ابوالفتوح عامل عروض على الاسبرانزا 516 63900 الف جنية وعامل كمان على الام 11 69900 الف جنية فرصة للى عايز يركب اسبرانزا
عرض للطباعة
ابوالفتوح عامل عروض على الاسبرانزا 516 63900 الف جنية وعامل كمان على الام 11 69900 الف جنية فرصة للى عايز يركب اسبرانزا
شكرا يا باشا على الخبر
بس ايه رايك فى اسبرانزا 516 هلى هى عربيه كويسه ولا لا
و هى ولا رينو لوجان فول اوبشن
لانى محتار جدا بين الاسبرانزا واللوجان
اسبرانزا اولا قطع غيار رخيصة و بقيت موجودة ثابتة علي الطريق واسعة اوي كبيرة و افخم من رينو
100% و كمان أكثر إنتشارا و وكيل أفضل نسبيا و مراكز صيانه معتمده أكثر إنتشارا بكثير
اللى فاضى يارجاله يشترى اسبرانزا لانها هتكون الشغل الشاغل ليه
واللى مش مسدق يروح زياره الى اى مركز خدمه ويشوف
الحمد لله ان كل الف عربيه بطتاع عربيه واحده كويسه والباقى ربنا يكون فى عون اصحابها
فلازم يعمل هذا العرض المغرى وعلاشان يخصر الناس فى عربيتها
نصيحة و بأقولها لوجه الله... العربية دى عاملة زى البطيخة بالظبط... يعنى تلاقى ناس كتيييير بتشتكى منها و من مواقفها السخيفة ( و أنا واحد منهم ) و ناس تانية بتشكر فيها جامد... :8954[1]:
تحس ان أبوالفتوح بيجمع لعب أطفال مش عربيات..!!! بمعنى انه لو بيصنع أو بيجمع صح لازم يبقى فى مقاييس جودة ثابتة و مافيهاش أى تهريج.. انما تلاقى عربية على الشعرة و اللى بعدها متكروتة و مليانة مشاكل...
بص يا سيدى انا عربيتى الحمد لله محافظ عليها جدا و أنا بأشتغل دكتور .. يعنى من البيت للمستشفى للعيادة .. و لما باسافر بيها بسافر كل فين و فين... يعنى مش مبهدلها و لا حاجة...
خد مفاجات كل يوم و التانى و من غير أى سبب.. الفرامل بتصفر.. يقولك فى التوكيل أصل تيل الاسبيرانزا وحش...!!
طب و أنا مالى...!!!
العفشة بتصوصو .. يربطوها و كله تمام .. و الصوت يرجع بعد يومين...
مشكلة فى ال 516 ان عفشتها ناشفة.. يقولك هاتلها مساعدين لانسر.. طب ماتركبوا انتم مساعدين نضاف..
تبقى مروح و ماشى على الكورنيش فلة.. هب النور عمال يقيد و يطفى كأنك فى فرح.. الدينامو باظ و عاوز يتغير... تقوم تشد فى شعرك.:I_angr1[1]:
من يومين الفتيس تنح معاى و يمين تلاتة ماهو واخد غيار.. يا خرااااااابى .. أحاول اجيب أولانى,, مارشدير ,, أى حاجة مافيش.. لدرجة انى حاسسانى كنت هأكسر عصاية الفتيس فى ايدى.. المهم جبت التانى بالعافية و طلعت... بعد حوالى ربع ساعة سواقة على التانى وبس حاولت اجيب التالت.. الحمد لله جه... بعد شوية بدأت الغيارات ترجع لطبيعتها...
النهاردة الصبح كنت رايح أبو رواش علشان يشوفوا العربية بسبب الشكوى الجماعية اللى عملناها.. نفس الموقف بتاع الفتيس اتكرر بالحرف...
حد هيقولى دى مشكلة بسيطة و تتحل... الحمد لله هى اتحلت .. بس اللى أنا بأقوله يا جماعة ازاى أبقى شارى عربية جديدة و تعمل كده... اللى بيفكر يشترى زيرو بيبقى عاوز يريح دماغة..
أنا دلوقت بقى عندى احساس انى شغال عند العربية دى...
أخيرا كلمة لوجه الله.. يا جماعة طظ و ألف طظ فى الشياكة و الفخامة و الأوبشنز.. ابعدوا عن الاسبيرانزا عموما و الأم11 خصوصا...
