سؤال هو الناس اللي عاشو وقت الحكم الفرعوني مش بشر!!!!!!!!!!!؟
ليه ندي لنفسنا حق النبش في قبورهم !!!!!!!!!!!!!!!!!!!!!!!؟
هو مش ده حرام !!!!!!!!!!!!!!!!!!!!!!!!!!!؟
:I_angr1[1]:
عرض للطباعة
سؤال هو الناس اللي عاشو وقت الحكم الفرعوني مش بشر!!!!!!!!!!!؟
ليه ندي لنفسنا حق النبش في قبورهم !!!!!!!!!!!!!!!!!!!!!!!؟
هو مش ده حرام !!!!!!!!!!!!!!!!!!!!!!!!!!!؟
:I_angr1[1]:
سؤال غريب....
مش عارف اعلق اقول ايه لأن النقطة دي مخطرتش على بالي قبل كده....
نشوف آراء الناس
سؤال جامد اوي بس معنديش ليه اجابة للأسف.........
امام الماديات وبريق الذهب الناس بتنسى الحلال والحرام
هو نبش قبور الفراعنة ليه اصلا ... مش عشان الدهب والكنوز
اكيد الانسان الجشع مش بتفرق معاه حلال والا حرام
لكن مش دول اللي اقصدهم
انا اقصد " البرامج " اللي بيجيبوها في التلفزيون على نبش القبور دي
لما تروح المتحف المصري مثلا
تدفع تذكرة عشان تتشرف برؤية " جثث" الفراعنة
!!!!!!!!!!!!!!!!!!!!!!!!!!!!!!!!!!!!!!!!!!!!!!
ما هما اللي غلطانين برده
حد يتدفن في هرم ؟ :)
لأ وكمان معاه أكله بشربه بدهبه بسلطاته ببابا غنوجه :)
الحقيقة معرفش اجابة للسؤال
وده لأني معنديش أي معلومات أقدر أفيد بيها ..... انا في التاريخ ضاااااايع :)
واضح ان حضرتك فعلا مبتتأثريس.... ده انا مش شايف الكي بورد من الدخان:36_1_37[1]:
افتكرت لما حركة طالبان في افغانستان دمرت تماثيل بوذا الأثرية لما مسكوا الحكم.... وكان خبراء اليونسكو بيعيطوا ساعتها....
اهو ده اللي خطر في بالي ومتسألينيش ايه العلاقة....:b4_611:
بالنسبة لموضوع التشريح.... ملهاش حل غير الجثث للأسف.... لأنها بتبين تفاصيل يستحيل الماكيت البلاستك يوضحها....واذا كانت الجثث بتشرح لمعرفة اسباب الوفاة .... اي من اجل العلم.... فما المانع ان تشرح من اجل العلم الأساسي....
عمري ما فكرت في ان فعلا البحث في قبور الفراعنه هي نبش للقبورهم
معلش معنديش رد بس خطر فى بالى حاجه خلتنى مبسوط ..
كويس ان احنا بعد فتره طوييييييله مش هيكون لينا تاريخ و محدش هيدور علينا ولا يفتح قبورنا ...
