برجاء المساعدة في قرار الشراء يا رجالة كيا

**karemof** · 04-06-2010 08:52 PM

السلام عليكم يا رجالة قسم الكيا .
دي ثالث مرة أكتب الموضوع دة النهاردة في أقسام المنتدى الأخرى لكن يهمني رأي رجالة الكيا الجامدين قوي
أنا كان معايا فولفو موديل 82 ولسة بايعها قريب.
و محتار بين 3 عربيات مختلفة التيدا والفلوانس والكارينز الهاي لاين, أنا عارف ان الكارينز فئة مختلفة شوية بس المقارنة أساسا حتكون بين الماركات وبعدين مميزات وعيوب كل عربية.
أنا يمكن ميال بالترتيب للفلوانس وبعدين الكارينز وفي النهاية التيدا, يمكن معنديش معلومات كافية عن العربيات الرينو فمحتاج مساعدتكم في اتخاذ القرار الأقرب للصحة مع جزيل الشكر.
وعندي بعض الأسئلة المبدئية:
- هل توكيل الرينو جيد بالمقارنة بالعربيات الأخرى
- هل الرينو تعتير الأغلى في قطع الغيار
- هل الرينو أقلهم من حيث سعر إعادة البيع
- هل الرينو أعقد في التكنولوجيا و ده كان سبب سمعة الميجان
- هل الأفضل في الثبات هي الرينو
- أيهم اقتصادي أكتر من ناحية أستهلاك البنزين و قطع الغيار
دي يمكن الحاجات اللي فكرت فيها, وآسف على الإطالة بس بجد محتار

**shod90** · 04-06-2010 09:06 PM

بلا شك الفلوينس قطع غيارها غالية اوى اوى ... و كمان سعر اعادة البيع وحش جدا ... و يمكن استهلاك البنزين عالى شوية و الله اعلم .. من رائ خليك فى الكارينز او شوف السيراتو عربية جميلة جدا بردو :) .. و بالتوفيق انشاء الله :)

**m_s_h_a** · 04-06-2010 09:39 PM

1 الرينو نفس توكيل كيا من حيث التوكيل والاداره فى مصر فهنا التوكيل واحد وهو اميز من نيسان بمراحل
2 الرينو طبعا اكثر تعقيدا عموما واعادة بيعها سيئه جداااااا واصعب
3 قطع الغيار التلاته فى رائى متقاربين
4 الاستهلاك متقارب
5 الثبات طبعا الكارينز شريطة توافر كافة وسائل الامان الكارينز هى الافضل
فى كل الاتجاهات مع الفرق فى التصنيف وولكن هى اكثر مناسبة للعائله بدون نقاش وعموما عليك بالاستخاره

**karemof** · 05-06-2010 05:52 AM

ربنا يجازيكو خيرا للردود
برجاء إضافة ردود أخرى لمعرفة اراء شريحة أكبر من أعضاء المنتدى

**mrsailor** · 05-06-2010 09:15 AM

المشاركة الأصلية كتبت بواسطة karemof

ربنا يجازيكو خيرا للردود
برجاء إضافة ردود أخرى لمعرفة اراء شريحة أكبر من أعضاء المنتدى

كارينز كارينز كارينز .. عربية من الاخر

**bona** · 05-06-2010 09:33 AM

نصيحة اخوية ابعد عن الكارينز . . علي 80 و شوية هوا علي الطريق هتلعب احلي لعب . . . الرينو سمعتها معروفة و ممتازة بس معرفش حاجة عنها . . . التيدا دي لعبتي . . يمكن تكون مفيهاش شوية دلع زي الرينو بس اقدر اقولك صيانة سهلة عيوب قليلة او مفيش . . صالون رائع . . راحة ف السواقة . . . قطع الغيار . . اغلاهم الرينو طبعن . و كمان قليلة جدن . . شوف ا لفلونس بردو . . بس هقولك حاجة لو جبت التيدا مش هتفكر تندم ابدن