لانوس 2 موديل 2001 فبريكه بره وجوه وبعملها السرفيس بتعها فى معاده بس فى مشكله

**bravehorse** · 04-06-2010 12:58 PM

السلام عليكم اهل هذا المنتدى الكرام

انا عندى شوية مشاكل فى العربيه ومش عارف ليها حل

1- العربيه الصبح لما بدورها بدور على طول لكن بلقيها زى متكون عوزه تبطل ولما امشى بيها قبل ما تسخن مبتكونش مظبوطه بحس انها بترجرج لكن لما بتسخن بلقيها مضبوطه وزى الفل والكلام ده طبعا مكنش بيحصل زمان

المهم انا غيرت البوجيهات وسلك البوجيهات ونضفت الانجكشن والايديل كنترول وبعد ما عملت الكلام ده ضبط الايديل كنترول زى حاضرتكم قلتم فى المنتدى والعربيه انضبطة شويه ورجعت تانى

مش عارف كده الايديل كنترول عاوز يتغير ولا ايه بس انا ملاحظ حاجه غريبه العربيه من ساعت ما اشترتها زيرو ولحد قبل العيب ده ما يظهر كنت اجى ادورها الصبح كان صوتها بيكون عالى زى ما اكون دايس بنزين ولما كانت اطلع بيها قبل ما تسخن كانت عادى جدا لما اشيل رجلى من على البنزين القيها ماشيه كانى دايس بنزين لحد ما تسخن لكن دلوقتى مجننانى

لو حد عنده حل يقولى

2- فرن الشكمان فى مسمار مكسور جوه ,,, بتاع الشكمانات قالى لازم تحل الماتور عشان نوديه لخراط وبصراحه انا خايف من حل الماتور ......... مفيش حل تانى .... المسمار المكسور تحت الفرن من ناحية فلتر الهواء

3- العربيه سعات بسمع صوة تقتقه من ناحيه العجله اليمين لما بكون طالع من ركنه وكاسر الدريكسيون ناحية الشمال ويكون الرصيف جمب العجله ,,,,,

ارجوا من الاخوه الافاضل الرد

وانا بجد اسف جدا على الاطاله بس اخوك حابب العربيه دى جدا لانه شاريها زيروا

واتمنى انكم تعتبرونى اخ ليكم فى المنتدى

تقبلوا تحياتى جميعا

تم تغيير لون المداخلة

اللون الاحمر مخصص للادارة

يرجى مراجعة قوانين المنتدى

مشرف عام الكورى و الماليزى

**samirayad** · 04-06-2010 02:11 PM

1- هل نظفت البوابه صح

وهل عملت أسكانر

2- ياريت توضح

هل فيه جزء بارز من المسمار المكسور ولا مفيش حاجه بارزه منه

3- حاول تبطل عادة الخروج من السكون وأنت كاسر الدركسيون
حفاظا على كبالن السياره

وياريت لو تضحى وتغير شحم الكبالن

جايز يكون محتاج التغيير
للحفاظ على الكبالن بقدر الأمكان وبالمره أكشف على كاوتش الكبالن

**bravehorse** · 04-06-2010 02:47 PM

هل نظفت البوابه صح

الميكانيكى هو النضفها ,,,, واعتقد انه نضفها صح

وهل عملت أسكانر

بصراحه لا معملتش اسكانر ,,, لو حضرتك تعرف ميكانيكى عنده ويكون قريب من العباسيه يا ريت تقولى ,,, اكون شاكر فضلك

- ياريت توضح 2

هل فيه جزء بارز من المسمار المكسور ولا مفيش حاجه بارزه منه

فى جزء حوالى واحد ملى تقريبا ,,,, بتاع الشكمانات حاول يلحم فيه مسمار بلحام الكهرباء ويطلعه معرفش عشان المسمار المكسور فيه سنه فيه تقريبا معكسه جوه

- حاول تبطل عادة الخروج من السكون وأنت كاسر الدركسيون 3

حفاظا على كبالن السياره

صعب اوى ,,,,,,,و عشان انا بكون راكن بين عربييتن فالطبيعنى انك اول حاجه بتكسر الدريكسيون عشان تطلع بالعربيه

وياريت لو تضحى وتغير شحم الكبالن

جايز يكون محتاج التغيير
للحفاظ على الكبالن بقدر الأمكان وبالمره أكشف على كاوتش الكبالن

كوتش الكبالن سليم الحمد لله ,,,,,,,, وعلى العموم انا هروح بكرة ان شاء الله للمكانيكى اخليه يشحم الكبالن

بجد انا عاجز عن شكر حضرتك يا باشمهندس سمير

**samirayad** · 04-06-2010 03:15 PM

بتاع الشكمانات حاول يلحم فيه مسمار بلحام الكهرباء ويطلعه معرفش عشان المسمار المكسور فيه سنه فيه تقريبا معكسه جوه

قوله الصح يا أسطى

أنك تلحم صاموله من تجويفها فى لحم العقب المكسور ( يديها كذا بنطه لحام من تجويفها علشان تمسك فى الجزء المكسور )

وميبفعش تلحم مسمار فى حته صغيره زى دى

**dr.hany** · 04-06-2010 08:56 PM

المشاركة الأصلية كتبت بواسطة samirayad

قوله الصح يا أسطى

أنك تلحم صاموله من تجويفها فى لحم العقب المكسور ( يديها كذا بنطه لحام من تجويفها علشان تمسك فى الجزء المكسور )

وميبفعش تلحم مسمار فى حته صغيره زى دى

فكره حلوه اوى