| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 95

  1. #1

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي ظبط رجلاش الثلاثة دواسات + فرملة اليد ( بالصور ) - Facebook Twitter whatsapp انشر الموضوع فى :

    hasad">


    بسم الله

    موضوع رجلاش الدواسات من المواضيع الهامه اوى فى قيادة اى عربيه

    ليه ؟

    لان تحكمك فى قيادة العربيه اجمالاٌ بيتم عن طريق 6 مكونات الثلاثة دواسات ( بنزين + فرامل + دبرياش )+ الفتيس+ فرملة اليد + الدركسيون

    لذلك اهتممت بعمل موضوع منفرد لظبط اداء هذه المكونات طبعاٌ ما عدا الدركسيون والفتيس ( دول موضوعين لوحدهم )


    بسم الله نبدأ

    فى العربيات اللى فراملها ورا ديسكات او سكينه بترجلش نفسها اوتوماتيك يعنى مش بتحتاج يتعملها كل فتره رجلاش ولذلك ( ارتفاع دواسة الفرامل ثابت )

    اما العربيات اللى فراملها ورا طبل زى اغلب العربيات فظبط رجلاش فرملة اليد مهم اوى فى التحكم فى ارتفاع دواسة الفرامل

    وبالتالى تقليل زمن التوقف وايضاٌ ارتفاع مستوى منظومة الفرامل فى السياره ككل

    ازاى ؟
    وايه اللى دخل فرملة اليد فى فرملة الرجل ؟

    الموضوع بسيط

    التيل فى العربيات اللى ورا الطبل اللى بيتحكم فى ارتفاعه ومدى ملامسته للطنبوره هو مدى شدة وير فرملة اليد
    وبالتالى
    كل ما كان وير اليد مشدود كويس كل ما كان التيل مرفوع وملامس لسطح الطنبوره مما يقلل من كمية الزيت المطلوبه لتحقيق الفرمله وبالتالى مسافة الدوسه من رجلك مما يقلل من زمن التوقف ومسافة التوقف

    اذاٌ فحاجه بسيطه اوى ( رجلاش فرملة اليد ) بيفرق فى رفع مستوى امان السياره

    حاجه عجيبه

    طيب سيبنا بقى من الكلام النظرى ونخش على العملى

    مش هنفك الكونسول الوسطى علشان نوصل لرجلاش فرملة اليد

    لا

    عندى طريقه سهله اوى

    هنقعد على الكنبه اللى ورا ونخلع درج الطفايه اللى فى الكنسول الوسطى

    ونجيب مفك عاده وندخله فى علبة الطفايه من فوق ونزق بشويش لبره

    ..

    هنلاقى علبة الطفايه طلعت فى ايدنا

    هنجيب مفتاح عشره مشنشر وندق على طرفه بشاكوش لحد ميبقى شكله كده

    [IMG]..[/IMG]

    هندخل المفتاح داخل العلبه ونركبه على الصاموله بتاعت رجلاش دراع اليد ذى كده

    [IMG]..[/IMG]

    هنبدأ نربط بأتجاه عقارب الساعه

    لفه بلفه ونجرب نشد الدراع لفوق ونشوف مقاومته زادت اد ايه وطبعاٌ ننزله تانى
    المفروض لما نشد الدراع لفوق بدون ما ندوس على زرار التحرير نسمع 5 تكات ممكن اقل ممكن ازيد حسب ما انت تحب ( بالنسبه للناس بتوع التخميس والدريفتات )

    بعد ما نظبط مدى حركه الدراع هنزله على الآخر ونحرك العربيه حركه بسيطه بأيدينا ( زق يعنى ) علشان نتأكد ان الفرامل مش مشدوده اوى ( قافشه )

    تمام كده

    هنركب العلبه كبس وبعدين نركب الدرج تانى وندخل السنتين اللى تحت بتوع الدرج اول

    كده فرملة اليد تمام

    اللى بعده

    دواسة البنزين

    ناس كتير بتتشكى من ان العربيه السرعه القصوى بتاعتها قلت وتلف وتدور فى دايرة ( بوجيهات , موبينه , طرمبة بنزين ,,,,,,,, ).