اشترى فيرنا اللى هى خفيفة و مش ثابتة و فاضية.. أحسن من مليون اسبيرانز....
اللهم بلغت.. اللهم فاشهد...
انا ملاحظ ان الاخ ahmeddarhos emad7759
فى كل موضوع عن الاسبرانزا يكتوا نفس المشاركتين دى
هو انتوا مع بعض ولا انتوا واحد وهو بيدخل يكتب المشاراكات دى
بطلوا بقا عيب عليكم وانتوا مالكم عربيات وحشة ولا وحلوة
ما ممكن انت بتسوق وحش ومبتعرفش تسوق اصلا
وانت متلغبط ان العربية 5 غيارات ولا 4
عيب بجد كده
مش عيب عربية
معلش الراجل ما غلطش
العربية مش هى اللى وحشة
توكيلها هو اللى زباله
وبالفعل قطع غيارها رخيصة حدا و منتشرة جدا بس للاسف ما بتعش جدا
تيل الفرامل يا ناس ب 110 جنيه يابلاش كبيره فى العربية 10 الف كيلو بس و حجات تانية كتيرة لاداعلا لذكرها و خلينا واقعيين و حياديين
هى كعربية جميله جدا
كتوكيل سيئة جدا
كقطع غيار اسواء ما تكون
ركب التيل الاصلي برة التوكيل ب 80 جنية انا بركبة عند احمد مهراهن و بيديني علية ضمان
أولا أحب أطمن حضرتك اننا مش واحد.. احنا اتنين ..
بس مشكلتنا واحدة و اتعرفنا على بعض و بقينا اخوات.. و حضرتك لو متابع مشاركاتنا زى ما انت بتقول كنت عرفت اننا من ملاك الأم11 و تقريبا عندنا نفس المشاكل..
ثانيا أحب أعرف هو ايه اللى عيب بالظبط فى كلامنا..؟؟؟
ثالثا حضرتك معاك عربية اسبيرانزا ولا بتتكلم على السمع زى ما ناس كتير بتعمل..
أنا معاى العربية .. و كل المشاكل اللى قلتها دى قابلتها بنفسى .. مش سامع عنها..
و لازلت مصر ان الاسبيرانزا دى عربية زبالة و ماتستاهلش اللى اندفع فيها.. و ده رأيى الشخصى و مايهمنيش ان حد يقتنع بيه أو لأ..
يا أستاذ افرام .. عربيتك كويسة و عاجباك .. ربنا يبارك لك فيها..
أنا عربيتى مش عاجبانى.. و اللى باقوله ده بناء على تجربة شخصية...
أنا لا عاوز أكرهك فى عربيتك ولا أحببك فيها لأنى ببساطة مش هاستفيد حاجة من الكلام ده..
أنا نصيحتى موجهة للناس اللى بيفكروا يشتروا و مترددين و عاوزين رأى الناس اللى مجربين العربية و بأقولهم بلاش يا جماعة تغلطوا نفس غلطتى..
ياجماعه بلاش فتى ياعم اقزر مين وبتاع مين ياعم لو مش عجباك بلاش منها الحمد لله العربيه والله العظيم احسن عربيه فى فئتها انا مش عارف الناس دى بتعمل كده ليه حاجه غريبه ياجماعه بردوه اول ما السيراتو نزلت طلعو الاقطط انا نفسى نقول كلمه حق مش عشان فى مشكله بسيطه نقول عربيه قزره وعشان تعرفو حاجه جميع السيارات بها مشاكل وخشو وشوفو ---بورتن--افيو-النترا -اكسنت-معنى كده ان العربيات دى قذره وباله
بشويش يا اخوانا مش معقول في كل المواضيع تقلبوها بخناقة :)
الاختلاف في الرأي لا يفسد للود قضية .....
الدكتور و عماد و غيرهم عندهم مشاكل فشئ طبيعي يقرفوا من العربية و مينصحوش بيها حد ...
انا و معايا بعض الاخوة معانا برضه العربية و الحمد لله ماشية فلة و عاجبانا و بننصح بيها اللي يسأل ....
