#_#_# تقرير صيانة 30000 للبرسونا - ثبات - جمال - اناقة #_#_#
بسم الله الرحمن الرحيم
كما وعدتكم اخوانى واصدقائى :3_3_102[1]:
#_#_# تقرير صيانة 30000 للبرسونا - ثبات - جمال - اناقة #_#_# الحقيقة انا هتكلم عن نقاط مختصرة علشان نقدر نستفاد كلنا والنقاط كالتالى: 1- الثبات - الجمال - الاناقة http://media2.worldcarfans.com/2007/...817.002.1M.jpg بصراحة ماشاء الله رايح جى بيها كل يوم منحنيات وتسارع (عاقل)بدون رعونة فعلا ثبات رائع وتحكم فى القيادة راقى جدا بصراحة بور العربية بيخليك تتحكم فيها كويس جدا خصوصا على السرعات العالية ومبتحسش بالمنحنيات نهائياً شكرا بروتون ولوتس:satelite: طبعا جمال ايه واناقة ايه الكل بيسالنى عليها ايه دى دى بروتون دى بنسمع عنها انها جامدة من ايام الويرا والواجا والجين كمان 2-صيانة ال 30000 http://andygohyf.smugmug.com/photos/183895105-L.jpg كانت اجمل صيانة حتى الان تم تغير زيت وفلتر وتربيط عفشة وتيل فرامل امامى وكان عندى صوت تزييق من العفشة الامامية تم حله عن طريق تغيير كاوتش الميزان الامامى لانه هو الى كان بيعمل التزييق مش علبة الدركسيون ومع ذلك غيرولى العلبة علشان تختفى جميع الاصوات وكمان عملولها ضبط زوايا ناس محترمة جدا والحمد لله العربية بقت زى الفل وناعمة خالص شكراً جزيلا م.مصطفى و م.سيد م.بهاء م.محمد وطبعا حبيبى م. امر الكوافى 3-ملاحظات هامة جدا لصيانة سيارتك انا عملتها يا ريت تعملها http://www.brisbaneproton.com.au/ima...terior%201.jpg - طبعا اهتم بالصيانة الدورية فى التوكيل وحافظ على عربيتك وحافظ على حقك فى الضمان - اهتم بتغيير ماء الريداتير اول متلاقى الماء عليه شبه جلفنة املاح -اهتم بعمل روتيت للكاوتش عند كل 20000 كيلو وده موصى بيه فى الكتالوج للمحافظة على عمر الكاوتش واداء افضل على الطريق مع الفرامل -اهتم بعمل ضبط زوايا كل 3 شهور حتى لو مفيهاش زوايا دى بيخليك دائماً عينيك على عربيتك ومتابعها وبرديجستون ناس محترمة وبيظبطوها كويس جدا وده عن تجربة -اهتم بضغط الهواء داخل الاطارات بيفرق كثير فى عم الكاوتش وسحب واداء العربية وايضا استهلاك البنزين -اهتم بوضع بنزين 92 او 95 ان امكن ومتضرش عربيتك وحاول تحط منظف رشاشات مرة كل 40000 او حسب الحاجة ، متقلقش من استهلاك البنزين ، البنزين بينظبط جدا بعد 10000 كيلو وبيوصل أن كل 25 لتر بيعملوه 350 كيلو متر وده استهلاك معتدل وجميل وطبعا بدون حرق وده من وجه نظرى انه مناسب جدا لفئة ال1600 سى سى -اهتم بنظافة وجمال واناقة عربيتك ولمع التابلوه ومتبخلش على الموتور بغسلة فوم تنوره وتبعد التراب الكثير عنه وان شاء الله تفضل عربيتك جميلة علطول وانا بأكد للجميع ان البيرسونا بالفعل سيارة تستحق الاحترام
طولت عليكم وجزاكم الله خيراً لمتابعتكم تقريرى