    والموضوع اسهل من كده بكتير

    الدواسه لما بندوس عليها للآخر متفتحش بوابة المانفوليد كويس

    ليه ؟

    لان مع الوقت وير الاكسراتير بيهوى ويبقى محتاج يتعاير تانى

    طيب نعايره منين ؟

    من جوه العربيه من الدواسه يعنى ؟

    لا

    طيب ازاى

    هندور العربيه ونفتح الكابوت

    ونبص على الوير اللى ماشى اعلى المانفولد قدامنا

    [IMG]..[/IMG]

    هنلاقى زى ورده مشقوقه ماسكه على الجراب بتاع الوير

    هنشدها لبره

    [IMG]..[/IMG]

    ونشد الجراب لورا لحد ما الوير يتشد معانا بس من غير ما يعلى سلانسيه الموتور ( علشان كده قولت ندور العربيه فى الأول )

    هنلاقى الجراب عليه فتحات مدرجه لتركيب الكلبس

    هنرجع الكلبس او الورده ضغط تانى بس على آخر فتحه من ناحية الحامل

    كده تمام

    بالمره هنرش WD - 40 على الوير والبكره واحنا بنحركها علشان نزيتها

    [IMG]..[/IMG]

    نقفل الكبوت ونطفى العربيه وندخل للدواسات

    نرجع كرسى السائق للخلف على الآخر ونبص على الدواسات وده شكلها

    [IMG]..[/IMG]

    هنرش WD - 40 على مفصلات دواسة البنزين وعل الوير من جوه مع التحريك للدواسه

    [IMG]..[/IMG]

    كده يبقى خلصنا رجلاش دواسة البنزين


    نخش على رجلاش دواسة الفرامل

    علشان نظبط ارتفاع دواسة الفرامل لازم نعمل حاجتين مهمين اوى

    1 رجلاش فرملة اليد ( تم شرحه بالتفصيل فى اول الموضوع )

    2 نأخد هواء الدوره بالكامل ( وده انا شارحه فى موضوع سابق )

    http://www.nilemotors.net/Nile/149434-a.html

    طيب لما نعمل 1 و 2 يبقى لسه فاضل ايه فى ظبط دواسة الفرامل ؟

    هنرش WD - 40 على مفصلات دواسة الفرامل وعلى السوسته بتاعتها للتزييت وتسهيل الحركه ومنع التزييق

    ونجيب لصق دبل فيس ونلزقه على صدادة الدواسه من فوق علشان ما نسمعش صوت الخبطه ( حديد فى حديد ) لما الدواسه بترجع مكانها بعد الدوسه

    [IMG]..[/IMG]


    بعد ما نعمل كل اللى فات هندور العربيه ونكارك فرامل كام مره ونطفى العربيه تانى

    وكده خلصنا رجلاش دواسة الفرامل

    تمام



    ندخل بقى على آخر حاجه

    وموضع الكثير من الاسئله

    رجلاش الدبرياش

    الدبرياش له ثلاثة اماكن للرجلاش

    1 اخد هواء زيت الباكم الخاص بالدبرياش ( مشروح بالتفصيل هنا )
    http://www.nilemotors.net/Nile/149434-a.html

    وده مهم اوى نعمله قبل ما نظبط الرجلاش

    2 صدادة الدبرياش
    ودى مسئوله عن ارتفاع الدواسه اجمالاٌ وظبط الخلوص الخاص بالدواسه
    ودى صورتها
    [IMG]..[/IMG]

    وهى عباره عن مسمار رجلاش تحته صامولة رباط فى طرفه كاوتش لصد الدواسه عند رجوعها

    هنفك صامولة الرباط بمفتاح 13 ثم نربط المسمار سنه بسنه حتى نلغى الخلوص ( مسافة التحرك الحر ) من الدواسه ثم نعيد رباط صامولة الربط تانى

    [IMG]..[/IMG]


    بعد ما ظبطنا خلوص دواسة الدبرياش نظبط المدى الحركى للدواسه

    وده مهم اوى لان
    الدايو والاوبل بصفه خاصه فتيسهم فيه خشونه شويه فى حركة النقل وبخاصه غيارين الاول والمارشيدير فيهم صعوبه وممكن نسمع اصوات احتكاك التروس عند التعشيق

    بس انا عندى الحل الشافى ان شاء الله

    هنبص على دواسة الدبرياش هنلاقى الدواسه متصله بعمود عليه رجلاش متصل من ناحيه بكاوتشة خزنة بستم الدبرياش ومن ناحيه بصامولة رباط مقاس 12

