تجاربي مع بريدجستون (عباس العاد وعمارات العبور) ونصيحة هامة
أنا يمكن من أكتر الناس الي بتروح ترصص وتظبط زوايا لإن طريقى في تكسير كتير وبلبس حفر أكتر
لكن نيجي لأخر زيارة ليا لعباس العقاد رحتلهم عشان العربيه فيها حدفة بسيطة وبتعوم وعملت زوايا إستلمت العربيه مبتحدفش لكن بتعوم أكتر وعلى سرعات بسيطة ومع أي فرملة ومقدرتش أرجعلهم تاني يوم عشان الدراسة وكده وروحت النهارده لعمارات العبور قلت يمكن يكونوا أحسن وفعلا لقيتهم أحسن بمراحل أولا عمارات العبور جهازهم بيظبط زوايا قدام وورا لكن عباس العقاد قدام بس!!!
الفني بتاع عمارات العبور فاهم هو بيعمل إيه وإكتشف العيب عندي في ثواني إن العفشة سايبة وربطهالي في ثواني (وهو أوتوماتيك بيربط العفشة قبل ما يظبط) لكن للأسف بتاع عباس العقاد أخرة بيظبط ال toe وشكرا
فنصيحة الي يحب يروح يظبط زوايا يروح عمارات العبور أما الترصيص فالفرعين ممتازين
