الموضوع: اللى عنده ابيزا يفيدنى

المشاركة الأصلية كتبت بواسطة meeg

السلام عليكم ورحمه الله وبركاته
تحيه طيبه لاعضاء المنتدى الكرام
انا امتلك سيات ابيزا 97 مواصفات خليجى 1400 انجيكشن اشتريتها من شهرين
وانا من اول ما اشتريتها وانا مش فاضى يدوب هخلص امتحانات السبت الجاى وهبدا اعملها صيانه كامله
فعايز رايكم:
انا هغير كل السيور ( كاتينه ودينامو وتكييف وشداد كاتينه ودينامو)
هغير فلاتر (زيت وهواء وبنزين وفتيس)
هحط زيت فيسكو 2000 او كاسترول مع العلم انى بستعمل شل الاصفر
هحط زيت اسو 140 للفتيس
غير بوجيهات وحط 3 شمعه ngk
كنت روحت للعفشجى وقالى محتاجه جلب مقصات
ده اللى انا حاليا فى دماغى اللى عنده اقتراحات تانيه يفيدنى
وشكرا

كله زي الفل ما عدا زيت الفتيس اوعي تحط اسو 140 لأنه هيجيبلك أجل الفتيس لأن لزوجته غير مناسبة للفتيس حضرتك حط اسو 90 او شيل 90 برضه لكن اوعي تحط 140بالاضافة لأن مافيش فلتر للفتيس أساسا
وكمان لا تنسي تظبط الاطارات من ضغط و ترصيص وضبط زوايا
وبص ايضا علي تيل الفرامل من ضمن المستهلكات لو محتاج تغيير غيره ولو مش محتاج خلاص ولا تنسي تكشف علي مستوي السوائل من سائل فرامل وباور ومياة ولو أمكن ولقيت المياة في القربة مش نظيفة يبقي تنظف دورة التبريد بمياة مقطرة وتشتري مياة حمراء من عند اي حد بيبيع قطع غيار ألماني وتضيف ليها مياة مقطرة وتملأ دورة مياة التبريد
وبالتوفيق وربنا يباركلك فيها وتستمتع بيها

المشاركة الأصلية كتبت بواسطة meeg

شكرا جزيلا ليك
بس انا عايز افهم ايه حكايه المياه المقطره واجيبها من اين هى والمياه الحمراء
وانا سمعت ان المياه الحمراء بضر الردياتير والطرمبه
وشكرا

المياة الحمراء موجودة عن اي حد بيبيع قطع غيار ألماني فولكس او مرسيدس هتلاقي عندهم والمياة المقطرة دي عندك اي محل اكسسوارات او بنزينة ممكن تلاقي فيها او تحطلها المياة اللي بتتكثف من التكييف دي انا بحطها حاليا وزي الفل
بالنسبة لزيت الباور بصراحة ما عنديش فكرة
لكن زيت الفرامل او سائل الفرامل عندك أفضل نوع علي حسب تجارب الأعضاء هو النوع ده


ودي صورة من كاتالوج الصيانة بتوضح أنواع السوائل المعتمدة من فولكس للاستخدام في هذا الموديل من السيارة واي سؤال تحت أمرك


وفي أنتظارك في اي شيء وربنا يوفقك