الموضوع: أأمن على العربيه و لا لا ؟؟؟

المشاركة الأصلية كتبت بواسطة hazem_khidr

بلاش يا سندريلا لان ربنا اللي جابلك العربيه قادر انه يحفظهالك.
انا مأمن علي العربيه لكن مضطر علشان جايبها قسط لكن ان شاء الله بعد القسط حلغي التأمين دا خالص.
فكري بالراحه كده
انت حتدفعي حوالي 2000 جنيه في السنه صح ؟؟
افرضي لا قدر الله العربيه حصل فيها حاجه تكلفت 5000 جنيه
مش يبقي كده اخدتي حاجه مش من حقك ؟؟
طب افرضي انك في خلال 10 سنين ما احتجتيش التامين دا خالص و يبقي كده دفعتي 20 الف جنيه و لم تستفيدي باي شئ .
يبقي تتكلي علي ربنا و ان شاء الله مش حتحتاجي تأمني عليها و لا الكلام دا.
من توكل علي الله فهو حسبه.

انا فعلا يا حازم فكرت فى كل كلامك لغايه ما صدعت و مش عارفه اخد قرار
الموضوع حلو و وحش فى نفس الوقت
انا مش عارفه التأمين اصلا حلال و لا حرام
النقطه دى حتنهى الموضوع
حكايه ان لو لا قدر الله حصل حاجه اتكلفت 5000 و انا دافعه 2000 و انى بأخد حق مش حقى
اللى فهمته من التوكيل ان الفلوس بتتحط فى بنك و لها ارباح يعنى انا بعد كده حأخد الفلوس و الارباح كمان
و ان البنك اسلامى - و انا متأكده ان مفيش و لا بنك اسلامى -حنعدى دى
و بما اننا اخوه مسلمين فلما واحد يحتاج معونه كلنا حنساعده - و لا ايه ؟
ههههههههه

و على حكايه انى لو محتجتش التأمين حفضل ادفع عالفاضى - انت عارف ان الامر ميسلمش
و عارف اخطاء الغير و الخبطات اللى بتيجى و العربيه واقفه و نايمه فى حالها تحت البيت
و أكمن التقسيط اجبر الناس على التأمين فالناس بقت بتسوق بلامبالاه و تخبط براحتها ما العربيه متأمن عليها
لكن بصراحه مقتنعه بكلامك و بكره ان شاء الله حقولك رسيت على ايه
ميرسى على ردك