المشاركة الأصلية كتبت بواسطة largeman
بالنسبة لصيانة 1000 متقولش اي حاجه .. هما هيقوموا بالواجب .. زي تربيط العفشة و تغيير الزيت و تغيير فلتر الزيت
بس انا بقي هنصحك نصيحة اخوية جميلة أوي :-
استعمل زيت اياً كان موبيل او شيل بس بصراحة بالنسبة لي بفضل موبيل في الصيف لأنه بيتحمل درجات الحرارة العالية عشان يحتفظ برده بالزوجته انما شيل بفضله اكتر في الشتاء بس بصراحة معنديش فكرة عن مدي تأثير تغيير الزيت بالنسبة للعربية في فترة الصيف او الشتاء و لسه انا مجربتش .
النصيحة بقي هي ايه ---- اي زيت تستخدمه هات اللي بيقعد 10000 كيلو .. ليه بقي
لو انت جبت زيت اللي بيتغير كل 3000 كيلو يبقي كده هتستخدم (3 كيلو زيت * 3 مرات غيار زيت )+ عدد 3 فلاتر زيت = 258.75جنية + 132 جنيه = 390.75 جنيه
انما لو جبت زيت اللي بيتغير كل 10000 يبقي كده هيكون حسابك (3 كيلو زيت * 1 مرة غيار زيت) + عدد 1 فلتر زيت = 176.25 جنيه + 44 جنية = 220.25 جنيه
يبقي انت وفرت علي نفسك حاجات كتيره اوي اوي :-
1- وفرت مبلغ وقدره 170.50 جنيه .
2- وفرت وقت تغيير الزيت ثلاث مرات .
3- تنسي موضوع تغيير الزيت لفترة طويلة .
4- اداء افضل للعربية لأنه بيكون زيت مخلق و ليس عليه اي شوائب .
بس النصيحه الغالية اوي مني هي .... لما تكون هتستخدم زيت 10000 لو انت بتسافر كتير يبقي غيره كل 10000 انما لو انت بيكون مشاويرك جوا البلد يبقي غيره كل 8000 كيلو
انا لما عملت صيانة 15000 لم اطلب تقرير الصيانه المجاني ..
ارجو اني اكون قد وضحتلك حاجه