ممكن سؤال
هو ليه مفيش أي كلام عن البيجو 504 الاستيشن الجديدة اللي كانوا بيقولوا عليها مع أنهم كانوا بيقولوا أنها نازله في شهر 2 ودلوقتي إحنا في شهر 6
عرض للطباعة
ممكن سؤال
هو ليه مفيش أي كلام عن البيجو 504 الاستيشن الجديدة اللي كانوا بيقولوا عليها مع أنهم كانوا بيقولوا أنها نازله في شهر 2 ودلوقتي إحنا في شهر 6
شكلها طلعت اشاعة او التوكيل خاف يتورط فيها
انا برضه قولت كده استحاله هترجع تاني خاصه بعد وقف انتاج الشاهين و ال128 الناس زهقت من القديم
هو أنا مش هفتى وأقول اخو صاحب ابن عم صاحب ابن خالتي شافها والكلام ده .
بس أنا فاكر إن حد قال إنه شافها في توكيل بيجو اللي هو في سكة الشادر (اللي على الكوبري اللي معدي من فوق غمرة) وكان حتى كاتب سعرها وقال إنها نازلة ديزل.
اعتقد إن الكلام ده كان في مكان ما هنا.
وفي ملحوظة برده إن اتكتب عليها في أهرام السيارات وانا بنفسي قريت المقالة وكان عنوانها مش عارف هدية بيجو للسواقين وكانوا كاتبين إن اتعملت احصائية ولقوا إن 70 % من العربيات اللي بتسافر بين المحافظات هي البيجو ال 7 راكب.
أنا ممكن على الاسبوع الجاي اروح ألقي نظرة واشوف إيه الكلام ولو فعلا موجودة اصورها وأجيبلكم قرارها