استطلاع : ## ادخل قول رايك انهى لون للالنترا افضل ##

**sameh.acc** · 11-02-2008 12:06 AM

انا خلاص بعد تفكير عميق ومقارنات بين عربيات اشكال وانواع سواء (سمند او امبريزا او مازدا او لانسر EX او النترا ) استقريت الحمدلله على النترا لما بها من مميزات مثل : رخص قطع الغيار و الشكل الجذاب و الاداء الممتاز والتوكيل ..... ولا بلاش التوكيل دة نسيت انى بتكلم على عمو غبور :D ماعلينااااااااااا ... العربية ماشاء الله كويسة من نواحى كتيرة انا دلوقتى محتاج مساعدتكم فى مواضيع التقسيط واية احسن مكان للتقسيط ومنين اجيبها من مكان يكون مضمون واخر حاجة ,,,,,,,,,,,,,,,,,,,,,,,,,,,

(((( احلى لون عليها ويكون شبابى وشيك ))))

1- الابيض
2- الاسود
3- البتنجانى (البنفسجى)
4- البيج الرملى

ارجو المساعدة ,,,,,

**SEATLOVER** · 11-02-2008 01:32 AM

احسنت الاختيار ...بس لية الالوان دى ...هى دى الالوان اللى موجودة والا انت محدد الكام لون دول ..انا شفت الاحمر كان جامد اوى فيها .

**ahmedfd** · 11-02-2008 10:28 AM

رغم إني عندي البتنجاني و دة من أكثر الألوان النادرة على الإلنترا و بالحجز و إستنيته 4 شهور لكن أنا شايف إن أجمل لون فعلاً هوا البيج الرملي... فعلاً تحفة بس مشكلته هوة و الألوان الفاتحة إن أي حكة في الإكصدام بيبان لون الإسود من تحته و بيبقى المنظر بايخ...
عامة الإلنترا إختيار موفق بإذن الله..

**mido777** · 11-02-2008 10:44 AM

انا معايا " البيج " بصراحة مكنش فى ضمن اختياراتى خالص انا كنت محدد
الأسود او الفيرانى وبحب الفضى جدا وكان نفسى فيه بس زهقت منه لأنه كان معايا فى كذا عربية قبل كده

وفى الأول والأخر دى مسألة اذواق

بس فعلا البيج طلع شيك جدا جدا

الأسود - عيبه انه مصغر شكل العربية من الخلف
البتنجانى - حلو ومش منتشر
الأبيض - مميز جدا عليها ونادر
الفيرانى - شيك جدا بس تحس مش شبابى
الفضى - ملك الألوان
الأحمر (الغامق) - بصراحة مش بيعجنى قوى
البترولى - حلو بس الدرجة بتاعته غامقه قوى

وتانى دى اذواااااااااااق