مطلوب مساعدة فى السمكرة والدوكو

**H.ibrahim** · 10-02-2008 08:01 PM

السلام عليكم ورحمة الله وبركاته
اخوكم محتاج مساعدة فى شد السيارة من حيث السمكرة و الدوكو :
السمكرة ( محتاجها علشان البارومة اللى فى الابواب و الرفارف فقط و لايوجد اى خبطات اطلاقاو مجرد تظبيط الكبوت الامامى فقط ).
الدوكو ( خارجى فقط و العربية هاتش باك ).
المطلوب : سمكرى كويس وكمان بتاع دوكو كويس - طبعا والاسعار تكون حنينة علشان العربية داخلة فحص شهر5 القادم باذن الله .
واشكر كل اخوتى بالمنتدى :(:(

**Xpert** · 11-02-2008 12:34 AM

معلش مقدرش افيدك في السمكره و الدوكو .. بس انا فاكر كان فيه ميكانيكي متخصص فرنساوي عندكم في المعادي اسمه فريد شوقي .. الكلام ده كان من 7 سنين كده و اسمع انه لسه موجود بس عاوز اوصله انا كمان .. بس للاسف انا مش من القاهره بقي ...

**tamerpop** · 11-02-2008 10:03 PM

انتا عايز تلم العربية علشان الفحص ولا علشان تركبها

**HAWARY** · 13-02-2008 04:20 PM

شوف يا سيدي من خلال تجربه شخصيه احب اقولك ان السمكري الكويس يدلك عليه بتاع الدوكو الكويس لانه بيبني علي شغله ولو شغل السمكري مظبوط هيطلع شغل الدوكو تمام ، المهم احسن واحد بتاع دوكو اسمه محمد عفيفي في الحرفيين وهو خيدلك علي السمكري .
ملحوظه مهمه :-
ليس لي علاقه او مصلحه سوي تشجيع اصحاب الضمير الحي من الصنيعيه .
لو محتاج بيانات اكتر من كده كلمني 0112005562 عمر الهواري .

**H.ibrahim** · 13-02-2008 04:31 PM

اشكر اخوتى بالمنتدى على مجهودكم معايا و اخص بالذكر كل من ساهم و ادلى بنصيحة لى فى هذا الموضوع و ربنا يجعله فى ميزان حسناتكم باذنه تعالى .

**Xpert** · 13-02-2008 04:37 PM

ابقي اسال علي الميكانيكي .. و لو وصلتله قولله الراجل بتاع بني سويف بيسلم عليك اللي عنده البي ام التيربو ;)

**HeMa1981** · 13-02-2008 05:22 PM

فيه سمكرى كويس جداً جداً جداً في عين شمس وجنبه على طول بتاع دوكو نضيف جدا
بس ممكن اسعارهم مش غالية يعني فوق المتوسط
هو في شارع عين شمس امام حلواني علم الدين اسمه احمد الديب مشهور جداً هناك
وفيه واحد في شارع عين شمس برضه ده بتروحلة العربيات عبارة عن كتلة حديد وعربيات مقلوبة وبتطلع من عنده زي الجديد بس معرفش اسعاره ايه انا بشوف عنده عربيات نضيفة اوي بس متشخرمه

**H.ibrahim** · 16-02-2008 10:52 AM

السلام عليكم و رحمة الله وبركاته
اخى xpert احب اعرف منك هو الميكانيكى ده كان فين بالظبط فى المعادى وبعدين انت بتقول انه بيشتغل فى الفرنساوى ياترى كله ولا نوع معين من الفرنساوى؟

**Xpert** · 16-02-2008 12:56 PM

لاء الصراحه مش فاكر .. بس هوه كان متخصص فرنساوي و هوايته الارينو و كان راكب رينو 21 لونها اخضر كده ههه .. هوه استاذ ميكانيكي .. محترف .. بس مش فاكر عنوانه ...
هابقي اسال عمي يمكن يفتكر ..;)

**elrasy** · 18-04-2008 02:36 AM

المشاركة الأصلية كتبت بواسطة HeMa1981

فيه سمكرى كويس جداً جداً جداً في عين شمس وجنبه على طول بتاع دوكو نضيف جدا
بس ممكن اسعارهم مش غالية يعني فوق المتوسط
هو في شارع عين شمس امام حلواني علم الدين اسمه احمد الديب مشهور جداً هناك
وفيه واحد في شارع عين شمس برضه ده بتروحلة العربيات عبارة عن كتلة حديد وعربيات مقلوبة وبتطلع من عنده زي الجديد بس معرفش اسعاره ايه انا بشوف عنده عربيات نضيفة اوي بس متشخرمه

حد جرب الراجل بتاع عين شمس