احذر المشي عكسي !!!!

**Eng_Nissan** · 03-06-2010 05:16 PM

المرور بقى عامل حاجه تغيظ اديلهم فتره وهي امناء شرطه بيكونوا مستخبيين في اماكن مش رئيسيه و من غيير كمين ولا بوكس واقف ومن غير اي حاجه عند الاماكن اللي ممكن يبقى فيها عكسي .!!

تيجي تاخد حته عكسي و تقولي بييس مفيش مرور هنا و ده شارع مش رئيسي و تلاقي الامين ظهرلك فجأه وطبعا عارفين مخالفتها 1200 جنيه و سحب الرخصتين و ممكن حبس !!!

انا من اسبوعين ماشي حته صغيره عكسي في اكتوبر وفي الطريق البطىء و حته مفيهاش حد اساسا لقيت الامين نازلي من عربيه ملاكي !!!! و سحب الرخص و رحت القسم كانوا هيحجزوني لتاني يوم لحد ما اتعرض على النيابه بس امين شرطه هناك سربني و لبست ال 1200 جنيه برده طبعا .

فخدوا بالكوا و متستهتروش بالعكسي حتى لو في شارع جانبي

**osama.m** · 03-06-2010 05:38 PM

انا اتمسكت عكسي اول امبارح و دفعت خمسين بس "رشوة"
للاسف مكنش معايا فلوس فكة غير خمسينات

**kasten** · 03-06-2010 06:12 PM

المشاركة الأصلية كتبت بواسطة osamalover

انا اتمسكت عكسي اول امبارح و دفعت خمسين بس "رشوة"
للاسف مكنش معايا فلوس فكة غير خمسينات

بارك الله فيك

**Eng_Nissan** · 04-06-2010 02:45 PM

انا من سنه اتمسكت عكسي ومكنش معايا غير هي 10 جنيه مفيش غيرها اديتها للعسكري و مشيت

**megaman** · 04-06-2010 02:53 PM

اهه وقعتوا تحت ايدى وليه اساسا اللى يجبرنى امشى عكسى هل مستعجل قوى ولا بوفر بنزين مفيش اى سبب يدفعنى امشى عكسى وعلى فكره العاقبه بتبقى وخيمه لو لا قدر الله دخلت فى حد مش شايفك وكسرتوا عربيات بعض او حد اتعور يا ريت محدش يمشى عكس ولو 2 متر لانه بجد غلط وخطر مش عشان المخالفه يا ريت محدش يزعل احنا اخوات وبندردش انا مره عربيتى القديمه اتخبطت جامد لنفس السبب وشكرا

**Imhotep** · 04-06-2010 05:32 PM

فى ناس بتمشى عكس عن طريق الخطأ بسبب انه غريب.... لكن فى ناس بتستهبل.... يعنى من يومين واحد على المحور كان رايح هايبر.... بعد ما عداه الطريق الداخلى لهايبر و اكتشف هو كده.... يكملش و ياخد يو تيرن زى التاس المحترمة لآ..... راح واقف و ابتدا يرجع بضهره !!! و ايه.... قدام الكمين اللى الناحية التانية.... واحد زى ده مؤكد عايز الدبح مش بس الغرامة

**hobaz** · 04-06-2010 05:46 PM

انا ضد المشي العكسي بس ده ميمنعش لني ساعات وللأسف بمشي في طريق معرفهوش كويس واكتشف في اخر الطريق اني مخالف وكل اللي ماشيين معايا مخالفين وهما مش عارفيين........

**dolly13** · 04-06-2010 06:01 PM

طبعا كلنا معرضين للخطأ خاصة لو مكان مش متعود تمشى فيه
لكن اللى بيستهبل ويبقى عارف ويصر على الخطا بصراحة ده يستحق الغرامة والامين اللى ياخد منه رشوة المفروض انه يستحق الحرق

**بحري** · 05-06-2010 02:24 PM

آخر مرة كنت راجع من بورسعيد على الطريق الدولي وعند بلطيم الطريق فيه إصلاحات ولخبطة
فضلت فترة ماشي في منتصف الطريق العكسي ومستغرب جدا من كام عربية جاية على اليمين وباقول دي ناس معندهاش دم إيه اللي يخليهم يمشوا عكسي بالسرعة دي إلى أن اكتشفت إن أنا نفسي اللي سايب طريقي تماما وماشي عكسي بطريقة رهيبة (سرعة ونور) وفي منتصف الفردة الأخرى من الطريق تماما...لغاية دلوقتي مش مصدق إن الكام كيلو دول عدوا على خير وإن ربنا سترها

**otefa** · 05-06-2010 02:30 PM

المشاركة الأصلية كتبت بواسطة بحري

آخر مرة كنت راجع من بورسعيد على الطريق الدولي وعند بلطيم الطريق فيه إصلاحات ولخبطة
فضلت فترة ماشي في منتصف الطريق العكسي ومستغرب جدا من كام عربية جاية على اليمين وباقول دي ناس معندهاش دم إيه اللي يخليهم يمشوا عكسي بالسرعة دي إلى أن اكتشفت إن أنا نفسي اللي سايب طريقي تماما وماشي عكسي بطريقة رهيبة (سرعة ونور) وفي منتصف الفردة الأخرى من الطريق تماما...لغاية دلوقتي مش مصدق إن الكام كيلو دول عدوا على خير وإن ربنا سترها

ههههههههههههه..................الح مد لله انها عدت علي خير يادكتر

ماهو المفروض يحطوا علامات مرورية وخطوط ارضية واضحة وبعدين يطلبوا من الناس الالتزام ودفع المخالفات للغير ملتزم

الموضوع: احذر المشي عكسي !!!!

LinkBack

أدوات الموضوع

عرض

-

-

-

-

-

المواضيع المتشابهه

من أجل تفادي اللجنة... فيديو لعربية نقل سولار ماشية عكسي عالمحور!

المشي علي السلانسي

مشكلة مع المشي...

حتي في الدول المتقدمة اتعلموا يمشوا عكسي.

حراره بس عكسي

الكلمات الدلالية لهذا الموضوع

المفضلات

المفضلات

ضوابط المشاركة