الموضوع: قررت ابيع لو ما طلعتش الرخصة

المشاركة الأصلية كتبت بواسطة hossaam

طب ممكن نعرف ايه السب انك ما اتوفقتش في تطليع لرخصة
يعني هل هو بسبب الاختبار صعب ولا البيروقراطية ولا ايه بالضبط
علشان نستفيد لما نحاول نطلع الرخصة ان شاء الله

عشان ظابط ابن *&^& و ابن *&&^^% و ابن %$#$# (حط اقذر تلات شتايم تعرفهم مكان الرموز)

المشاركة الأصلية كتبت بواسطة 3ateef

يا باشا مش بعد ده كله تلغى الموضوع....

اصبر شوية وربنا ييسر الأمور...

زهقت ..... بقالي شهر ...... ملعون ابو كده يعني

المشاركة الأصلية كتبت بواسطة yascro

انت اجمد من كده
وايه سبب العطله
لو انت من اسكندريه كنت سهلت عليك المشوار

ربنا يخليك .....

سبب العطلة ظابط ابن *&^% ..... و اما جيت اطلع بطاقة على عنوان جديد برضه متأخرة في الصدور !!!!!

المشاركة الأصلية كتبت بواسطة khaled2010

اصبر شوية يا ابو حميد وانشاء الله ربنا هيسهلها انشاء الله

يااااااااااا رب ....... هاحاول اخر محاولة يا خالد ..... يا صابت يا بايع !

المشاركة الأصلية كتبت بواسطة hassan_gost

ليه بس كده..صلى على النبى واهدى شويه..وباذن الله كله حيبقى تمام ومن غير استعجال

عليه الصلاة و السلام

مفيش استعجال يا باشا انا داخل على شهر اهوه ........ يعني مش قرار لحظي

المشاركة الأصلية كتبت بواسطة ralliart

اوعى تبيعه علشان الرخصه
دا الناس ماشيه من غير رخص أساساً
وبعدين المفروض تعند في البلد دي ويزيد اصرارك على الرخصه
مش محمد عبد الفتاح اللي هيتحكم فيك
البلد الوحيده اللي بيقولو فيها مبروك على الرخصه !!

يا باشا مانا عندت

و روحت اغير عنوان البطاقة

و فسحوني ودوني التامينات تاني لان ختم النسر لوحده ما ينفعش و خلوني اختم ختم كودي جنبيه !!!!

و البطاقة مستعجلة و فات 8 ايام و ما طلعتش !!!!

و بعدين لو اتمسكت بدون رخصة بيصادروا الموتوسيكل ( و طبعا بيرجع لك من غير و لا عجل و لا بطارية و لا اي حاجة ..... شاسيه و موتور بس !) و بياخدوك يبيتوك في الحجز و يعرضوك عالنيابة .....

المشاركة الأصلية كتبت بواسطة shouk_1987

حد يفهمنى يا جدعان ايه صعوبة استخراج رخصة الموتوسيكل ؟؟
و طبعا هو بيتكلم على رخصة الموتوسيكل نفسه مش رخصة القيادة صح ؟؟؟

لا يا باشا انا علقت نمر خلاص ....... انا باتكلم على رخصة القيادة