-
بجد زعلان
السلام عليكم ورحمه الله وبركاته
انا من حوالي اسبوع سالت سؤال عن مشكله معايه في لانسر شارك الجديده وقلت ان عندي مشكله وانا بسوق في الزحمه في وسط البلد بحس ان العربيه في وسط البلد مخنوقه كده لاني لما بمشي بيها وتكون على النقله التانيه وارفع رجلي من على البنزين علشان تمشي لوحدها الاقيها مشيت شويه وبدات تهدي لوحدها كانها خدت غيار اقل بس بتمشي لوحدها بس تقيله كده مش حركه سريعه وبردوه انا نازل من على مطلع الكبري لو سبتها من غير مادوس فرامل وهيه نازله تاخد غيار اقل كاني عشقتها طبعا مشكلتي ان العربيه لما بكون ماشي في وسط البلد وكون رافع رجلي من على البنزين ودوس سنه فرامل خفيفه واسيب اجي ادوس بنزين تاخد العربيه شهقه وتاخد الاولاني تاني بس لما بمشي على طريق سريع العزم ممتاز الكيك داون ممتاز تسارع رهيب مفيش اي مشكله النقل سلس وزي الفل بس مشكلتي جوه البلد الزيت بتاع الفتيس جديد ونضيف مش محروق ولا فيه ريحه شياط ولا في نتش ولا تخبيط العربيه بالضبط عامله 39 الف كيلو موديل 2008 بحاله الزيرو على فكره وديتها لميكانيكي وجربها بس على الطريق السريع قالي العربيه زي الفل مفيهاش حاجه ومجربها في الزحمه علشان يعرف مشكلتي ارجو من اي حد يعرف ايه السبب يجاوبني
-
كل اللى انت قلته مافيهوش اى مشكله و طبيعى جدا.............من غير المنطقى ان العربيه تبقه بطيئة جدا فى زحمه و كمبيوتر الفتيس يسيبها على التانى.......لازم طبعا يديها الأولانى لأن هى ده النسبه المناسبه لسرعتك ساعتها و طبيعى جدا انك لو على منزل ان العربيه تاخد غيار أقل و ده امكانية مقصوده فى الفتيس لعمل فرملة بالجير بوكس على المنازل فى حالة انك بتخف رجلك من على البنزين.
لو حضرتك خبير فى سواقة المانيوال هتعرف ان الفتيس كده بيتصرف صح.
-
كلامك عن العربيه طبيعى جدا ومافيهاش اى مشاكل
ولا زعل ولا حاجه
-
ممكن تكون محتاج تغيير زيت الفتيس ) يتم تغيير زيت الفتيس الاتوماتيك فى لانسر كل 40 الف كم ,
-
هو حضرتك اول مرره تسوق اوتوماتيك؟؟
Content Relevant URLs by
vBSEO 3.6.0 PL2