بسم الله الرحمن الرحيم
الحمد الله عملت اول الف ولسة مستني اعمل اول واهم صيانة ليها بس يارب اعرف اخد اجازة من الشغل
اولا العربية حسيت انها ممتازة عن عربيات كتير ركبتها رغم اني مش معجب اوي بلتقفيل الداخلي بس مميزات العربية بتغطي علي عيوبها ومن نحية الشكل الخارجي طبعا مش محتاج اتكلم كتير بيقولو غريب ومميز وقليل رغم ان البرلينس فيها شبهة . وحجم الشنطة مناسب جدا رغم ان كتير مكنوش متخيلين الحجم دة مع العربية دي .
نيجي بقا للمهم اداء العربية . في اول اسبوع كنت حاسس العربية مكتومة شوية دة غير اني مكنتش بحاول ارفع بعد rpm 3 . في نص الاسبوع الثاني وتقريبا بعد 700 كيلو بدائت احس ان العربية بتجري وتشد معيا بس بردو احيانا بتبقا مكتومة . حاليا حاسس باختلاف تام العربية بتشد كويس وحاسس بتغير ملحوظ في الاستجابة والاداء العام للعربية .
اكتر حاجة مخوفاني موضوع البنزين خايف ميتحسنش بس الي مطمني كلام الاعضاء هنا .
اغرب حاجة بقا الي تعليقات الي بسمعها علي العربية مثلا
اشمعنة دي يعني ( بس هتشرح لمين الناس الكيا والهيونداي وكلة دمغهم في الفئة السعرية دي )
اية دة دي مركتها اية بروتو (proto ) ومرة برتو (prto )ومرة بروتت (protot) والعربية الجن الهم ما احفظنا
بس كدة
وربنا يكفيني شرها ويرزقني خيرها
المفضلات