أأمن على العربيه و لا لا ؟؟؟
الحمد لله و بعد انتظار طويل مرير
اتصل بيا اليوم توكيل تويوتا و بلغنى ان وصلت العربيات
و المطلوب تسديد باقى المبلغ و الاستلام ان شاء الله بعد حوالى اسبوع لحين انتهاء اجراءات معرفش بتاعت ايه
و لو عايزه العربيه من بكره بنمر تجاريه ممكن لكن ننصحك الانتظار اسبوع لان النمر غاليه عالفاضى
و سألونى حتأمنى على العربيه ؟
بصراحه معنديش معلومات كافيه عن المفروض اعمله
فسألته ازاى
قالى حتدفعى حوالى 2225ج و كل سنه حتقل حوالى 500ج
و بيكون تبع بنك اسلامى و الموضوع حلال
و هو عباره ان مثلا 10 اشخاص مأمنين على سيارتهم
لو واحد لا قدر الله حصلت له حادثه و تكلفه الاصلاح مثلا 5 الاف فكلنا بندفع له و هكذا
و لو مفيش حوادث ممكن اخر السنه ادخلها تأخد وش نظافه
ده كلام التوكيلللللللللل
انا معرفش بصراحه
أأمن و لا لا ؟؟؟
و حلال و لا حرام ؟؟؟
ارجو سرعه الرد حيث ان المفروض الدفع غدا ان شاء الله