انا خلاص زهقت
الموضوع مش مستاهل ده كله
و انا قررت ابيع البايك و الاكسسوار اللي جبته كله لو ما اتوفقتش في الرخصة في خلال اسبوع او بالكتير اوي اسبوعين
مفيش حاجة تستاهل المرمطة دي كلها :(
عرض للطباعة
انا خلاص زهقت
الموضوع مش مستاهل ده كله
و انا قررت ابيع البايك و الاكسسوار اللي جبته كله لو ما اتوفقتش في الرخصة في خلال اسبوع او بالكتير اوي اسبوعين
مفيش حاجة تستاهل المرمطة دي كلها :(
الصبر للجدعان يابشمهندش أحمد
يا راجل ده انت قدوتى فى موضوع البايكس ده
وناوى امشى على خطاك بس لما الدنيا تتيسر بس
طب ممكن نعرف ايه السب انك ما اتوفقتش في تطليع لرخصة
يعني هل هو بسبب الاختبار صعب ولا البيروقراطية ولا ايه بالضبط
علشان نستفيد لما نحاول نطلع الرخصة ان شاء الله
يا باشا مش بعد ده كله تلغى الموضوع....
اصبر شوية وربنا ييسر الأمور...
انت اجمد من كده
وايه سبب العطله
لو انت من اسكندريه كنت سهلت عليك المشوار
اصبر شوية يا ابو حميد وانشاء الله ربنا هيسهلها انشاء الله
اصبر شوية يا ابو حميد انشاء الله وربنا هيسهلها
ليه بس كده..صلى على النبى واهدى شويه..وباذن الله كله حيبقى تمام ومن غير استعجال
اوعى تبيعه علشان الرخصه
دا الناس ماشيه من غير رخص أساساً
وبعدين المفروض تعند في البلد دي ويزيد اصرارك على الرخصه
مش محمد عبد الفتاح اللي هيتحكم فيك :policeman:
البلد الوحيده اللي بيقولو فيها مبروك على الرخصه !!
حد يفهمنى يا جدعان ايه صعوبة استخراج رخصة الموتوسيكل ؟؟
و طبعا هو بيتكلم على رخصة الموتوسيكل نفسه مش رخصة القيادة صح ؟؟؟
لا يابو حميد مش كده ابدا علي اقل عثره تسيب البايك هو انته لسه اتهنيت بيه ؟ ده انا لو مكانك اعمل ذي محمود المليجي في فيلم الارض ! شفت كان ماسك في الارض ازاي وهما عايزين يطلعوه منها
عشان ظابط ابن *&^& و ابن *&&^^% و ابن %$#$# (حط اقذر تلات شتايم تعرفهم مكان الرموز)
زهقت ..... بقالي شهر ...... ملعون ابو كده يعني
ربنا يخليك .....
سبب العطلة ظابط ابن *&^% ..... و اما جيت اطلع بطاقة على عنوان جديد برضه متأخرة في الصدور !!!!!
يااااااااااا رب ....... هاحاول اخر محاولة يا خالد ..... يا صابت يا بايع !
عليه الصلاة و السلام
مفيش استعجال يا باشا انا داخل على شهر اهوه ........ يعني مش قرار لحظي
يا باشا مانا عندت
و روحت اغير عنوان البطاقة
و فسحوني ودوني التامينات تاني لان ختم النسر لوحده ما ينفعش و خلوني اختم ختم كودي جنبيه !!!!
و البطاقة مستعجلة و فات 8 ايام و ما طلعتش !!!!
و بعدين لو اتمسكت بدون رخصة بيصادروا الموتوسيكل ( و طبعا بيرجع لك من غير و لا عجل و لا بطارية و لا اي حاجة ..... شاسيه و موتور بس !) و بياخدوك يبيتوك في الحجز و يعرضوك عالنيابة .....
لا يا باشا انا علقت نمر خلاص ....... انا باتكلم على رخصة القيادة
يارررررررااااااجل حراااام عليك دا إحنا كللنا فرحنالك اول ما اشتريت
وكان أعجبنا إصرارك ....... مش محمد عيد الفتاح اللي هايثبت اكتاف
:beatdeadhorse5:
ماهو اما تروح نفس المرور مش اقل من 4 مرات بدون فايدة نهائي و تجيب وسايط بفلوس و ببلاش من كل لون و برضه مفيش فايدة و بعدين تروح تنقل بطاقتك على عنوان تاني برضه يطلع عينك و تروح لهم 3 مرات بعد اسبوع و لسه ما طلعتش مع انها مستعجلة (75 جنيه حار و نار في جتتهم) يبقى مش اقل عثرة !!!