علي المحتار الاستخارة و ربنا اللي يكرمه بالثبات علي رأي ..... الموضوع مافيهوش اجبار ولا مع ولا ضد
ربنا يديم المعروف
اولا ياباشا احنا مش واحد ودخل باسم اثنين
وثانيا شكرا على كلام الجميل ده
ومعلشى اصل انا لسه اول مره اركب عربيه فى حياتى اصل الحاجه لسه جيباه العربيه ليه
ياباشا الحمد لله انا عندى العربيات وانا فى عمر ال18 سته وانا شغلى كله فى العربيات
وعندى ورشه مكانيكا وانتا اللى مالك ومال كلامنا احنا بنقول اللى ربنا هيحسبنا عليه
لاكن انتا شكلك كده تبع ابو الفتوح
مش من ملاك العربيات دى ولو عايز تتفرج على مشاكل العربيات انا عن نفسى بقول اللى مش مسدق يروح زياره الى التوكبل ويتكلم مع الناس هناك اللى معاهم العربيات
ويشوف بعينه المشاكل اللى ملاهاش حل فى العربيات
مش هضرتك تقول ملكش دعوه وانتوا مالكم عربيات وحشة ولا وحلوة ازى يعنى
انتا ياباشمهنس انا بقوا احضرتك انتا زعلان علاشان احنا بنقول كلمه حق وبالدليل القاطع احتا رحانا عندكم فى ابو الفتوح وكان الكلام ان العربيه العيوب اللى فيها ملاش علاج وهو السكه اللى فى المتور
الام 11 وطلبنا النجده وحملنا محضر
فانتا ياباشا اللى ملاكش دعوه بينا اصلا ىاتقى ربنا فينا
احنا بنقول كلمه حق لاكثر ولا اقل
انا جيبت 516 موديل 2010 وعايز اقول ان العربية دي بطيخة يا حمرا يا قرعة وللاسف توكيلها سيئ للغاية وقطع غيارها مش متوفره وعن تجربة الكلام ده وللعلم انا مغير طلمبة بور واسكترا ولسه فاضل قطمة دركسيون حغيرها تبع الضمان وعليها موافقه من ثلاث اشهر بس مش موجود في ازمه في قطع الغيار فهل يعقل ان عربية زيرو يتغير فيها كل الجات دي وهي لسه ممشيتش ازيد من 5000 كيلو
فنصيحة لوجه الله ان اي عربية تانية افضل من العربية دي
اولا ربنا معاك ويعملو ليك اللى فيها وتكون زى اى عربيه مشيه من غير مشاكل
ويريت الناس اللى بدافع عن ابو الفتوح وعربياته الزباله تيجى ويشوف
علاشان الباشا اللى تابع الى ابو الفتوح اللى بيقول ان احنا مبنعرفشى نسوق يشوف العزاب اللى الناس فيه والتهريج اللى فى العربيات
وياريت حضرتك تشتكى فى حمايه المستهلك
وان شاء لله تاخد حقق نت عنيهم
اسف جدا جدا علي التاخير احمد مهران ورشتوة في الملك الصالح اكيد تعرف كوبري الملك الصالح في مصر القديمة تنزل الكوبري علي ايدك اليمين بنزينة موبيل الشارع الي بعد البنزينة فية علي نصيتوة توكيل مرسيدس خش الشارع دة هتلاقية خد الشارع لاخرة هتلاقي في وشك المترو و في يمين و في شمال خد شمال هو ورشة اسال علي احمد مهران الف مين يدلك و في طريق تاني نفق الملك الصالح لو رايح من صلاح سالم انزل النفق و اول ما تتطلع منة يمين خش يمين كانك رايك شارع القصر العيني امشي شوية هتلاقي بنزينة موبيل خش برضوة شارع مرسيدس و نفس القصة رقم احمد كهران 0101562774 البشمهندس احمد مهران و هو راجل محترم اوي او ي اوي و شغلة كلة يعتبر في العربية اسبرانزا كل الفات سالتوة علي ام 11 قالي فية مشكلة الكركرة و كام حاجة كدة ملحوظة احمد مهران بيجي عشان يعملك حاجة في عربيتك تكون عندوة الساعة تلاتة بالكتير اوي و يستحسن تتصل بية قبلة تعرفوة العربية فية اية الاجازة يوم الاحد و اتمني اكون افدك و عايز اقولك راجل محترم جدا و ربنا معاك و اسف علي الاطالة و التاخير في الرد :3_3_102[1]::3_3_102[1]::3_3_102[1]::3_3_102[1]::3_3_102[1]::3_3_102[1]::satelite::satelite::satelite: