بعد نبطشية يومين في المستشفي..ابن حلال بمسمار يحفر علي الكبوت و الشنطة..ساعدوني ...هل في حل غير الرش..هل في ورق تفييم أظن شفت حاجة ذي دي...المساعدة يا خبراء المنتدي
بعد نبطشية يومين في المستشفي..ابن حلال بمسمار يحفر علي الكبوت و الشنطة..ساعدوني ...هل في حل غير الرش..هل في ورق تفييم أظن شفت حاجة ذي دي...المساعدة يا خبراء المنتدي
حسبي الله ونعم الوكيل واستنى رد الخبراء.........
لو الحفر مش غائر ممكن يوم كدة تجيب بوليش و كومباوند و تقعد تظبطهم بس عاوزة طولة باااااااااااااااااااااااا اال قوي
للأسف غائر جدا..فين رد الخبراء
فى طريقه سمعت عنها بس ما جرتهاش
أنك تجيب علبه دوكو لون العربيه او لون قريب منه وتروح راشش المكان الى فيه الخربوش كله ( ممكن تروح عند حد بيضرب بويا يضرب ليك 1/8 بويه نفس الدرجه بتاعه العربيه بعد ما بيأخذ رقم اللون )
وتكون محضر قبلها فوطه مبلوله جاز وتستنى ثوانى وتروح ماسح المكان بس بدون ضغط بس فى نفس الوقت تمسح كويس بحيث البويه الى حوالين الخدش تطلع وميبقاش غير البويه الى فى مكان الخدش بس
هى الطريقه ديه بتكون للخدوش الى مش بينفع معاها بولش وكمبوند
يعنى لما يكون الخدش عميق ووصل لصاج العربيه
وفايدتها أنها بتحسن الشكل الى حد كبير وكمان بتخلى المكان الى اتشال من عليه البويه ما يصديش
بس للأمانه الطريقه انا لا جربتها ولا حد عملها قدامى
فحتى لو مقتنع بيها خليها اخر حل خالص بعد كل الاخوه ما يردوا عليك
مافيش حل جربت كل الحلول بما فيهم موضوع البوية اللى هانى قال عليه ومفيش حل
والحل الوحيد رش القطعة كلها .... والحل الافضل انك تسيبها كدة وادعيلى
هو الحل ده منطقيا و بالتفكير كده أكتر من ممتاز و غير مكلف و لكن زي ما قلت يا أستاذ/ هاني محتاجين حد يكون جربه ويقول لنا وعموما لو الرش يكون مركز في منطقة الخدش بس بدون توسيع حيكون فعلا حل سحري و عموما ربنا يإذي المؤذيين ويكفينا شرهم.اقتباس:
المشاركة الأصلية كتبت بواسطة zkralla
للأسف وعن تجربة متقدرش تعالجها غير بالكمباوند إلي حد ما
مفيش حاجة هترجعها لأصلها غير الرش لو الخدش وصل للصاج
انا جربت طريقة البوية اللى قال عليها الأخ الكريم zkralla وجابت نتيجة مش كويسة،
+1اقتباس:
المشاركة الأصلية كتبت بواسطة foxoo7
بيبقى شكله وحش اوى ... اوحش من الخدش ذات نفسه
بس هو عمل نتيجة ممتازة فى مكان زى العتب علشان المكان دة مش باين اوى
لكن كبوت يبقى انسى
طيب معلش انا بقا عندى مش خدوش هيا عبارة عن بقع تلاحظ لما النور ينعكس على الكبود و ده تنيجة العصافير و الكبود بيسخن و عليه الحاجات دى فالبقع بتبقى ظاهره
انا غسلتها اكتر من مره و برضه ما زالت موجوده هل الكمباوند ينفع ليها ولا للخدوش بس و ازاى طريقة استخدامه للخدوش ؟؟؟؟
يعني مفيش حل:11: دي لوجي يا جدعان
الله يصبرك و يصبرنا علي أولاد المؤذية دول . حتصلح و ترش و تتعب نفسك و تتكلف و ييجوا هما ببساطة يعيدوا الأذية تاني . فبقول لو مش واضحة قوي فسيبها و أمرك لله . و ده اللي انا عملته . لأني كل ما بشوفها أققول حسبي الله و نغم الوكيل .