    هندور العربيه ونفك صامولة الرباط بمفتاح 12

    [IMG]..[/IMG]


    هنمسك عمود التوصيل من الفتحتين على جانبيه بمفتاح مقاس 9

    [IMG]..[/IMG]

    و نبدأ نربط نص لفه فى اتجاه عقارب الساعه وندوس دواسة الدبرياش للآخر وندى للعربيه غيار اول ومارشدير

    ونشوف النقل بقى اريح , الاصوات بتاعت الخبطه مع النقل اختفت

    لو لسه نربط كمان نص لفه

    لو تمام خلاص

    ونخلى بالنا اوى من ان الرباط الكتير غلط لان لو ربطنا كتير اوى والدواسه عليت اوى ممكن يأثر بالسلب على اسطوانة الدبرياش

    خلصنا كده جربنا النقل بقى سلس

    تمام

    هنربط صامولة الرباط تانى ونجيب ال WD - 40 ونرش على مفصلات الدواسه وفى قلب الكاوتشه اللى داخل فيها عمود نقل الحركد للتزييت وتسهيل الحركه

    [IMG]..[/IMG]


    ان شاء الله كده كله تمام

    نطلع نجرب العربيه ونخلى بالنا لان الاداء اختلف كتير عن الاول فنجرب براحتنا علشان البرجله بتاعت احساسك بالدواسات فى الاول


    الفرامل كده عليت وحساسيتها زادت معاك وبقت بتمسك بسرعه
    البنزين بقى باللمس والعربيه تطير
    الدبرياش بقى لين تحت رجلك
    الفتيس بقل سهل فى تغيير النقلات ومبقالوش صوت
    فرملة اليد بقت حديد

    دعاوتكم الصالحه لى بقى

    طبعاٌ اى استفسار تحت امركم

    دا الفيس بوك
    https://www.facebook.com/esamghanayem

    ودا رقمى
    01006898520

    اخوكم

    عصام غنايم




    لوحبيتم ترفعوا اداء العربيه كمان وكمان ابقوا بصوا على المواضيع التاليه

    http://www.nilemotors.net/Nile/151996-a.html

    http://www.nilemotors.net/Nile/145847-a.html

    http://www.nilemotors.net/Nile/147913-a.html

    http://www.nilemotors.net/Nile/149434-a.html

    http://www.nilemotors.net/Nile/109552-a.html

    http://www.nilemotors.net/Nile/103361-a.html




    وسلام مؤقت


  2. #2

    الصورة الرمزية nab!l

    رقم العضوية : 40835

    تاريخ التسجيل : 22May2009

    المشاركات : 3,475

    النوع : ذكر

    الاقامة : damietta

    السيارة: thanks god

    السيارة[2]: opel astra 2000

    الحالة : nab!l غير متواجد حالياً

    افتراضي -

    ربنا يشفيك يارب ويباركلك
    بجد بجد الله ينور
    بالنسبه لواير البنزين يابو فارس فى عربيات الواير بتاعها كهربا ودول ميقدروش يعملو فيها حاجة وسمعت ان فيها عيوب بس دول مش دايو طبعا
    احب اقولك كمان ان فتيس الدايو هو بالظبط فتيس الاوبل عشان كده فيهم خشونه فعلا وده حاجة بتخنقنى جدا منه
    شكرا ابو فارس
    احسن حاجة ان انا اول واحد رديت قبل الزحمة


  3. #3

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    ربنا يشفيك يارب ويباركلك
    بجد بجد الله ينور
    بالنسبه لواير البنزين يابو فارس فى عربيات الواير بتاعها كهربا ودول ميقدروش يعملو فيها حاجة وسمعت ان فيها عيوب بس دول مش دايو طبعا
    احب اقولك كمان ان فتيس الدايو هو بالظبط فتيس الاوبل عشان كده فيهم خشونه فعلا وده حاجة بتخنقنى جدا منه
    شكرا ابو فارس
    احسن حاجة ان انا اول واحد رديت قبل الزحمة

