السلام عليكم
ازيكم جميعا
يارب تكونوا بخير
انا معايا حاليا جين 2
الحمدلله مفيهاش اي عيب نهائيا وبحاله الفبريكه بالكامل ويعز عليا جدا اني هابيعها والله بس حابب اغير واجيب حاجه احسن
ومعايا في حدود 130 الف
وبصراحه محتار في 3 عربيات وحبيت اشوف رأيكم
ولو في انواع تانيه افضل ياريت تقولولي
العربيات هي
مازدا 3
شيفروليه كروز
سيراتو ( الكوبيه / او العاديه )
منتظركم
وشكرا :)
بص انا معايا جين2 بردو.......وبقولاك زود 5000 و هات الرينو الفلوينس....
كفاية التوكيل و بس...و اكيد إنتا فاهم قصدي ايه
+1اقتباس:
المشاركة الأصلية كتبت بواسطة engahmedmahfouz
وطلع الكروز من حسباتك نصيحة أخويه عشان توكيل عز مليكة جمب منصور!!!! :rfds:
انا النهارده والله روحت كذا معرضاقتباس:
المشاركة الأصلية كتبت بواسطة engahmedmahfouz
وشوفت الرينو
هقولك حاجه
بالنسبالي كا شكل .. الرينو مش قد كده .. الجين 2 احلي منها بكتير
زائد اني لاحظت ان التابلوه بتاعها مش مغري نهائيا
التوكيل زي ما قولت حضرتك اكيد هيكون احسن لان ده توكيل فرنسي
مع اني مرتاح جدا في توكيل الجين 2 برضه معنديش فيه اي مشاكل اطلاقا
يمكن لاني اعرف ناس مهندسين هناك والله اعلم
لكن ايه رأي حضرتك في العربيات الى قولتها دي ؟ وهل في عربيات افضل منها غير الرينو ؟
والله انش مش شايف اي عيب في توكيل عز العرباقتباس:
المشاركة الأصلية كتبت بواسطة yoko
خصوصا توكيل العجوزه ناس قمه في الذوق والتعامل
وكمان الرئيسي مفيش فيه اي مشكله ممكن يكون بالهم طويل شويه لكن بيطلعوا اي حاجه بالظبط بدون مشاكل
وارجع واقول برضه يمكن عشان عارف مهندسين هناك الله اعلم بباقي الناس انا ماسألتش بصراحه عن الموضوع ده
طيب الكروز هل فيها عيوب غير التوكيل ؟ بما اني بسمع ان توكيل منصور مش حلو
توكيل زي الزفت سعر مغالا فيه المانيوال منها بتبطل لوحدها!!!
ده غير الي هيبوظهولك الصنيعيه في الصيانة إنت وحظك (عن تجارب سابقة)
وأصحاب الكروز الي بيشعروا فيها يا ريت تاخد رأيهم بعد صيانة ال١٠ الاف لإنهم لسه مخدوعين بالعربيه وهي جديدة وقبل ما فتايين منصور يحطوا قدهم فيها
تمام وكلامك صح وانا عندي واحد صاحبي معاه افيو وبيشتكي من التوكيلاقتباس:
المشاركة الأصلية كتبت بواسطة yoko
ده غير ان في نظري والله ان العربيه لسه جديده يعني ماخدتش فتره عشان الناس تحكم فيها
وزي ماقولت كتير هينخدعوا
طيب اوكي بلاش الكروز مش عايزها ههههههههه :E_braces[1]:
خلينا في الباقي انهي افضل ؟
المازدا 3 - السيراتو ( الكوبيه / او العاديه )
او هل في عربيه افضل من دول في نفس رينج السعر ؟
أفضل السيراتو عشان أعلى سنة من على الأرض وكمان قطع غيارها منتشرة لكن المازدا كسيارة أفضل والفلوينس تكتسح في الفئة دي عشان فيها معظم مميزات العربيتين
الفلوينس فيها مميزات لكن بالنسبه للشكل ؟ اعتقد انها اقلهم بالنسبه للشكل الخارجي والداخلي كمان
وشكرا ليك علي نصيحتك بالنسبه للكروز
وانا كده برضه مازلت محتار بين المازدا والسيراتو ههههههه
سيراااااااااااااااااااااا ااااتو تكسب كسياره وقطع غيار وسوق وكل شئ
السيراتو كوبيه
اشكرك جدا طيب حضرتك معاك سيراتو سيدان ولا الكوبيه ؟اقتباس:
المشاركة الأصلية كتبت بواسطة simon659
والعربيه عامله معاك ايه ؟ هل فيها مشاكل او حاجه ؟
طيب حضرتك مسمعتش اي مشاكل فيها او حاجه ؟ اصلي مش ناوي اجيب عربيه واغيرها كمان سنه ولا اتنيناقتباس:
المشاركة الأصلية كتبت بواسطة n8os
عايزها تقعد معايا ههههه
منتظر باقي اراء الشباب وخصوصا الخبراء في العربيات مازدا و السيراتو العاديه والكوبيه
مازلت منتظر ياشباب
????? فين الخبراء
حضرتك هات اى حاجه ..
بس بلاش كروز ,,المانيوال فيها عيب صناعه بتبطل لوحدها ..
الاوتوماتيك لحد دلوقتى سليمه ..
بس التوكيل هيبوظها ...
و توكيل كارثه بكل المقاييس ...
انما السياره انا جربتها تجربه خفيفه ..تحس فيها روح الالمانى !!بس يغور الالمانى على الكورى على كل حاجه طالما توكيلها منصور !!
انا معايا اوبل و هبيعها من اهم الاسباب التوكيل ...
فكر فى الفلوانس ...
لو مكانك هجيبها ..
كمان هوندا سيتى الجديده نازله بكماليات جديده و بسعر 129 الف و يابانى ...
هوندا سيتي الجديده ؟ طيب هل في اي معلومات عنها او شكلها او كده ؟
انا بصراحه الفلوينس مش عاجبني شكلها نهائيا مش شبابي
انا عايز عربيه شبابيه في المقام الاول
انا معايا حاليا جين 2 ومفيهاش اي عيب الحمدلله
عشان كده اول مافكرت فكرت في السيراتو الكوبيه
فعلا حط الفلونس و التيدا في اللسته
بس برضة السيراتو الكوبيه ماشاء الله شكها تحفه بجد و بلاش مازدا علشان غبور مش مديها اهتمام اوي
تسلم ياجميل
انا فعلا شيلت مازدا لانها مش في الرينج اللى انا حاطه
الشكل القديم سعره مابين 125 لـ 135
وانا مش عايز الشكل القديم
انا عايز الشكل الجديد للمازدا وده سعره غالي تقريبا 160
فا شيلت المازدا من تفكيري
انا دلوقتي مقرر علي الكوبيه سيراتو ان شاء الله
شوف السيتي والتيدا برضه