اطلع اديهم على دماغهم
بتوع البطاقة طبعا
وعلى فكرة بتوع المصلحة فى العباسية ناس محترمة جدا
ممكن تتصل بسكرتارية رئيس المصلحة تشتكى له
بس انا معرفكش
[quote=أ
و بعدين لو اتمسكت بدون رخصة بيصادروا الموتوسيكل ( و طبعا بيرجع لك من غير و لا عجل و لا بطارية و لا اي حاجة ..... شاسيه و موتور بس !) و بياخدوك يبيتوك في الحجز و يعرضوك عالنيابة .....
[/quote]
مش معني ان عندنا قانون يا ابو حميد انه بيطبق :)
والله يا عم لو من اسكندريه 500 جنيه كانت بقت في جيبك وهتروح تقعد في مكتب رئيس مباحث المرور والله
وبعدين مش في وسايط لو كان النيل صلصه مكنش كفي الكوسه اللي في بلدنا :)
شد كده يا ابو حميد متخليناش نقول انها كانت نزوه وان ازمه منتصف العمر جتلك بدري 10 سنين :)
انا مش متفق معاك فى هذا الموضوع مع انى متفق معاك فى موضيع تاني كتير يرجل انا ناوى على شهر 9 انزل بور سعيد واجيب حته
شادو زى ما انت قولت لى لاكن
انا بقولك لا مش ده الا عيخلينى ابيع الحته بتاتى وارجع لوجع الدماغ بتاع السواقه والزحمه يارجل ده انت
كفايه وقفت امام الحكومه الافى البيت مش عتعرف تمشى حالك فىالحكومه التانيه
مش احمد كمال الذى ينخ من الاول
يا راجل دا انت الوحيد بجد اللى نخور فى دماغى انى اجيب بايك وادخل العالم ده بتجربتك
انا عارف ان صعب عليك قوى ركنتها والواحد بيبقى هيفرقع ويستمتع بالحاجه بس معلش الله اعلم الخير فين فى الموضوع ده ويمكن التأخير ده فى مصلحه ليك
المهم بجد اوعى تبيع البايك دى علشان حرام تخسر فيها قبل ما تتمتع بيها وترجع فى يوم تقول ياريتنى كنت صبرت شويه
لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الا
مش ممكن مش معقول يا راجل قول كلام غير دا بعد التعب دا كله تقول هابيع
دا في ناس كتير زقزقت في دماغها حوار البايك ده بعد مشوارك مع البايك ... انا احتمال اعمل لحضرتك فيلم(انا و الشادو و محمد عبد الفتاح)
مينفعش تنخ
انا كنت هاقولك غير عنوانك بس لقيتك بتقول انك ماشي في الموضوع يبقي اصبر شويه علي البطاقه و ربنا يسهل
و علي راي الشاعر:
ابيع نفسي لأول مشتري اتي....ابيع مقهورا حبيباتي وبايكاتي
فليسقط المرور ولتنهار بطاقاتي....البايك بتاعتي و المأساة ماساتي
محمد عبد الفتاح في السجن
انا من الاول حسيت انه شمال
الله يحرقه
الحمد لله دلوقتي انا ارتاحت .......
تجديد حبس رئيس وحدة مرور الوايلي فى واقعة رشوة التراخيص - بوابة الأهرام
أخبارك.نت - تغطية: تجديد حبس رئيس وحدة مرور الوايلي فى واقعة رشوة التراخيص
انا شايف ان اختبار الرخصة سهل جدا لاى حد بيعرف يسوق , لكن لو انت مش قد كدة يبقى مستحيل,
بس كل الناس بتشوف الاختبار عامل ازاى و تحاول تتدرب علية , و فى الاغلب بتنجح من اول مرة , بس ان مشعارف اية المشكلة عندك بالظبط
أحمد باشا هو انت جبيت بيك تانى ؟