هو في فئة تانية قبل الهاي لاين ودي بتزيد : سنسور خلفي + جنوط+ زينون ودي سعرها 180000
عرض للطباعة
انا معنديش مشاكل فى العربيه نفسها ..
العيوب الى عندى جلب مقصات نشفت (من و هى زيرو بايظه بس مخدتش بالى) بسبب سوء تخزين منصور ليها ..(وقفت سنه كامله فى الشمس)
المشكله عندى الخبطات الكتير ...
الاسبوع الى فات ...باب و رفرف ضاعو ...فى نفس الاسبوع المرايه و الازاز اتكسرو ...
وقف انتاجها مكنش ليه علاقه بالكلام ده انت هتعصبنى ليه هههههههههههههههههههه
وبعدين مش على طول ولا حاجه دى برا من 2003:vctry:
الف مبروك وربنا يعطيك خيرها ويبعد عنك شرها
وشكرا على التقرير الجميل
استفسار هل بنزين 92 خطر على السيارة على المدى الطويل ام لا ...ام لابد بنزين 95 من الاول
الف مبروك وربنا يديك خيرها و يكفيك شرها
بس
ما قولتلناش يا باشا
ايه اللي خلاك تفضلها على الجيتا
و هيا انعم ولا الجيتا
ومين كمالياته اكتر
الله يبارك فيك يا باشا.
والله اللي خلاني أفضلها عن الجيتا كذا حاجة.
1- الفانتازيا شكل جديد وأحلي من الجيتا (وأحلي كمان من الشكل الجديد الغريب بتاع الجيتا اللي معرفش إزاي خلوها كده)
2- أطول من الجيتا شوية.وأعلي منها شوية مع عدم التأثير علي الثبات.
3- هي والجيتا نفس النعومة تقريبا.
4- كماليات الفانتازيا أكتر طبعا وبسعر أقل من الجيتا.
5- الصالون في الفانتازيا أشيك من الجيتا.
6- الفتيس الجديد بتاع الجيتا في مشاكل+الفانتازيا عن تجربة أسرع من الجيتا في التجميع بفضل الـ AeroDynamic.
السلام عليكم ورحمة الله وبركاته
العربية ما شاء الله , ميه ميه, ربنا يباركلك فيها و يعطيك خيرها و يكفيك شرها ان شاء الله.
بس الحاجة الوحيدة اللى مش عاجبانى فيها, أن الزجاج الخلفى بيتفتح مع باب الشنطة و دى حاجة بتنرفزنى أوى و ماكانشى ليها داعى بصراحة.
يمكن فى المستقبل يعملوا منها سيدان مش ليفت باااااااااااااااك .
مازيراتى
تقييم رائع
تسلم ايدك
الف مبروك عليك العربية يانسبيرون
طيب في حاجة مهمة في المقارنة مع الجيتا احنا نسيناها
ان الجيتا الماني الماني
اما الاسكودا فانتازيا
سمعت انها مش الماني 100في ال100
الصاج تشيكوسلوفاكي ومش عارف الابواب منين وحاجات غريبة
لو العربية دي الماني زي الجيتا
يبقى مفيش كلام اسكودا تكسب
اصلي برضه محتار في المقارنات العجيبة دي
انا كنت ناوي على تويوتا بس بعض موضوع العيوب وموضوع الmmt قلقت منها
محتاج توضيح لو سمحتم يا شباب
مين قال لحضرتك الجيتا ألماني ألماني..الجيتا ألماني تقفيل مكسيكي والفتيس بتاعها هيا والباسات إتفكوا في الحرفيين ولقوا مكتوب عليه fabricated in china !!!!!!!!!!!!!!!.
والمعروف إن صاج السكودا أقوي من صاج الجيتا.
الأوكتافيا كلللللل قطعة فيها ألماني فيما عدا عمة فلتر الهواء مكتوب عليها czech republic ومتقفله في التشيك.
+111111111111
انا مره رفعت العربيه فى بنزينه لقيت مكتوب على الشكمان made in germany
و الجيتا فى منها برازيلى كمان مش مكسيكى
بس عايز اعرف يعنى ايه الصاج تشيكو سلوفاكى ده يفرق عن الصاج العادى و لا ده ايه
و على فكره صاج الاوكتافيا اشد صاج فى الفئه بتاعتهااااا
على كده بقى ال S 500 ال BMW 7 series مش المانى المانى عشان بتتقفل فى مصر !!
الف مبروك وربنا يديك خيرها ويكفيك شرها
بس عندي سؤال هي بتاخد بنزين كام عشان لو لازم 95 تبقى مشكلة شوية ولا بتمشي ب 92 عادى
الف مبروك وربنا يباركلك فيها ان شاء الله ,,,
ويبعد عنك عيون الناس ...
