عرض للطباعة
شباب نايل موتورز
أرجو الافادة... انا محتار بين التلاته دول
ال FRV صينى ... بس 1600... و مسمعتش عنها حاجة وحشه.. و شكلها عاجبنى اوىىىى
و السيريون صغيرة... و شكلها من برة مش قد كده... بس موفرة اوى فى البنزين حسب ما اسمع
ال Gen2 بقى ... تحفة.. بس حريقه بنزين حسب ما اسمع بردو
مشكورين جميعا
تم النقل للمقارنات
ب7
انا واحد صاحبى معاه frv عامل بيها 52 الف كيلو والعربية مشاء الله عليها جميلة جدا وحمارة شغل سيبك من الى يقولك صينى
احكم على العربة نفسها ثبات جودة خامات وتقفيل امان وشكل وتوكيل وأظن كل حاجة فى اللى قلتو كويسة بالنسبة للfrv
انا عن نفسى ناوى اجيب fsv ان شاء الله
وعلى فكرة نازل عرض على كل عربيات بريلليانس فى معرض اتوماك انا بحاول ادبر بقيت الفلوس و ألحق المعرض ان شاء الله
الجين 2 افضلهم بكتير ........
و هيا مش حريقة ولا حاجة زي اي 1600 بس مع الحرق الاستهلاك بيزيد :)
أستاذ مغربى يا ريت توضح لنا أفضل فى ايهاقتباس:
المشاركة الأصلية كتبت بواسطة dr.almaghraby
اقتباس:
المشاركة الأصلية كتبت بواسطة wehdo
حضرتك تقريبا عايز عربيه فيها كل حاجه وده مستحييل
شوف انت عايز ايه من العربيه واختار :11:
بالمناسبه ال frv مع واحد صحبي برده وتقريبا وبقيت مخلعه من بعضها دلوقتي
استاذ محمد عادل
صباح الفل
انا معايا البرسونا " و هيا تعتبر نفس العربية "
العربية جميلة جدا الحمد لله و مريحاني جدا و مفيش ولا حاجة ظهرت معايا
ثبات - امان - قوة موتور - شياكة - تميز - حمالة اسية جدا
علي فكرة ال frv جميلة اوي برده بس انا شايف الجين 2 احلي واضمن لانها صناعة ماليزي و بتعاون مع لوتس زي ماهوا معروف .....
التقفيل تقريبا نفس المستوي
التوكيل ......... اكيد البافارية احلي بكتير من عز العرب....
دا رايي :))
و انا بصراحة شايف ان الجين 2 دي عربية منتهي الجمال " حتي مع عزالعرب الي خاسف بيها الارض "
صباح الخير يا استاذ مغربى ولو تسمحلى نتناقش حبتين طبعا بعد اذنك يا جميلاقتباس:
المشاركة الأصلية كتبت بواسطة DR.almaghraby
البيرسونا عربية جميلة فعلا و الجين 2 كمان بس انا شايف الفرق بينها وبين ال fsv&frv بلد الصنع وخد بالك البريلليانس بتتعاون معا تويوتا وميتسوبيشى فى المواتير وبورش فى العفشة وتصنع تحت مظلة BMW اللى ظالم البريلليانس وتخلى الناس تستبعدها سعرها الغالى شوية بس انت بتاخد بيهوم عربية تستحق السعر دا وكمان خدمة كويسة فى التوكيل
انا واحد صاحبى جابها اول ما نزلت من سنة ونص كان فيها مشكلة غيرولو العربية تانى يوم
و بالنسبة للأستاذ bmya لو صاحبك بيعمل للعربية الصيانة الدورية بتعتها أكيد هتتظبت معاه
العربية دى مع 2 اصحابى واحد فيهوم اتعلم فيها السواقة لو أقولك بيعاملها ازاى موش هتصدق والتانى كان راكب قبليها لانسر بومة 2008 والله قالى ركوبتها وكفائتها أحسن من اللانسر
استيبل هاااااااااااييييييييييييي يييل و من هنا للصبح دا مرة قالى هوريك العربية دى استيبل ازاى وخد غرزة على 180 صد رد فى نفس الحارة وكان ممكن العربية تقفل 200 مرتاح
مشكلة البريلليانس ان الناس فكراها زى المنتجات الصينى ام 2 جنيه ونص
نفسى الناس قبل ما تقول دى صينى ابعد عنها تجربها وتسوقها حتى
و أتمنى فى النهاية الخلاف فى الرأى لا يفسد للود قضية
++++++++ Gen 2
أنا متفق معاك في أن السعر عالي بالنسبة لعربية لسه الناس مش عارفاها كويساقتباس:
اللى ظالم البريلليانس وتخلى الناس تستبعدها سعرها الغالى شوية بس انت بتاخد بيهوم عربية تستحق السعر دا وكمان خدمة كويسة فى التوكيل
المفروض العكس زي ما العربيات الكوري نزلت في الاول بأسعار رخيصة و تسهيلات في السداد علشان تقدر تنتشر و تنافس العربيات اللي كانت موجودة في الوقت ده و معظمها كانت أوروبي و ياباني , لكن اللي بيحصل دلوقتي ..... للأسف مهزلة و قلب للأوضاع
و تقبلوا تحياتي
م/ سمير الشهاوي
أنا شايف إن الجين تو تكسب إلا لو كانت السيريون 1500 سى سى .... يبقى كده أنا شايف إن السيريون تبقى هايلة (مع مراعاة إن حجم الشنطة أكبر فى الجين تو) .... بس كل الكلام ده هيفرق فرق السما من الأرض حسب إحتياجاتك للعربية
