-
بروتون ساجا بعد 11000 كم
الإخوة الأعزاء المحترمين أعضاء منتدى نايل موتورز الكرام
أولاً : بعتذر جداً عن غيابي الفترة السابقة عن المنتدى نتيجة ظروف خاصةوبإذن الله هحاول أنتظم الفترة اللي جاية
ثانياً : ولله الحمد زي ما انتوا عارفين إن أنا (وأعوذ بالله من كلمة أنا) أول من اشترى الساجا في مصر ودلوقتي عاملة معايا 11500 كم ولذلك كان من الواجب علي أن أوضح تجرتي مع هذه السيارة الجميلة وتوضيح بعض النقاط محل الخلاف أو غير الواضحة عنها , الموضوع مش شرح تفصيلي لمواصفات العربية ولكن بعض النقاط البسيطة أما المواصفات فممكن الرجوع للموضوع المثبت عنها واللي كاته الأخ powerofhelll
1- مواصفات السيارة أعتقد أن الجميع يعلمها الآن (1300 سي سي - 94 حصان - باور - سنترلوك - زجاج أمامي كهرباء - جهاز انذار -جنوط سبور .....)
2- استهلاك البنزين 5.8 - 6.5 لتر لكل 100 كم وده الكلام الفعلي أما لو المعدل عندك بعد التليين زاد عن كده يبقى أكيد عندك مشكلة
3- الثبات ممتاز جداً النسبة لهذه الفئة يعني ملفان فوق ال 120 والعربية ما شاء الله ثابتة
4-مرتفعة عن الأرض وحافظت على ارتفاعها حتى مع القيادة على طرق وعرة أو مطبات مع ركوب 7 أفراد فيها (ركبوا ازاي متسألنيش , ربك سهلها )
5-المساحة الداخلية في الطول اتساع ملحوظ أما العرض متوسط
6- الفرامل ممتازة مع العلم أنها ليست ABS
7-المتانة مقبولة أقوى من الفيرنا طبعاً ولكن أقل من الجين تو
8- كرسي السائق يمكن تعديل ارتفاعه
9- المفتاح مشفر طريقة خاصة بوجود قطعة في الريموت ترسل إشارة لا سلكية للسيارة بحيث لا تدور مع استخدام أي مفتاح منسوخ
10- استهلاك البنزين مع التكييف يزيد حوالي 10 -15 في المية ودي نسبة ممتازة من وجهة نظري
11- الشبكة الأمامية مع انها فيبر زي كل العربيات إلا إنها متينة (اتخبطت بحجر قطره 10 سم ممن سيارة نقل سرعة 130 اللوجو وقع والحجر غرز غي الشبكة والشبكة متشرختش حتى
12-مساحة الشنطة كبيرة (حط فيها جمل)
13- الشكل الخارجي جميل ويشبه الأفيو بنسبة 90%
14- زي مقلنا قبل كده صوت الموتور عالي شوية بس مش مزعج
15- التكييف جيد (مش زي الياباني طبعاً) والتأشير على سحب العربية غير ملاحظ تقريباً
16-الكاسيت أوديو بس والمشكلة دي حلتها بسهولة واشتريت MP3 player with FM modulator من RADIOSHACK ب 139 بييجي معاه ريموت والأهم معاه multi function عملي جداً وبيخلي منظر العربية روش جداً
17-ركبت فرش جلد نضيف للكراسي والأرضية والشنطة ركبته بالدباسة زي الجاهز بس اتفصلي مخصوص لإن العربية لسه منزلهاش فرش جلد جاهز في السوق (مصلحة :C_laugh[1]:) وكلفني أقل من 700 جنيه وركب في حوالي 5 ساعات في محل في المهندسين
18- لافت للإنتباه ال 5 حوامل للأكواب موزعين في السيارة
الخلاصة : بعد 11000 كم السيارة الحمد لله مفيهاش أي مشاكل وعملية جداً ومفيهاش عيوب (بالتناسب مع سعرها)
طبيعي ان في الفترة الأولانية لغاية 5000 بتعوز تربيط ولو في أي قطعة فيها مشاكل تتحل
وانا في الخدمة لو أي حد عنده أي استفسار أو حابب يتفرج على العربية يتصل بيه أو يشرفني في العاشر من رمضان وهكون سعيد جداً
تليفوني 0101696033
أخوكم عبدالرحمن
-
اهلا وسهلا بحضرتك وحمد الله على السلامه
ربنا يباركلك فى العربيه ولينا استفسار عند حضرتك بخصوص موضوع البنزين اللى عامل مشاكل فى الفتره الاخيره
يمكن فى ناس كتير معاها الساجا بتشتكى من الموضوع ده حتى بعد ال5000
ياريت حضرتك تقولنا تجربتك مع بنزين الساجا وياترى كان قبل التلين كام وبعد التليين كام واتظبط معاك على كام كيلو
-
اولا الف سلامة ع حضرتك
ثانيا انا بشكر حضرتك جدا رغم انك متعرفنيش ولا دار بينا كلام رغم شاكرك واجب على لانك السبب الى خلانى اعرف العربية دى واشتريها وليك فضل علية بعد ربنا طبعا فى النعمة الى انا فيها دلوقتى
ثالثا مجهود جبار منك الف شكر
رابعا ياريت متبعدش عننا تانى لاننا محتاجين فى الفترة دى كل الى زى حضرتك
-
السلام عليكم ورحمة الله وبركاته
شكرا بارك الله فيك
انت اخبارك ايه طمنا عليك
-
ربنا يباركلك فيها كمان و كمان
وكويس انك قولت موضوع التليين ده لأنه عامل قلق لناس كتيرة
-
ربنا يباركلك فيها حضرتك عامل تقرير ممتاز تسلم ايديك
-
ما شاء الله
ربنا يباركلك فيها .
-
ربنا يحفظهالك يا عبد الرحمن ومتطولش الغيبة علينا عيزين تشارك معانا زى زمان
-
تسلم يا أ,عبد الرحمن وربنا يباركلك فيها ويحفظهالك من أى سوء إن شاء الله
-
ربنا يباركلك فيها ويحفظهالك ويكفيك شر الطريق.........
Content Relevant URLs by
vBSEO 3.6.0 PL2