استهلاك الجين 2 للبنزين

**MohabSaeed** · 10-06-2010 01:36 AM

المشاركة الأصلية كتبت بواسطة mby

سؤالي هو ما هو المعدل الطبيعي للاستهلاك في الظروف القياسيه (ظروف الاختبار) وما هو معدل الاستهلاك في ظروف الاستخدام العاديه داخل البلد حتي اتمكن من تحديد هل توجد مشكله ام لا
مع تقديري لاهتمامك

الحقيقه كل عربيات اصدقائى اوتوماتك .. 1600 ... معدل الاستهلاك داخل المدينه بيكون فى حدود 170 : 200 كيلو لكل 20 لتر و ده فى افضل الاحيان .

اعتقد البيرسونا اوتوماتك المفروض تكون فى الحدود ديه

ياريت الناس الى معاها بيرسونا و جين2 اوتوماتك يقولو رأيهم .

**K3A** · 12-06-2010 01:11 PM

استهلاك عال قبل اول 5000 و حيقل كتير بعد اول 10000 كيلو

وده بيعتمد على الموتور

انا عربيتي بيرسونا اوتوماتك 2009 و اليك استهلاك البنزين

ال 20 لتر بنزين بيعملوا في المتوسط من 200 كيلو الى 240 كيلو وده بالحسابات على عداد الزيت مش من كمبيوتر الرحالات و تخميناته

بصورة أخرى استهلاك البنزين بين 8.3 الى 10 لتر لكل 100 كيلو

مع العلم اني مأضيها سفر كل اسبوع جمعة و سبت على طريق اسكندرية الزراعي واغلب الاحيان بسوق على 90 عشان الردار وخصوصا يوم الجمعة الصبح قبل الصلاة ربنا يهدهم

كمان نصيحة ذهبية وعن تجربة جربها وادعيلي متفولش التنك على آخره مون بس 20 لتر و لاحظ استهلاك البنزين حتلاقيه اقل كتير و سحب العربية احسن بمراحل من انك تفول التنك كله

ضيف على كده ان الاستهلاك ممكن يوصل الى 6 او 7 لكل 100 كيلو متر او حتى أقل مع السير على سرعة 90 بشكل منتظم وركز على انتظام السرعة على 90 و بجد وحتى لو مشغل التكييف حتندهش من استهلاك البنزين لما تخلص رحلتك وتلاقي مؤشر التنك اتحرك حاجة بسيطة اوي وده اقل معدل استهلاك كما هو مذكور في الكتالوج

تحياتي,,,

**Mustafa_Farouk** · 13-06-2010 04:53 PM

السلام عليكم،

إستفسار بسيط، التنك بتاع الجن ٢ ، سعة خزان قد إيه وبيتفاول قد إيه لما العلامة بتنور، وبيتمشي قد إيه بالعربيه، مجموع الكيلوهات كلها قد إيه لغاية ما العلامه تنور تاني. كل دة لو العربية اتوماتيك.

**Raul_7** · 13-06-2010 06:26 PM

المشاركة الأصلية كتبت بواسطة mustafa_farouk

السلام عليكم،

إستفسار بسيط، التنك بتاع الجن ٢ ، سعة خزان قد إيه وبيتفاول قد إيه لما العلامة بتنور

هرد عالجزء ده بس.

التنك 50 لتر, لما فولتها بعد الاستلام وكانت العلامة منورة خدت 42 لتر.

**momopersona** · 14-06-2010 09:14 AM

الاستهلاك عندى حاليا فى البرسونا مانويل 7.3 داخل القاهره بدون حرق نهائى بس فى الزحمه

لما باحرق داخل القاهره اول وتانى يوصل ل 13 لتر لكل 100 كم

لما بامشى على سرعة 80 على الخامس مده بيبئى 5 لتر لكل 100 كم

يعنى الموضوع معتمد على اسلوب السواقه عندى فى عربيتى

**Mustafa_Farouk** · 14-06-2010 10:32 AM

المشاركة الأصلية كتبت بواسطة raul_7

هرد عالجزء ده بس.

التنك 50 لتر, لما فولتها بعد الاستلام وكانت العلامة منورة خدت 42 لتر.

السلام عليكم،

شكراً جداً لردك.

بالنسبة لل-٤٢ لتر دول، وبالمشي الطبيعي لغاية ما اللمبة تنور تاني، حتمشيك كام كيلو، المجموع الكلي، مش عايز النسبة، أنا عايز المجموع الكلي، ويا ريت لو حد معه أوتوماتيك كمان يكتب عشان أنا عايز أعرف.