هل الفرق بيكون كبير فعلاً بين موديل و موديل

ليا سؤال قد يبدو غريب شوية...معلش إعتبروه تخاريف ما قبل الماتش...
هل المفروض إن الموديل الحديث ماركة معينة يكون أعلى بدرجة كبيرة جداً عن الموديل السابق؟
نشرح أكتر...
هل مثلاً المرسيدس C Class الشكل القدبم (قلبي مش مطاوعني أقول عليها قديم :)) لو زيرو و بجانبها الشكل الجديد زيرو و سقت دي و سقت دي هنحس بفرق السما من العما؟!!!!
نفس الكلام على الكورولا و الشيروكي و الانسر و كله...
طيب لو خلينا الفرق موديلين يعني مثلاُ لو قلنا الكورولا العيون مع الكورولا الجديدة هل برضه المفروض هيكون الفرق السما من العما؟!!!
مش المفروض إنهم نفس الفئة و نفس الفكر التصميمي للمصنع و بيخاطبوا نفس الشريحة من الناس.. صحيح في تطور في التكنولوجيا بس يعني سفنج الكرسي هيختلف في إيه و جلد التابلوه هيختلف في إيه .
ليه بقى كل اللي بيركب موديل جديد دايماً بيشكر في النعومة و الفخامة و الثبات و الوسع و . و. و.و.و.و...
سؤال بس خطر على بالي...
و شكراً

مش على يا أستاذ أحمد
او أتكلمنا على الكرولا مثلا زى ما حضرتك بتأول
الكرولا العيون نزلت بعد الشكل الى أبلها الى كان من سنه 1993 - 1997 وكل الناس بالاجماع قالت ان المديل الى أبل العيون أحسن من العيون
وكتير بكون فى موديلات بنزل وار بعض على نفس الشاسيه ونفس المواتير مع أختلاف الشكل فقط
زى الانسر من 2001 الى 2003 والموديل من 2004 الى 2008 الى هو الشكل القديم على نفس الشاسية والموتور هو هو بس فلا أختلافات بسيطه حتى التابلوه هو هو

باستثناء الحالات التى يكون فيها تغييرات ثورية فى ميكانيكاالسيارات، مثل احلال الجر الأمامى مكان الخلفى مثلا، أو الحقن الإلكترونى مكان الكاربراتير او الفتيس الى سى فى تى مكان الأوتوماتيك العادى ، فإن الفروق بين موديل وموديل لا تكون ملحوظة ولا يتعدى الأمر الشكل الخارجى وشكل التابلوه وفرش الأبواب ، والدليل ان هناك الكثير من الشركات تحصل على تصميمات قديمة لشركات اخرى وتنتجها بأشكال خارجية جيدية ولا تشعر بفرق كبير فى الأداء بين الموديل الجديد من السيارة ومديلها القديم المطروح بشكل جديد من شركة اخرى

مرسيدس S-class من 2005 ل2006

مش فاكرالرقم بالظبط
بس مرسيدس كانت بتقول
انها غيرت 260 قطعه ميكانيكيه بقطع مختلفه في الاداء و احده

انا بحييك يا ahmedfd على السؤال دة
انا فى رأيى ان كل الماركات الكبيرة بتقل فى مستوى الجودة و الاداء و العمر سنة ورا سنة فى الجديد للوصول بسعر منافس فى نفس الفئة للماركات الاخرى و تمويت كل ما سبقها من نفس الموديل و كأنها من شركة معادية
لللأسباب الاتية :
-تقليل جودة الخامات المستخدمة
-تصنيع معظم الاجزاء فى بلاد ليست لها علاقة بالعربيات
-العب بطريقة مبالغ فيها للشكل على حساب المضمون
-منافسة فى كماليات ترفيهية على حساب جودة كماليات ضرورية
-تقليل سعر العربية الاجمالى و اخذة مرتين فى قطع الغيار بعد ذلك
-استخدام انصاف تكنولوجيا حديثة و عدم اكتمالها للتحديد من السعر

واخيراً تحويل العربية الى سلعة محدودة العمر بعد ان كانت سلعة معمرة لتقليل دائرة الاستهلاك .

"انا بحييك يا ahmedfd على السؤال دة
انا فى رأيى ان كل الماركات الكبيرة بتقل فى مستوى الجودة و الاداء و العمر سنة ورا سنة فى الجديد للوصول بسعر منافس فى نفس الفئة للماركات الاخرى و تمويت كل ما سبقها من نفس الموديل و كأنها من شركة معادية
لللأسباب الاتية :
-تقليل جودة الخامات المستخدمة
-تصنيع معظم الاجزاء فى بلاد ليست لها علاقة بالعربيات
-العب بطريقة مبالغ فيها للشكل على حساب المضمون
-منافسة فى كماليات ترفيهية على حساب جودة كماليات ضرورية
-تقليل سعر العربية الاجمالى و اخذة مرتين فى قطع الغيار بعد ذلك
-استخدام انصاف تكنولوجيا حديثة و عدم اكتمالها للتحديد من السعر

واخيراً تحويل العربية الى سلعة محدودة العمر بعد ان كانت سلعة معمرة لتقليل دائرة الاستهلاك ."

أتفق مع هذا الرأى قلبا و قالبا.
و لا ننسى أن هناك قاعدة حياتية بسيطة تقول : كل ميزة جديدة تساوى عطل جديد.
و يمكن اضافة عوامل أخرى تشير الى تطور السيارات الى الأسوء :
- اعتماد الدفع الأمامى بدلا من الدفع الخلفى و الذى انعكس سلبا على أداء السيارة الرياضى و على اعتماديتها.
- الجسم الأحادى و لو انه أكثر امانا الا انه أقل تحملا و متانة.
- ممتصات الصدمات البلاستيكية الضعيفة.
- تدجيج السيارة بما تيسر من كماليات و اكسسوارات مما يتسبب فى زيادة وزن السيارة و ينعكس سلبا على أدائها.