الموضوع: بروتون ساجا بعد 11000 كم

الأخ mosho1985

الله يسلمك يا غالي

استهلاك البنزين 5.8 - 6.5 لتر لكل 100 كم وده الكلام الفعلي المجرب وبصراحة أنا مستغرب الكاوي دي ليه ولكن علشان نوضح الصورة استهلاك البنزين في التليين عالي (معايا كان حوالي 7.5 لتر لكل 100 كيلو في التليين) وده طبيعي نتيجة المشي على سرعة منخفضة خلال فترة التليين أما بعد التليين فهو معدلها الطبيعي
وأكيد الأخوة اللي عندهم معدل أكتر بكتير (10 لتر مثلاً ) عندهم مشكلة أكيد لازم تتحل


الأخ mo7hamedemad

الله يسلمك يا باا وربنا يكرمك على الكلام الجميل اللي انا مستحقوش وربنا يديم المعروف والمحبة ما بينا جميعاً
وبعتذر تاني عن غيابي وان شاء الله احاول التزم الفترة الجاية

الأخ powerofhelll

وعليكم السلام ورحمة الله وبركاته , الشكر لله وربنا يجازيك خير على موضوعك المهم اللي انت كاتبه وفي انتظار المزيد دايماً

الأخ msafa

ربنا يكرمك ويباركلك انا عايز الناس متقلقش خالص العربية الحمد لله ممتازة

الأخ eslam_wega

ربنا يخليك ده جزء صغير جنب مجهودك الكبير في المنتدى

الأخ ahmed_h_g

أمين يا رب وجزاك الله خير على مشاعرك الطيبة

الأخ Osama.shihata

أخويا وحبيبي واحشني والله ان شاء الله هنتظم , عايزك تغلط كده وانت راجع من الغل وتعدي علينا

الأخ Abo.Mayyam

ربنا يكرمك ويبارك فيك انا متابع مشاركاتك قبل كده

الأخ hobaz
ربنا يبارك فيك وعقبال متجيب كل سنة عربية جديدة أمين

الأخ homos99

الحساب تم على استهلاك 35 لتر بعد التليين 600 بره المدينة 500 جوه المدينة

الأخ afr80

وعليكم السلام ورحمة الله وبركاته

7.1 لتر لكل 100 كيلو ممتاز جداً في التليين للأوتوماتيك وعلى فكره ال 1600 بتعمل 8.5-10 لتر لكل 100 يعني معدلك في السليم وهيقل متقلقش (لاحظ ان الاوتوماتيك بتستهلك تقريباً 10% زيادة عن المانيوال.


ان شاء الله هعمل قياس مصور لاستهلاك البنزين علشان نقطع الشك باليقين

وبشكر كل الأخوة اللي ردوا على مشاعرهم الطيبة ربنا يبارك للجميع في عربياتهم ويبعد عنهم شر الحوادث

مبروك يامعلــم , والتقرير اكثر من رائع ... وبجد تقريرك مهم جدا لناس كتيره , ولان حضرتك من اقدم الساجاويه واول ساجاوى معانا فى المنتدى

وربنا يباركلك فيها يارب ويحفظهالك ويكفيك شر الطريق يارب

وعلى انتظـــار تقرير الـ 20,000 -ان شاء الله-

تحيــــــــــــــــاتــــ ـى

تقرير جميل و وافى و ربنا يباركلك فيها و يحفظهالك و يحفظك شرها

المشاركة الأصلية كتبت بواسطة ayman_52

مبروك يامعلــم , والتقرير اكثر من رائع ... وبجد تقريرك مهم جدا لناس كتيره , ولان حضرتك من اقدم الساجاويه واول ساجاوى معانا فى المنتدى :f_eyeb1[1]:

وربنا يباركلك فيها يارب ويحفظهالك ويكفيك شر الطريق يارب

وعلى انتظـــار تقرير الـ 20,000 -ان شاء الله-

تحيــــــــــــــــاتــــ ـى

أيمن باشا نورت يا غالي
ربنا معاك وتخلص وتروقلنا كده
ان شاء الله نوصل ال 20000 ونكتب التقرير