة ومعاه كارنية أو تكون حاجز فى الفنادق اللى جوه القرية ومفيش تذاكر
ولا أعرف نظام قرية سيدى كرير