بعد اذنك دى أى فئه وسعرها كام
ممكن اسأل حضرتك سؤال اى الفرق ما بين الA4 وال A5
انا عارف ان فى فرق كبير من جوا والفتيس بس انا اقصد المشى على الطريق والثبات على سرعات عاليه 190/200 مثلا والعفشه
علشان انا معايا A4 ونفسى اغير ل A5 وفى ناس كتيرة بيقلولى مش هتحس بفرق فظيع الا فى الوبشن من جوا بس و فى ناس تانيه بيقولوا ثبات الa4 فى السرعات العاليه احسن من ال a5
اة كله كلام ومتعرفش مين الصح فى الاخر
والله حضرتك شوف.أنا راكب الإتنين.ثبات الـ a4 زي الفل علي أي سرعة إنت عاوزها لحد 200.وثبات الفانتازيت نفس الشئ.لكن الفانتازيا تفوق شوية عن الـ a4 لوجود ASR و mba و ebc غير إنها مبنية علي شاسيه جولف 5 ( في بعض المواقع بيقولوا جولف 6 ) وده شاسيه أفضل من جولف 4 اللي a4 مبنية عليه.
الخلاصة حضرتك ممكن تاخد منحني قاسي بالفانتازيا ( أو الـ A5 ) علي 180 وإنت مطمن.ممكن تاخد غرزة علي نفس السرعة من غير قلق.الموضوع في الـ a4 ممكن ولكن مع إحساس بسيط بالقلق.لكن علي طريق مستقيم.العربيتين زي الفل والله.وربنا يستر طريقنا.
شكرا يا باشا
على فكرة انا سمعت من ناس فعلا الكلام ده
ولكن بعد ما كتبت المشاركة دي لفيت على فولكس (اصلي مش كنت بدخل غير تويوتا:Ob_mak1[1]:)
وعرفت موضوع المكسيكي
ولو على عمة الفلتر مش مشكلة
واهو التشيك لسة فيها ريحة اوروبا
مش المكسيك
يبقى كده فاضل حاجة
ايه موضوع الفتيس بتاع الاوكتافيا
قريت عن عيب في الفتيس
http://www.nilemotors.net/Nile/153578-a-4.html
شوف يا باشا بالنسبة للفتيس.
أولا الفتيس مفيهوش أي عيب إطلاقا.أنا عندي معارف كتير معاهم العربية من 2006 و مفيش الكلام ده إطلاقا وعربيات داخلة علي الـ 120000 كم.
كل ما في الأمر هو الإلتزام بموعد الكشف ( بقول الكشف مش التغيير ) علي زيت الفتيس, والكشف ده بيكون كل 60000 كم عن طريق إختبار علي الكمبيوتر إسمه ATF ونتيجة الإختبار ده بتوضح إذا كان الزيت محتاج تغيير ولا لا.وإذا إحتاج تغيير حتما ولابد لازم تغير بالأصلي حفاظا علي الفتيس.
- ملحوظة :- موضوع الزيت ده راجع لظروف القيادة وطبيعتها.يعني قيادة هادئة وعادية يبقي عمر الزيت يطول. قيادة مبنية علي kick down و حركات أكيد ده بيقلل من عمر الزيت.
وفي النهاية يا باشا ده فتيس ألماني ,, مش كوري أو ياباني مع كامل إحترامي طبعا.
وبرده متنساش إن أي حاجة ممكن تفضل علي حالتها الكويسة أو تتبهدل وتبوظ.سواء ألماني كوري ياباني ولا من المريخ حتي.
آآآآآآآآآآآآآآآآآه
انت باين عليك كده هتخليني افكر جديا في الفانتازيا
انا استمعت كتير مع الكورولا 99 بقالي عشر سنين اهو ويا دوب بقة اشوف حاجة جديدة نستمتع بيها
على فكرة احنا العيلة عندنا
اخرها 110 على الطريق وبكون مش واخد بالي
واعتقد ان كده الفتيس مفيهوش مشكلة
غير ان المواعيد المفروض بتتكتب في كمبيوتر العربية مش كده؟
وشكرا على اهتمامك
يا باشا لا شكر علي واجب.وصدقني العربية دي فعلا فلوسها فيها.
في menu في الكمبيوتر بيوضح ميعاد الصيانة الدورية للعربية.وبيحسبها كل 10000 كم.
بالنسبة لزيت الفتيس حضرتك تعود نفسك كده كل 50000 كم تعمل عليه check.
وعلي طبيعة قيادة حضرتك دي متقلقش نهائي مفيش أي مشاكل إن شاء الله. ولو عاوز أي حاجة أو أي إستفسار عنها أنا تحت أمرك في أي وقت
ما شاء اللة عربية جميلة ربنا
يباركلك فيها
الفانتازيا عربية محترمة و كانت ممكن تاكل السوق اكتر من كدا لو اتعملت سياسة تسويقية ناجحة بس للاسف رغم ان ارتوك اوتو عملت الفترة الاخيرة دي اعلانات شوية بس انا شايف انها مش كفاية علي عربية محترمة زي دي ممكن تاكل السوق بجد
ربنا يباركلك فيها و يحفظها من العين و يديك خيرها و يكفيك شرها شكرا للتقرير
ربنا يباركلك فيها انا أوبلاوي بس بعشق الأوكتافيا والفانتازيا وحلم حياتي بجد ان شاء الله
والف مبروك ياباشا وربنا يكفيك شرها ويحميهالك
تسلم على التقرير
وربنا يديك خيرها ويكفيك شرها