الموضوع: هي فعلا البلد مافيهاش شغل؟

[QUOTE=grumby78;3872726234]

المشاركة الأصلية كتبت بواسطة Terrible_DaRsH

هو شرط على المصريين يعنى و ذنب عليهم ان كل واحد يتخرج من كلية يشتغل مندوب مبيعات !!

الشباب مش بيتنك ولا حاجة , بالعكس كله بيتمنى اى فرصة و لكن !!

محدش قعد يدرس 4 سنين جامعة و يذاكر و ياخد كورسات علشان فى الاخر يشتغل مندوب .

ده كده مستقبله ضاع من قبل ما يبدا اساسا , و اصحاب العمل فى مصر بيستغلوا كدا جدا فى قتل المرتبات و مرمطة الشباب .

احلى جملة بتتقال ( هو فى حد لاقى شغل ) !

اضافة على كده اسلوب الواسطة و حكاية ( حسنة المظهر ) [/QUOTE
اؤيد كلامك بشدة
وبعدين هو فين الشغل الكتير اللي مالي الدنيا ده ؟ بيعدي الساعة كام يعني؟
ناهيك عن ان شغلانة مندوب المبيعات او انا اسف ال sales دي فيها كم كبير من البهدله والاحرج والاهانة . وبعدين مافيش شغلانه محترمه الالما تلاقيها متظبطة لناس تبع الشغل .
لا وتلاقي واحد زبال بيقابلك ويحبطك وانتا اصلا انضف منه تعليما ولغة ومؤهلات ويقابلك بتناكه ويقولك انتا ممكن تضيفلنا ايه في الشركه؟ وايه الي يخلينا نختارك؟
ناهيك عن المرتبات اللي مابتفتحش بيت يعني في مصر اللي اهله معاهم فلوس يسندوه بيعيش ويقدر يجيب شقة وغيره غي كده انسى

على فكرة انا شغالة في مجال التوظيف بقالي 12 سنة و أحب أقول لك ان الخريج اللي معاه إنجليزي كويس بيشتغل في وظايف كويسة في شركات محترمة و بمرتبات مجزية جدا. إنما اللي فضل في الكلية 4 سنين و في الأجازات بينام لحد العصر و مقضيها طول الليل مع أصحابه و محاولش يحسن نفسه في اللغة ولا عمل خطة لما بعد التخرج، يبقى لما يتخرج لا يلومن إلا نفسه.. إنما للأسف احنا بنكون مقصرين و اسهل حاجة نعلق تقصيرنا على 100 شماعة جاهزة للاستعمال في المواقف اللي زي دي.

المشاركة الأصلية كتبت بواسطة alaa_dash

تمام ..
+نوعية التعليم نفسها ...التعليم الفني المهمل و اللي بينظر اليه نظرة دونية ...يومية اصحاب بعض الحرف ...بتوصل ل 70 يوميا ...
بس مين يقبل يشتغلها ؟؟؟
welcome back يا علا باشا ..( الله يمسيك بالخير يا دكتور :).. :)

منور الموضوع يا علاء

المشاركة الأصلية كتبت بواسطة elassar2010

لية الناس بترفض تشتغل مندوب مبيعات؟؟؟؟
هرد على حضرتك
فى ناس لما تفتح الباب لمندوب المبيعات او لما يدخل محل مثلا بيشتموة وممكن يسبولوة بالدين او يقولوة كلام جارح
لو واحد شاب مثلا خبط على شقة والشقة دى فيها بنات ابو البنات بيفتكر ان المندوب دة بيعمل حجة علشان يشوف البنات او يعاكسهم
وفى ماس لما يخبط عليهم بيشتموة من ورا الباب لانهم بيقولوا يمكن يكون حرامى


فى ناس كتير هتشكك فى كلامى بس الى بيشتغل فيها عارف كويس ان كلامى بيحصل يوميا
واسالوا الناس الى بتشتغل مندوبين مبيعات وهتعرفوا

طيب و البنات اللي بيشتغلوا نفس الوظيفة و بلاقيهم بيخبطوا على شقق و شركات؟ انت عارف دول بيتعرضوا لإيه؟ دول بأه نقول لهم ايه؟ و لا نقول أحسن للشباب اللي بيرفضوا وظيفة زي دي و يفضلوا القعدة في البيت؟

عندك حق مندو بالمبيعات ليها سلبيات كتير بس مكنش المقصود منها مندوب مبيعات بالذات دي كانت على سبيل المثال
في مثلا وظائف المطاعم او الهايبر ماركتس
في ظاهرة غريبة اليومين دول بدأت في الانتشار وهي الباعة المتجولين
في منطقتنا في عربية بتيجي كل اسبوع من اسكندرية بيبعوا حلويات بسبوبة ومشبك وهريسة والحاجات دي
وبينادوا على السلع اللي معاهم بمايكروفون
انا قعدت كذا اسبوع سامعة بس
مرة قولت اشوف شكلهم ايه
كنت متخيلاهم بجلالبيب وعربية نص نقل
لقيتهم شباب شيك بعربية ملاكي نظيفة متهيألي كانت لانوس وراصين علب الحلويات على العربية كبوت وشنطة وسقف
بجد قعد اضحك من المفاجأة