    منور المنتدى يا نبيل باشا

    ومنور دمياط كلها

    وعلى فكره جرب ترجلش الدبرياش وان شاء الله الخشونه هتروح خالص عن تجربه

    وابقى قولى على النتيجه


  4. #4

    الصورة الرمزية samirayad

    رقم العضوية : 19543

    تاريخ التسجيل : 20Sep2008

    المشاركات : 18,152

    النوع : ذكر

    الاقامة : ismailia/Egypt

    السيارة: لايوجد حاليا

    السيارة[2]: نوبيرا 2007

    الحالة : samirayad غير متواجد حالياً

    افتراضي -

    إلى الأمام دائما

    أبو فارس


  5. #5

    الصورة الرمزية faron525

    رقم العضوية : 37236

    تاريخ التسجيل : 04Apr2009

    المشاركات : 904

    النوع : ذكر

    الاقامة : cairo

    السيارة: لانوس 2 2003

    السيارة[2]: fait 127

    دراجة بخارية: لا يوجد

    الحالة : faron525 غير متواجد حالياً

    افتراضي -

    عبقري يا عصام والله
    ( ربنا يديم عليك الصحة و العافية انت واسرتك)

    علي فكرة اخنا في المنتدي مش ناسيين وعدك في موضوع منع الاصوات و منتظرين منك المزيد وربنا يزيدك علم

    تقبل تحياتي


  6. #6

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    إلى الأمام دائما

    أبو فارس
    لك كل الشكر والتحيه

    يا قائد


  7. #7

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    عبقري يا عصام والله
    ( ربنا يديم عليك الصحة و العافية انت واسرتك)

    علي فكرة اخنا في المنتدي مش ناسيين وعدك في موضوع منع الاصوات و منتظرين منك المزيد وربنا يزيدك علم

    تقبل تحياتي
    لك منى كل التحيه

    وان شاء الله

    عن قريب موضوع تكتيم الاصوات

    بس

    شويه وقت بعد اذنكم

    لانى لسه هكمل شغل فى العربيه قبل ما انزله

    علشان يبقى مستكمل قدر المستطاع


  8. #8

    الصورة الرمزية hobaz

    رقم العضوية : 66978

    تاريخ التسجيل : 04Apr2010

    المشاركات : 1,266

    النوع : ذكر

    الاقامة : Nasr City

    السيارة: None

    السيارة[2]: None

    الحالة : hobaz غير متواجد حالياً

    افتراضي -

    بجد موضوع جامد وجزاك الله الف خير على مجهودك الجبار ده.......


    I don't know the key to success, but the key to failure is trying to please everybody



  9. #9

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    بجد موضوع جامد وجزاك الله الف خير على مجهودك الجبار ده.......
    الف شكر

    كابتن
    كابتن

    ممكن لفه بالعربيه اللى فى التوقيع بتاعك ده

    وحياة ابوك يا كابتن


  10. #10

    الصورة الرمزية fouaa

    رقم العضوية : 60695

    تاريخ التسجيل : 01Feb2010

    المشاركات : 899

    النوع : ذكر

    الاقامة : cairo

    السيارة: fiat tipo

    السيارة[2]: lancer 2000

    دراجة بخارية: no

    الحالة : fouaa غير متواجد حالياً

    افتراضي -

    hasad">

    شكرا جدا ليك دى حاجه مهمه ان الواحد يعرفها تسلم ايدك

    ENG:AHMED TAWFIK
    [aldl]http://img35.imageshack.us/img35/1567/otkv.jpg[/aldl]



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. ازاي تظبط رجلاش فرامل اليد لسيارتك بالصور+الشرح
    بواسطة aymn6666 في المنتدى أخبار السيارات في مصر والعالم
    مشاركات: 24
    آخر مشاركة: 29-07-2015, 05:59 PM
  2. رجلاش فرامل اليد في الياريس
    بواسطة swimmer25 في المنتدى تـويوتـــا
    مشاركات: 8
    آخر مشاركة: 13-12-2012, 01:01 AM
  3. ازاي ترجلش دوسات وفرامل اليد للفيرنا بالصور+الشرح
    بواسطة aymn6666 في المنتدى هيــونــداى
    مشاركات: 58
    آخر مشاركة: 15-11-2012, 09:24 PM
  4. رجلاش فرامل اليد
    بواسطة samihanwar في المنتدى ورشـــة نــايل مــــوتـــورز
    مشاركات: 6
    آخر مشاركة: 13-06-2010, 01:43 PM
  5. مشاركات: 8
    آخر مشاركة: 02-05-2008, 01:46 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2