الي اصحاب الهوندا في المهندسين ووسط البلد

**nona4455** · 04-06-2010 05:43 PM

السلام عليكم اخواني في منتدي الهوندا هذه اول مشاره لي في المنتدي والسبب الذي دفعني للكتابه اولا شكر خاص للعضو المحترم ممدوح العربي لما افادني فيه بخصوص سيفك 90 حيث ان الميكانيكيا طلعو عيني الي لن دلني علي ميكانيكي دكتور في الهوندا هو السطي محمود وشريكه هيثم وورشتهو في الكتكات بجوار محل بخاري لقطع الغيار بصراحه الاسطي محمود رجل ذوق ومصنعيته رخيصه بالنسبه لغيره وعنده امانه في التعامل وش بتاع اشتغالات والاسطي هيثم عنده قطع غيار استيراد باسعار معقوله وبصراحه وفرو عليه مشوار للحرفين وده كله بفضل الراجل المحترم ممدوح العربي فهو لم يتاخر في الرد علي اي استفسار كما قام بزيارتي فله كل الشكر ولمن يريد عمل اي صيانه في الموتور او العفشه هذا تلفون محمود0116844681 فلهم جزيل الشكر

**Horsepower** · 05-06-2010 01:31 AM

شكرا جزبلا لك

**haythamkmal** · 06-06-2010 02:18 PM

انا كنت بتعامل معاهم زمان فى السيفيك ال 92 ، اسعارهم كويسة ومش وحشين، بس لازم تبقى واقف على اديهم عشان كل حاجة ترجع مكانها تانى ، لانهم من اصحاب نظرية ان فى حاجات كتير المصنع عاملها ملهاش لازمه فى العربية

**khaled_rafea** · 06-06-2010 09:22 PM

ميكانيكيه خونة

**nona4455** · 08-06-2010 11:26 AM

المشاركة الأصلية كتبت بواسطة khaled_rafea

ميكانيكيه خونة

السلام عليكم لااعلم السبب الزي دفعك لهذا الكلام ولكن انا اتكلم عن تجربتي الشخصيه وذلك للفائده العامه وشكرا

**khaled_rafea** · 08-06-2010 11:41 AM

و عليكم السلام و رحمة الله, يا أخى العزيز انا بتكلم عن الميكانيكية عموما, انك تكون واقف على دماغه علشان يشتغل بزمة و يرجع كل حاجه مكانها و لم اقصد نهائى الناس اللى حضرتك بتتكلم عليهم لأنى لم يسبق لى التعامل معاهم, انا كنت بهزر و استعنت بكلمة احمد بيه مظهر فى فيلم الايدى الناعمة ( خونة)

**nona4455** · 09-06-2010 12:04 PM

ولايهمك يا استاذ خالد وربنا يديم المعروف بين كافه الاعضاء واكرر شكري لممدوح العربي علي موقفه الكريم معي واشكر الاسطي محمود وكل اعضاء المنتدي

**Mamdoh Elarby** · 09-06-2010 12:42 PM

السلام عليكم و حمة الله و بركاته

لا شكر علي واجب يا باشا و الفضل كله من عند ربنا .

الواحد لما تبقي في حاجة في ايديه يساعد بيها استحالة ان هو يتاخر ابدا.
اتمني طبعا اسمع صوت حضرتك تاني و شوفك تاني علي خير ان شاء الله.

ملحوظة لازم تتعمل مع كل الصنايعية و اللي بيبيعوا قطع غيار ان الواحد لازم يفاصل لحد ميطلع عنيهم.