جرب قلم الدوكو ... نفس لون العربية
car paint colour ...من شارع دمشق ...
اي واحد بتاع دهانات .... هايداري اللون الابيض بتاع الصاج ...
لكن مش هايداري الغرس اوي .......
أنا هقولك على التجربة بتاعتي:اقتباس:
المشاركة الأصلية كتبت بواسطة ahmadalsattar
الكومباوند بيخفي الخدوش البسيطة بنسبة معقولة لكن مش بيشيلها نهائيا
بتجيب علبة كده ب 6 جنيه تقريبا أرخص حاجة من عند أى محل حدايد وبويات..وهات معاك بولش بالمرة،
تجيب فوطة نظيفة وتدعك مكان الخدش بس رايح جاي، أوعي تعمل حركات دائرية..بعد ما تخلص تعمل علي المكان طبقة بولش أو شمع لان الكومباوند بيشيل الطبقة اللامعة اللى عى الدهان،
انصحك تسيبها كده :-)
[youtube]http://www.youtube.com/watch?v=puamFaemhA4[/youtube]
===========================================
[youtube]http://www.youtube.com/watch?v=49J5b4sAKfI[/youtube]
مصر كلها فنانين
انا فى واحد رسملى رسمه على الباب بجد فنان
نفسى اعرف هو مين او اشوفه عشان اكرمه تكريم يليق بيه
مشكوووووور والله يعطيك الف عافيه
أنا برده عربية كارو صبحت على العربية وعملت خدش فى الباب والعربية راكنهاقتباس:
المشاركة الأصلية كتبت بواسطة ringoo
بس الحد لله مش كبير كأن واحد عملها بمسمار
وقررت إنى أسيبها
شوف الفيديو اللي في اللينك ده
هو طبعا انا مش عارف القلم ده بيشتغل ازاي ومش عارف اذا كان موجود في مصر ولا لأ
https://www.buyfixit.com/ver51/index.asp
اقتباس:
المشاركة الأصلية كتبت بواسطة amrdiab
انا عندى نفس المشكله واحد ربنا يهديه عملى 3 خدوش بالطول فى الشطنه بمسمار
وانا عملت بحث على النت ولقيت اكثر من منتج يحل المشكله بس للاسف لازم الشراء يتم عبر النت...وانا خايف انها تكون نصب لان مفيش حد اعرفة جرب المنتجات ديه
اما عن الفيديو ده ده انا كلمت صاحب الشركه(العنوان ميدان الجيش شارع الصابونى) وقالى انه عنده منتجات انجليزى وكمان كل المعدات اللازمه(معدات استخدام شخصى سعر المجموعه 170 جنيه)....بس قالى...
ان الموضوع ده يتوقف على الصناعى اللى هايعمل الشغل....يعنى فيه جزء مخاطره بردو ويصرحه انا مش متاكد و لا استطيع ان انصح احد.....بس لازم نحاول نشوف حل....
وياريت العقيد خالد يقول رايه فى الموضوع ده.....لانة لازم يكون فيه حل.....
حسبى الله ونعم الوكيل ربنا لايوفق الناس اللى بتعمل كده
فيه قلم عديم اللون تمشيه على الخدش وبيروح الخدش الى حد كبير وللأمانه أنا مجربتوش ومعرفش بيتباع فين بس شوفته فى كليب على النت وكلمت أصدقاء لى فى الخليج يدوروا عليه وأكدوا أنه موجود وهيشتروه ولما اوصل لشىء جديد هبلغ أعضاء المنتدى الكرام