الموضوع: هي فعلا البلد مافيهاش شغل؟

الفرص متاحة و خصوصا في المناطق النائية و المجتمعات العمرانية الجديدة
يعنى مثلا الشاب اللي إنتحر ده ...كان عنده 30 سنه يعني بقاله على الأقل 8-9 سنين متخرج
لماذالم يحاول انه يطور نفسه و تعلم لغة مثلا و مبادئ حاسب آلي (الموضوع ده بيستغرق 2-3 علشان الإتقان و الممارسة)
وبعدها لو سافر الغردقة ولا شرم ولا مرسى علم كان بمشيئة الله ممكن يشتغل ويفتح بيت

طبعا انا غير ملم بظروفه بالظبط...بس الغرض من مشاركتي ان أقول في ناس كثير بيفضلوا "محلك سر" و لا يستثمروا وقتهم لبناء أنفسهم علشان يساعدوا أنفسهم و أهلهم و مجتمعهم

المشاركة الأصلية كتبت بواسطة OlaOsman

يعني حد بقاله سنتين قاعد في البيت على اساس انه مش عايز يتبهدل في وظيفة مندوب مبيعات؟

سنتين بياخد مصروفه من والده بدل ما يدور على أي وظيفة و يشيل عنه حمله؟

ده انا اللي اسمي بنت بعد ما اتخرجت من الكلية كنت مستعدة أشتغل بياعة في محل (و انا اللي خريجة آداب انجليزي) عشان ما اقولش لبابا هات.

ماهو الى اشتغل مندوب مبيعات فيهم كان بيلف ويتعب وفى الاخر النسبة الى بياخدها مش بتجيبلة حاجة دة وبرضة كان عايش على مصروفة
انا مثلا خريج حقوق وبتمرن عند محامى ولسة باخد مصروفى ومصروفى زاد عن ماكنت فى كلية لانى مش باخد فلوس باخد ملاليم من المحامى
هتقوليل ى شوف محامى تانى كل المحامين بتعامل الى جاى يتمرن عندهم لاجىء والمفروض مايخدش فلوس

المشاركة الأصلية كتبت بواسطة olaosman

طيب يا رامي انت لما كنت بتقول البلد مافيهاش شغل، كنت بتدور على شغل يتناسب مع مؤهلك؟ و لا كنت بتدور على أي شغل و مالقتش أي وظيفة أيا كانت؟

هي دي النقطه اللي بجد لازم نتكلم فيها . انا وقتها كنت بادور على شغل للي اتخرجت بيه تجاره قسم محاسبه اذاً انا اشتغل محاسب.( كان تفكيري وقتها كده ) ....مرت ايام وشهور وفجأه قلت طب ما يمكن انا بافكر غلط ؟ وبعدين القاعده في البيت اصلها خساره من جميع الجهات انا اساسا جربت فين كوني محاسب عشان اشوف انا هاحب كده ولا لأ ؟ طب مايمكن اكون احسن في حاجه تانيه ؟ ومن وقتها قلت انا لازم اجرب عشان يكون حكمي صح وبعدين الشغلانه اللي هانزلها يعني مش هاتلزق في والله انا اقبل واشوف الدنيا عامله ايه شهر واتنين والله مشي الحال اهلاً وسهلا مش نافعه معايا خالص اسيب الشغل هو ايه هايجرا يعني ؟

ومن وقتها والله العظيم يا علا من وقت ما بدأت افكر كده وانا باقيت الاقي شغل كتير وفي اماكن كتير سبحان الله.

الخلاصه ان الواحد تفكيره لما بيكون رايح لجهة ما مخه اوتوماتيك مابيشوفش حاجه غيرها ممكن جداً تكون احسن كتير من اللي بيفكر فيه .... وده الواقع بجد العملي حاجه والنظري والتفكير وانت قاعد قدام التلفيزيون حاجه تانيه خالص .....طبعاً كل واحد ليه حكمه في الاول والاخر ايه احسن وايه اوحش لكن والله يا جماعه التفكير نفسه وتحديد هدف على قدك وحاجات كتير اوي هاتفرق وان شاء الله واحده واحده كده نشوف مع بعض هانوصل لحاجه ولا لأ .

[QUOTE=Terrible_DaRsH;3872726165]هو شرط على المصريين يعنى و ذنب عليهم ان كل واحد يتخرج من كلية يشتغل مندوب مبيعات !!

الشباب مش بيتنك ولا حاجة , بالعكس كله بيتمنى اى فرصة و لكن !!

محدش قعد يدرس 4 سنين جامعة و يذاكر و ياخد كورسات علشان فى الاخر يشتغل مندوب .

ده كده مستقبله ضاع من قبل ما يبدا اساسا , و اصحاب العمل فى مصر بيستغلوا كدا جدا فى قتل المرتبات و مرمطة الشباب .

احلى جملة بتتقال ( هو فى حد لاقى شغل ) !

اضافة على كده اسلوب الواسطة و حكاية ( حسنة المظهر ) [/QUOTE
اؤيد كلامك بشدة
وبعدين هو فين الشغل الكتير اللي مالي الدنيا ده ؟ بيعدي الساعة كام يعني؟
ناهيك عن ان شغلانة مندوب المبيعات او انا اسف ال sales دي فيها كم كبير من البهدله والاحرج والاهانة . وبعدين مافيش شغلانه محترمه الالما تلاقيها متظبطة لناس تبع الشغل .
لا وتلاقي واحد زبال بيقابلك ويحبطك وانتا اصلا انضف منه تعليما ولغة ومؤهلات ويقابلك بتناكه ويقولك انتا ممكن تضيفلنا ايه في الشركه؟ وايه الي يخلينا نختارك؟
ناهيك عن المرتبات اللي مابتفتحش بيت يعني في مصر اللي اهله معاهم فلوس يسندوه بيعيش ويقدر يجيب شقة وغيره غي كده انسى