الموضوع: تقرير صيانة العشرين للبروتونيه الحلوين

السلام عليكم
صيانة العشرين و ما ادراكم ما صيانة العشرين قبل ما نحكي عن تجربة صيانة العشرين و ايه اللي حصل بعدها انا حبيت الاول اسجل اداء العربية و ملاحظاتي عليها قبل الصيانة عشان اشوف الفرق .
العربية بقلها معايا سنة تقريبا سفر برة و جوة البلد تسارع و عزم العربية من بعد ال15 الف اختلاف كلي و جزئي الاستهلاك بالنسبة للبنزين اتحسن كتير اوي حتي مع الشد و الكيك دون
بالنسبة للعفشة زي الفل (و مش نشفة) مع الاخذ في الاعتبار اني معملتش صيانة ال 5 و لا ربطت العفشة
حاطت زيت 10 ما فيش ملاحظات اوي علي العربية الا ان العزل مع الهوا بدأ يبقي فيه صوت من الشوراعة اللي ورا مع السرعات العالية و الهوا العالي و لكن حله سهل باستخدام سيليكون الزجاج الاسود و يكون نوع نظيف و يكون بحقنه تحت الكاوتش في الفراغات و بعد نصف ساعة الدنيا تبقي تمام .
نبدأ بشوية الحاجات اللي كنت عايز اعملها قبل الصيانة منها مثلا اني كنت مجرجر ورايا 320 في طريق العين السخنة و انا مشغل التكييف و معايا شيلة و كنت بطلع لغاية 195 بسهولة جدا جربت التسارع من 0 الي 100 و زي ما الكتاب بيقول 13 ثانية جربت كمان مرة السرعة القصوي و جبت ال200 صوت الموتور حلو .
نيجي بقي لاستعداداتي للصيانة أولا حجزت قبلها باسبوع يوم ثلاثاء و الغريبة اني لما اتصلت بيهم قفلوا عليا و اتصلوا هما و بالمناسبة دلوقتي لما تحجز يقولك مين مهندس الاستقبال اللي حيقبلك فلازم تكون فاكر الاسم كويس ثانيا اشتريت بوجيهات ارديم عملوا 180 الطقم من التوكيل بتاع ال ngk
و جه يوم الصيانة كان ميعادي الساعة 9 روحت الساعة 9 الا 5 دخلت علي طول ركنت عند التندة و استنيت المهندس و كانت اول المفاجات ان مفيش ورق لاستقبال العربيات خدنا في وشنا بتاع ساعة لحد ما فتحوا المخزن و بدأو يدخلو العربيات
كان معايا المهندس محمد من الاستقبال رجل محترم جدا و ذوق و فاهم طبعا طلعت القائمه بتاعت الحاجات اللي انا عايز اعملها زيت 10 و البوجيهات بتاعتي و تربيط عفشة لما قولت له علي البوجيهات قولتله ان الناس بتوع النايل موتورز بتركبها و مفيش مشكلة قاللي انا عارف و مفيش مشكلة تم استلام العربية الساعة 10 و 10 تقريبا و المفروض كنت استلمها الساعة 2 و نص
سلمت العربية و قبلت ايمن كان بالصدفة في التوكيل قعدنا نرغي مع بعض شوية و هو بالرغم من ظروفه الصعبة اللي كان فيها كان برضه جي يشوف مشاكل الناس و يحلها لهم
افتكرت ان الكارتيرة مقطوعة روحت اشتريت واحدة ب 180 "سعرها بره 150" و مردتش اركبها عندهم ركبتها انا بنفسي الغريبة اني استلمت العربية الساعة 11 و نص قبلها ب 3 ساعات و كله كان تمام ماعدا انهم قعدو يزنو علي دماغي اني اغير التيل اللي ورا و لكن صعب ان التيل يخلص علي 20 الف و في نفس الوقت التيل لسه فيه كتير و دي كانت ملاحظة سجلو في ورق العربية عندهم دفعت تقريبا من غير البوجيهات في حدود 700 جنيه و تم تغيير فلتر بنزين و زيت العريبة ان فلتر الهوا لاقيته شيلين الجزء الناعم اللي فيه ماعرفش ليه كده كده انا ان شاء الله حاركب فلتر رياضي علي ابوه

بعد الصيانة الصوت و السحب هو هو الاختلاف اللي انا حاسس بيه عشان البوجيهات ان استجابة دواسة البنزين بقت اسرع و بتجربة التسارع و الوصول للسرعة القصوي بالظبط هي هي العفشة زي ماهي الاستهلاك واحد

و اي خدمه

مبروووووووووووووك وربنا يخلهالك ويديك خيرها ويبعد عنك شرها