بسم الله الرحمن الرحيم
عايز أعرف رأي حضارتكو في العربية الدايو تيكو وخاصة الموديل بتاع التسعينات يعني 96 أو 97
هل هي زي الماروتي اخرها داخل المدينة فقط ومتستحملش سفريات ..
وهل الثبات بتاعها على الأرض كويس ولا بتتقلب بسهولة زي العربيات اللي في حجمها وشكلها كدا ؟
ياريت تفيدوني لأني لسه مشتريتهاش وعايز أعرف الاجابة على الأسألة دي ويا إما هشتريها يا إما هشوف حاجة تاني
او لا المارتي مش بتاعة مدينة و بس انا ليه واحد زميلي معاه العربية دي بجد مكلع عينها و في الصيف عندهم شاليه في مطروح رايح جاي و لا سواقين الميكروباصات و ما شاء الله العربية معاه زي الفل دي حاجة اما بالنسبة للتيكو انا معنديش فكرة بثراحة بس المؤكد انها احسن ن السيات و دي بتسافر برده عادي
شكراً لردك يا باشا .. انا فعلا قريت ان الماروتي سافرت بس دي بنسبة 10% باقي اللي قريته من خلال بحثي حتى على العربية في جوجل انها عربية مدينة ونادر اللي بيسافر بيها ويخاطر .. عامة انا بتكلم على التيكو أكتر لأن حاسس انها نفس الماروتي بالظبط .. وبعدين شيء طبيعي إنها تكون أحسن من السايت اللي سعرها 4 الاف جنيه بس اصلا حتة أحسن من السايت دي هتخليني اكره العربية d:
لأنك حتى مقارنتهاش بال128 قارنتها بالسايت اللي هي لا تعتبر عربية مع احترامي الكامل لكل الأفاضل اللي عندهم العربية دي ..
التيكو ... معرفش عنها حاجه بس ملاحظ انها نش منتشره ... طب قطع الغيار بتاعتها و الأكسسوارات نظامها ايه ؟ الحقيقه مش عارف
الماروتى كانت مع خالى و مع صحابى و زملائى فى الشغل و بيروحوا بيها الشغل كل يوم من مصر الجديده الى 6 اكتوبر يوميا ... و خالى كان بيسافر بيها اسكندريه تقريبا كل شهر و معاه 3 افراد
مين اللى قالك ان الماروتى مش بتسافر ؟؟؟
فى كمان عربيه اسمها بيرودوا كانشل و فى نفس الفئه السعريه
العربيه دى قعدت معايا سنتين كاملين و الله مكنت بحط فيها غير بنزين .... دى بقى لا تقولى ماروتى ولا تيكو و لا اى حاجه
عربيه تحفه بكل معانى الكلمه و مكيفه و اقتصاديه الى ابعد الحدود و ماتورها دايهاتسو يابانى (نفس ماتور الميرا ) و هيا تجميع ماليزى و قطع غيارها اقتصاديه جدا
سواقتها متعه بكل معنى الكلمه و قويه جدا انا كنت بسافر بيها و اقصى سرعه جبتها بيها كانت 150
و زعلت و الله لما بعتها ... بس خدها منى واحد قر يبى ... وسبب البيع انى كنت عايز حاجه اكبر
ميزه استهلاك البنزين بقى خرافه بمعنى الكلمه
التنك بتاعها 28 ليتر فقط ... مره فولت من القاهره و رحت بيها العين السخنه و قعد هناك يومين و لفيت بيها هناك و رجعت بيها تانى القاهره (كل ده بنفس التفويله ههههههههههه) و لما رجعت كان لسه فيها حوالى 5 ليتر و يمكن اكتر
والله أنا قريت كدا عنها على المنتديات والمواقع لكن انا عن نفسي مركبتهاش قبل كدا أصلا ..
العربية اللي كانت معاك هي اللي في الصورة دي ؟
http://www.sainmy.org/modules/xcgal/...252/kancil.jpg
لو هي دي يبقى شكلها أحسن من التيكو والماروتي .. ولو على كلامك مكيفة وموفرة في البنزين كدا تبقى فعلا أحسن من الاتنين
بس انت عايز تفهمني انك روحت العين السخنة وجيت ب17 لتر بس :)) طب هي كام سي سي على كدا بقى ؟
وطبعا شكرا لاهتمامك وردك يا باشا
بس قولي صحيح العربية دي في نفس السعر اللي انا قايله ولا أغلى يعني 17 مثلا ولا أكتر ؟؟ .. وبعدين باردو بيتهيئلي إنها مش منتشرة أوي زي التيكو ويمكن أقل منها كمان
بالنسبه للشكل فهيا اللى فى الصوره ماعدا الفوانيس و الشبكه متغيرين اللى عندى كان فانوسها مربع و على الشبكه علامه غزالهاقتباس:
المشاركة الأصلية كتبت بواسطة transparancy
بالنسبه لأستهلاك البنزين فهى فعلا غير طبيعيه و المشوار بتاع العين السخنه ده حقيقى والله العظيم
بالنسبه لل سي سي فهيا 850 سي سي انجكشن 3 سيليندر
بالنسبه للأنتشار مفيش مقارنه بينها و بين التيكو خاااااااااااالص العربيه موجود منها كتير و توكيلها هاشم باص و قطع غيارها موجوده فى الحرفيين و فيه قسم ليها هنا فى المنتدى
بالنسبه للسعر فهيا من 20 الى 25 الف حسب الحاله و الموديل و الأوبشن ... على فكره فى منها اتوماتيك كمان
اللى كانت معايا كانت موديل 2002 و كانت فول اوبشن مانيوال و بعتها من سنتين تقريبا ب 25000 الف جنيه و كانت عامله 30.000 الف كيلو متر و فابريقه بره و جوه و الأسعار دلوقتى هديت كتير عن ايام ما بعت
تحياتى
ألف شكر ليك على الإفادة والمعلومات الجميلة دي ..
لو مش هتعبك معايا بس قولي القسم بتاعها دا فين في المنتدى لأني دورت ومش لاقي ..
ومتشكر جدا ليك مرة تانية