ممكن يكون كلامى صح او خطأ ياريت حد يصحح لو فيه حاجه غلط ان شاء الله الكل يستفيد
فى القران فى قصة موسى و فرعون ان الله انجى جسدة ليكون عبرة للعالمين طيب ما احنا هنشوفه علشان تكون عبره لنا وممكن يكون من الاكتشافات العليمه
و الا كان حرم دراسة التشريح لكليات الطب
طيب ولو احنا ما اكتشفناش الحضارة الفرعونية كنا هنعرف حاجه عنهم ؟؟؟ لا طبعا ولا كنا عرفنا شيئا عنهم و لا عن حضارة قامت من اكثر من اربعة الاف سنه و لا كنا عرفنا كيف كانوا يزرعون و يقلعون باساليب احسن من الان
و ما كنا عرفنا شيئا عن الطب البديل القائم على الاعشاب و الزروع المصرية
و لا عرفنا شئ عن الجراحة و الفلك و لا عن قصص و ملاحم و انتصارات فى حاجات كتير مكناش هنعرفها
اولا الفراعنه كانو بيمنوا بالبعث بعد الموت
وان الروح مش عارف بتروح نهر ايه كده تاخد دش وترجع نضيفه لصاحبها
وطبعا ملوك الفراعنه مش حيحصوا ساعه البعث يلاقوا نفسهم لابسين شويه شاش وقطن
فكان بيتدفن معاهم ممتلكاتهم ومقتنياتهم وفي بعض الاحيان اسرهم وخدمهم كمان
علشان لما البيه الفرعون يقوم يلاقي السفره جاهزه بعد كام الف سنه
-----------------------------------------
موضوع الجثث اللي في المتحف فهي مش معروضه علي انها جثث والسلام
دي معروضه علي انها اعجاز علمي محدش توصله لحد النهارده
وهو ازاي تحنط جثه 7000 سنه وتفضل سليمه بكامل تفاصيلها
واحنا اصلا لو سيبنا حته لحمه يومين في التلاجه حتبوظ وتترمي
فده الغرض من عرضها في المتاحف
----------------------------------
موضوع نبش القبور بقي فده مقدرش احكم فيه لان الموضوع متفتحش قدامي قبل كده من وجهه الحلال والحرام
بس حقولكم شويه حقائق متكتبش في حته
والكلام فيها من شهود عيان او من ناس تعرف الشهود معرفه مباشره
لما يتدفع في مومياء حموله 10 عربيات gmc دولارات (للي ميعرفوش دي اكبر من الجراند شيروكي شويه )
واصلا الناس بتسيب العربيات بالفلوس اللي فيها وتاخد عربيه واحده فاضيه تحط فيها الجثه
ولما تعرفوا ان تجار الاثار الفلوس عندهم بتتحط في مخازن كبيره متبطنه بالخشب وبتتشال بالفوركليفت(ونش) علشان تتنقل
ولما تعرفوا ان عموله سمسار البيعه بتوصل ل4 و5 مليون
ولما تعرفوا ان ممكن تمثال طوله ميزدش عن 30 سم ينقلكم من وضع اجتماعي لوضع تاني الناس بتحلم بيه
اظن ان محدش ساعتها حيدور علي حلال وحرام
علي فكره كلامي كله من مصادر مؤكده وموثوق فيها جداااااااااااا
طب ماهو المقابر عندنا بينقولها من مكان لمكان مش دة برضة نبش قبور علي الاقل دول قبورهم اتنبشت بعد كام الف سنه في ناس تانيه قبورها بتتنبش ليله دفنهم
المبدأ واحد وإنما الأعمال بالنيات
طبعا هو المبداء واحد لا يتغير ...........مومياء للعرض جثه للتشريح
لكن البحث العلمى هو السبب
فكرتينى يا دوك بالرئيس السادات كان فكر مرة فى اعادة دفن موميوات الفراعين الملوك خصوصا
والدنيا اتكهربت وقالوا عنه انه بيخاطب ود الجماعات الاسلاميه لمحاربه الشيوعيه فى هذا الوقت
ونسب الامر لليهود بعد اهانتهم لمومياء رمسيس الثانى لاعتقادهم الخاطئ انه فرعون الخروج (فرعون موسى) .....( لكن طبعا هذا الكلام لا اساس له من الصحه
لان فرعون موسى لم يكن لديه اولاد ورمسيس الثانى كان عنده حوالى 90 ابن وابنه فلماذا يتبنى طفل )............
ولكن فى النهايه امر باغلاق قاعه الموميوات الملكيه فى المتحف المصرى واستمر اغلاقها حتى 1984 تقريبا وبعدين فتحت تدريجيا
شكرا واسف للاطاله
فى فى القران قصص كتير تنتهى بان ربنا اهلك اقوام ليكونوا عبره لمن بعدهم يعنى كنت شفت برنامج ناس بتدور على امكن عذاب قوم لوط واكتشاف جثه فرعون وشفت مره برنامج لمصطفى محمود عن اكتشاف مومياء عمرها 2500 سنه وعرفوا ايه سبب الوفاه وازاى اتقتلت بالظبط ونوعها ايه واخر اكله اكلها وايه الامراض اللى كان مصاب بيها وعن طريق نبش القبور قدروا يميزوا التاريخ كان فيه ايه مين ابن مين ومين ابو مين وبالاضافه الى الاثار القيمه جدا اللى تساولى ثروه هائله لن يستفيد منها الاموات لانهم كانوا معتقدين انهم حيقوموا يلاقوها فى الحياه الاخره فكده كده هما مش هيستفيدوا منها بحاجه والحى ابقى من الميت وانا الصراحه مش موافق صاحب الموضوع على رايه خالص