تقييم الفانتازيا يا جماعة أخيرا

**khaledbmw** · 30-06-2011 06:29 PM

لو سمحت يا سيد inspiron هو عند حضرتك مشكلة الأزاز اللي العضو aashid بيقول عليها؟؟!!!!!!!

**inspiron** · 01-07-2011 05:26 PM

المشاركة الأصلية كتبت بواسطة khaledbmwbmwbmwbmwbmw

لو سمحت يا سيد inspiron هو عند حضرتك مشكلة الأزاز اللي العضو aashid بيقول عليها؟؟!!!!!!!

لا حضرتك فكرني هي المشكلة إيه..وعموما معنديش مشكلة الحمدلله

**inspiron** · 09-08-2011 06:12 PM

المشاركة الأصلية كتبت بواسطة amrsabet

استاذ inspiron ربنا يباركلك فى العربية انا كان عندى استفسار هو حضرتك الفئة الاولى فيها بلوتوث يعنى حضرتك تقدر تتصل وترد من الدركسيون ولا لآ ؟ الحاجة الثانية ياريت لو حضرتك تفيدنا عن اسعار قطع الغيار والصيانات بتاعاتها

انا الحقيقة بفكر فى الفئة الاولى ومتردد لانى مستنى اشوف الجيتا الشكل الجديد هتكون بموتور ايه وفتيس ايه وسعرها وكمالياتها ايه

شكرا لردك مقدما

أه يا باشا أنا عربيتي الـ 2010 فيها بلوتوث في الفئة الأولي.معرفش 2011 نظامها إيه بس مؤكد فيها ..
بالنسبة للصيانات عادية وفي المتناول والله..ولو تابعتها أول بأول بدون تأخير مش هتحس بيها.
الجينا هتنزل 1.6 سي سي وفتيس dsg
لا أنصح بها علي الإطلاق

**ahmadm** · 10-08-2011 09:36 PM

السلام عليكم

هل الزجاج الامامى للفانتازيا عازل للحرارة ؟

**inspiron** · 11-08-2011 02:36 AM

أولا أنا لا أنصح بالجيتا لأسباب أولها الفتيس الجديد اللي بيضرب أسرع من فتيس الـ 128
ثانيا طبعا زجاج الفانتازيا عازل للحرارة

**amrsabet** · 14-08-2011 09:14 PM

استاذ inspiron هو حضرتك السرعة القصوى كام اللى حضرتك جبتها بالعربية لحد دلوقتى وياترى كان العزل اخباره ايه وهل فى عيب شهير موجود كان فى A5 هو وجود صوت هواء عند الشبابيك الخلفية عند المشى على طريق سريع على سرعات اعلى من 120 كم ياترى ده موجود فى الفانتازيا ولا لأ ؟
وياترى اخبار عزل العربية ايه جوه البلد يعنى لو انت قافل الزجاج ومشغل التكييف بتسمع صوت بره ولا بيكون ضعيف اوى
انا شخصيا نفسى اجيب العربية دى وبقارنها بالالنترا بس متردد
شكرا مقدما لردك

**inspiron** · 15-08-2011 12:37 AM

المشاركة الأصلية كتبت بواسطة amrsabet

استاذ inspiron هو حضرتك السرعة القصوى كام اللى حضرتك جبتها بالعربية لحد دلوقتى وياترى كان العزل اخباره ايه وهل فى عيب شهير موجود كان فى A5 هو وجود صوت هواء عند الشبابيك الخلفية عند المشى على طريق سريع على سرعات اعلى من 120 كم ياترى ده موجود فى الفانتازيا ولا لأ ؟
وياترى اخبار عزل العربية ايه جوه البلد يعنى لو انت قافل الزجاج ومشغل التكييف بتسمع صوت بره ولا بيكون ضعيف اوى
انا شخصيا نفسى اجيب العربية دى وبقارنها بالالنترا بس متردد
شكرا مقدما لردك

يا راجل ينفع كده ؟؟؟ الفانتازيا تتقارن بإلانترا بردو ؟ مينفعش.

العزل في الفانتازيا لو قافل الإزاز ومشغل التكييف والكاسيت مستحيل تسمع حاجة برة..لو من غير كاسيت ممكن تسمع أصوات الكلاكسات بس.ودوشة خفيفة جدا ده لو الدنيا زايطة,,السرعى القصوي كانت في الظروف العادية 203 كم..والهوا معاك توصل لـ 209 كم

العيب اللي كان في الـ a5 في السرعات العالية تم علاجه في الفانتازيا