تقييم الفانتازيا يا جماعة أخيرا

**hmadacompaq** · 17-06-2010 04:43 PM

سؤال تانى ياباشا معلش انت قلت عربيتك اوتوماتك هل هى كمان full option

ولا اوتوماتك بس والفول اوبشن دا ايه اللى فيه زياده

لانى ان شاء الله ناوى خلاص اشتريها على شهر 7 لانك بجد شجعتنى

وعربيتك كانت شكلها من غير جنط وانت ركبته صح عاوز اعرف انت زودت كام الف على عربيتك بعد ما اشتريتها صرفت عليها قد ايه معلش هاتعبك معايا

**inspiron** · 17-06-2010 11:40 PM

شوف يا باشا..عربيتي أوتوماتك full options تفرق عن الـ high line في عدم وجود الآتي :-

1- سخانات الكراسي.
2- زينون ( بيركب عادي في التوكيل بـ 600 جنيه)
3- سينسور بارك ( بيركب عادي جدا في التوكيل والعربية مجهزة ليه )
4- فتحة السقف.
5- الجنط ( تركبه بـ 6000 جنيه في التوكيل لو عاوز وبرة موجود الأصلي بأرخص من كده كتير )
6- بخاخات الفوانيس الأمامية.
7- الكاسيت الـ touch screen (شكله جامد طبعا لكنه صوته مش زي اللي عندي في العربية,,اللي عندي قنبلة بمعني الكلمة)

بس يا سيدي الفاضل..طبعا أنا عن نفسي إستحرمت أدفع فرق المبلغ ده بين العربيتين في إمكانيات مجرد شكليات.ولو جيبت الجنط والسينسور والزينون (الأصليين طبعا) كده تبقي قربت علي الهاي لاين وبسعر أقل..

**inspiron** · 19-06-2010 12:27 AM

المشاركة الأصلية كتبت بواسطة ahmed refat

بارك الله لك فيها واعطاك خيرها وكفاك شرها ان شاء الله عز وجل

آمين يا رب
متشكر علي رد حضرتك جدا

**AHMED REFAT** · 20-06-2010 05:21 PM

المشاركة الأصلية كتبت بواسطة inspiron

آمين يا رب
متشكر علي رد حضرتك جدا

بارك الله فيك وجزاك كل الخيرونفعك بما اعطاك وجعلها لك طاعة فى سبيل الله عز وجل ان شاء الله

**KHALED AYMAN** · 20-06-2010 05:25 PM

ههههههههههههههههههههههههه ههههههههههه
5 دقايق كتير ..
حاول كل دقيقتين ...
معلش انا لسه واخد بالى من التقرير حالا ...
انا نفسى اتعلم اعمل تقرير ..
لا عرفت اعمل تقرير عن الاوكتافيا ولا عن المخروبه التانيه ..
بس كلامك زى الفل...
و ربنا يباركلك فيها ...

**KHALED AYMAN** · 20-06-2010 05:28 PM

المشاركة الأصلية كتبت بواسطة inspiron

شوف يا باشا..عربيتي أوتوماتك full options تفرق عن الـ high line في عدم وجود الآتي :-

1- سخانات الكراسي.
2- زينون ( بيركب عادي في التوكيل بـ 600 جنيه)
3- سينسور بارك ( بيركب عادي جدا في التوكيل والعربية مجهزة ليه )
4- فتحة السقف.
5- الجنط ( تركبه بـ 6000 جنيه في التوكيل لو عاوز وبرة موجود الأصلي بأرخص من كده كتير )
6- بخاخات الفوانيس الأمامية.
7- الكاسيت الـ touch screen (شكله جامد طبعا لكنه صوته مش زي اللي عندي في العربية,,اللي عندي قنبلة بمعني الكلمة)

بس يا سيدي الفاضل..طبعا أنا عن نفسي إستحرمت أدفع فرق المبلغ ده بين العربيتين في إمكانيات مجرد شكليات.ولو جيبت الجنط والسينسور والزينون (الأصليين طبعا) كده تبقي قربت علي الهاي لاين وبسعر أقل..

الكاسيت التتش فى 2 ..
واحد صينى معفن بتاع تاكسيات ..
و فى واحد نضيف اوووووووووووووووووووووووو وووى
انا سمعت صوت الصينى المعفن ده مجبنيش ...بتاع الاوكتافيا عندى احسن منه ...
يا ترى انت قصدك على انهى واحد بقى ؟؟
بالنسبه للزينون ..
خلى بالك ..
الزينون الاصلى عباره عن تغيير فانوسين

"سمعت" ان فانوس ال a5 الزينون ب 5000 !!!
و شفته بعينى ..
2000 جنيه استعمال خارج !!

**zidaneelwaly** · 20-06-2010 09:15 PM

انا لسا شايقها امباريح عند اوتو س ر..ن
بصراحححه تحفه
ما شاء الله بس الخليجي اقل من بتاعت الوكيل ب 30000 مش عارف ليه

**inspiron** · 21-06-2010 01:42 PM

المشاركة الأصلية كتبت بواسطة khaled ayman

ههههههههههههههههههههههههه ههههههههههه
5 دقايق كتير ..
حاول كل دقيقتين ...
معلش انا لسه واخد بالى من التقرير حالا ...
انا نفسى اتعلم اعمل تقرير ..
لا عرفت اعمل تقرير عن الاوكتافيا ولا عن المخروبه التانيه ..
بس كلامك زى الفل...
و ربنا يباركلك فيها ...

المخروبة التانية دي يا خالد.إسمحلي من ساعة ما شوفت أول موضوع ليك لما جيبت العربية دي قولت بسسسس...ربنا يستر بقي وميحصلش معاه مشكله.

تصدق بالله.والله ما تجني علي العربية دي..بس أنا عمري ما عرفت حد معاه العربية دي وفضل مبسوط بيها.لازم يتخنق منها.أنا ساكن في العمارة اللي قصادي راجل معاه واحدة سودة هاي لاين.هو صاحب أبويا.قبل ما أجيب الفانتازيا سألته عليها.قاللي بص..هتمشي بالعربية دي سنة هتحس إنك ملك زمانك.بعد السنة دي تبدأ بقي أصوات العفشة.ضعف التكييف.نتشة الفتيس.وكل دي أسباب رئيسية أدت لوقف إنتاجها علي طول.الغريب في الموضوع إنه بيقولي موديل الفيكترا اللي فعلا جميل هو 2007 (نفس الشكل) بس بالفتيس العادي.