اخبار الفيات لينيا

**basemsaeed** · 03-06-2010 08:04 PM

السلام عليكم

كنت عاوز اسال اصحاب الفيات لينيا,ايه اخبار العربية معاكو؟؟؟الصراحة انا محتار بين كذا عربية عشان اختار الاقضل,فكنت عاوز اسالكم ايه اخبارها و ايه مميزاتها و عيوبها؟؟؟؟و ايه المشاكل اللى قبلتكو معاها و هل اتحلت من قبل التوكيل ؟؟؟و اخبار ثبات العربية ايه؟؟؟و استهلاكها للبنزين؟؟,و انا كنت بفكر فى الفيات لينيا العادية بش التربو,فكنت عاوز برده اعرف الفرق بينهم بس فى الماتور ولا حاجة تانية

مستنى ردود حضراتكم ان شاء الله

و شكرا

**ahmedmohamed7** · 03-06-2010 08:14 PM

رجالة اللينيا اكيد ان شاء الله هيجوبوا على كل حاجه بس مبدايا كدا مفيش لينيا 77 حصان تانى

**bembodeniro** · 03-06-2010 10:08 PM

المشاركة الأصلية كتبت بواسطة ahmedmohamed7

رجالة اللينيا اكيد ان شاء الله هيجوبوا على كل حاجه بس مبدايا كدا مفيش لينيا 77 حصان تانى

وانت الصادق مفيش لينيا اصلا السنه الدى وربنا يستر وينزلوها السنه الجايه بس انت قول يارب

**aymoz** · 03-06-2010 10:12 PM

حضرتك عندك استعداد تستنى لاخر السنة ؟
وممكن متجيش كمان

**hobaz** · 03-06-2010 10:15 PM

متابع.................

**ahmedmohamed7** · 03-06-2010 10:20 PM

المشاركة الأصلية كتبت بواسطة bembodeniro

وانت الصادق مفيش لينيا اصلا السنه الدى وربنا يستر وينزلوها السنه الجايه بس انت قول يارب

يا رب

**aymoz** · 04-06-2010 02:12 PM

المشاركة الأصلية كتبت بواسطة basemsaeed

السلام عليكم

كنت عاوز اسال اصحاب الفيات لينيا,ايه اخبار العربية معاكو؟؟؟ زي الفل بتسلم على حضرتك و بتقولك نفسي تجيبني

الصراحة انا محتار بين كذا عربية عشان اختار الاقضل,فكنت عاوز اسالكم ايه اخبارها و ايه مميزاتها و عيوبها؟؟؟؟ مميزات كتير جدا الحمد لله (من وجهة نظري ) العيوب هيا ارتفاع اسعار قطع الغيار شوية و توكيل محتاج تركيز لما تيجي تعمل أي حاجة في العربية علشان ميضحكش عليك
و ايه المشاكل اللى قبلتكو معاها و هل اتحلت من قبل التوكيل ؟؟؟ ناس كتير مش راضية عن التوكيل وأنا منهم بس في النهاية بنعرف ناخد حقنا منه يعني من الاخر بنقدر عليه بس طبعا بندفع

و اخبار ثبات العربية ايه؟؟؟ منغير أي مبالغة ممتاز أنا بأبقى ماشي كأني بلعب مش سايق و غرز غشيمة على 170 عادي جدا من الآخر مش تقلق من النقطة دي خالص
و استهلاكها للبنزين؟؟ مممممم للاسف مش عاجبني علشان أنا بجري بحرق كتير بتعمل معايا 11 لتر لل 100 كيلو
,و انا كنت بفكر فى الفيات لينيا العادية بش التربو,فكنت عاوز برده اعرف الفرق بينهم بس فى الماتور ولا حاجة تانية
مش هنسبق الأحداث كده كده مفيش لينيا دلوقتي ولا تربو ولا عادي

أنا راضي عن العربية جدا كفاية انها بتسد مع أي عربية أغلى منها الضعف تقريبا و في نفس الوقت الكماليات دلع و مش موجودة في أي عربية في الفئة السعرية دي و تكييف تحفة و كفاية أصلا شكل العربية اللي لحد دلوقتي الناس بتقف تتفرج عليها مش مصدقة ان دي فيات

و شكرا

**yoko** · 04-06-2010 02:38 PM

إستهلاك البنزين على سرعة ١٣٠ طلعت من بوابة القاهرة لبوابه إسكندريه ب١١ لتر فقط
مع السواقة المتوسطة يعني شد شويه ومريح شويه في حدود ال٨.٥ لتر \١٠٠كم
مع الحرق طول الوقت ممكن يوصل ل١٢ لتر\١٠٠كم
الثبات غرز على ٢٠٠ وملفات موت في مصر الجديدة على ١٤٠ عادي

**aymoz** · 04-06-2010 03:09 PM

المشاركة الأصلية كتبت بواسطة yoko

إستهلاك البنزين على سرعة 130 طلعت من بوابة القاهرة لبوابه إسكندريه ب11 لتر فقط
مع السواقة المتوسطة يعني شد شويه ومريح شويه في حدود ال8.5 لتر \100كم
مع الحرق طول الوقت ممكن يوصل ل12 لتر\100كم
الثبات غرز على 200 وملفات موت في مصر الجديدة على 140 عادي

على فكرة يا yoko أنا كده يبقى عندي مشكلة لأن 8.5 لتر \100كم دي مش بشوفها خالص عندي من فترة كبيرة حتى لو ماشي بالراحة و المشكلة مش هتبقى في الكمبيوتر لأن فعلا البنزين بيخلص بسرعة قوي