بص يابااشا من الواضح ان حضرتك حابب العربيه عشان كده شايفها ز ي الفل وده الطبيعياقتباس:
المشاركة الأصلية كتبت بواسطة hmatchy
صحبي بيعملها صيانه في التوكيل والعربيه تقريبا محتاجه عفشجي معاك في الشنطه عشان يربطلك العفشه كل يومين
على فكره ان اي حد بيتكلم في الصيني بقوله ان انضف الصيني في مصر هي بريليانس مختلفانش
لكن سعرها كتيييييير جداا عليهااااا على ايه معرفش دي ماركه مبقالهاش 4 سنين في مصر ونازله غاليه كده ليه يعني
حاجه كمان هو عمرك شوفت عربيه لانسر بومه تعبانه ولا تويوتا كرولا كبالنها بتطق طق
انا شوفت بريليانس بتطقطق ايووون حصصصل
وكانت بريليانس جالينا كمان يعني الكبيره بتاعتهم والله شايفها بنفسي مش سامع من حد
عارف انت يعني ايه عربيه جديده وكبالن تطقطق
وعلى فكره برده والله شايفها في اسبرانزا 516 وبرده كبالنها كانت بتطقطق
وارجع وافقول لصاحب الموضوع ياباشا شوف اولوياتك اييييه
عايز ثبات جامد وشكل رياضي شديد خليك في الجين تو
عايز شكل معقول واداء كويس بس وهاتش بالك بس انت وحظك يبقى خليك في الfrv
بالمناسبه السيريون مظلومه بين الاتنين دول لانها 1300 سي سي
بالاضافه الى ان صاحب الموضو حاسس انه مش ميال لها عشان كده اناا متكلمتش عليها
يعني مش معنى ان ان معايا السيريون لازم ادخل اقوله اه السيريون احسن منهم وعربيه كفاءه وبجيب 170 على التالت وباخود غرز وبمشي على الحيييط بها
انا عندي frv و عاملة 39,000 كم و علي فكرة العربية دفعة 2.
رأي انها عربية ممتازة علي سعرها.
مميزات العربية:ثبات غير طبيعي, موتور ممتاز و استهلاك بنزين ممتاز و فرامل و تكييف جيد جدا.
عيوبها: عفشة ناشفة شوية و التكييف بيأخذ وقت علي بال ما يأثر في العربية.
مشاكل الي في عربيتي: اصوات طقطقة خفيفة من باب السواق و الشنطة مع المطبات و صوت خبطة في الدريكسيون مع المطبات الحادة اثناء الملفات بس الي انا عارفة ان العيب التاني دة في الدفعات 1,2 فقط .
الحاجة الكويسة ان العربية من ساعت ما جبتها متغيرتش يعني مفيش مشاكل ظهرت مع الاستعمال غير مرة واحد السنتر بطل يفتح اوتوماتيك لما ابطل الموتور و التوكيل صلحة علي طول.
طبعا انا بتكلم عن الاداء و تجربتي مع العربية بس علشان موضوع الوسع و جودة الخامات و الشكل دة حسب كل واحد يعني الموضوع نسبي.
من الاخر رأي frv و gen2 الاثنين حلوين و حسب انت حابب انهي اكثر.
بجد متشكر جداااا يا شباب... انا لحد دلوقتى... اسبعدت السيريون.. انا برضو ماكنتش مرتاحلها اوى .. دلوقتى يا frv يا gen 2
,و شكلها كدا gen2
بالنسبه لأحتاجى للعربيه... انا بتحرك 90% من الوقت لوحدى... و مش بسافر كتير.. و شغلى فى التجمع..
بصراحه.. لولا اللى سمعتو عن ال gen2 انها حريقه بنزين... كان زمانى خللصت ...
بس معلش... ما خاب من استشار :)
و بجد متشكر ليكو اوى
فاضل بس انى اقولك على حاجة فى الجين ان مكونات الصالون خصوصا التبلوة ضعيفة جدا بعيد عن ان شكل الطبلوة مش حلو و دا كلام من قريبى و هو بيعشق البروتون و كان هيجيب جين و فى الاهر جاب واجا و قالى على العيب دة فى البروتون الجين تو
[frame="1 80"]
على فكرة انا معايا سيريون 1500 سى سى اوتو تحفة طلقة و ناعمة جدا واستهلاك بنزين اقتصادى جدا .خامات الصالون شيك. بس الشنطة صغيرة و دى تتوقف حسب احتياجات الاستخدام
[/frame]
اقتباس:
المشاركة الأصلية كتبت بواسطة wehdo
انا معايا جين , والصراحه استهلاكها عادى جدا ... حسب سواقتك لو ماشيك هادى الاستهلاك هيكون كويس جدا , هتحرق الاستهلاك هيعلى
انما فى المجمل استهلاكها طبيعى جدا
وانا تحت امرك فى اى استفســار يخص الــ Gen2
وربنا يوفقك للاختيــار الخير -ان شاء الله-
تحيــــــــــــاتـــــــىhttp://i122.photobucket.com/albums/o.../th_eclown.gif
لو شغلك في التجمع يبقي جيب جين2 بلا جدال لانها ممتازه في استهلاك البنزين معايا في الطرق الفاضيه الي مش زحمهاقتباس:
المشاركة الأصلية كتبت بواسطة wehdo
انا طريقي من 6 اكتوبر للقريه الذكيه بتاع 60 كيلو رايح جاي يوميا و عندي يوم بنزل المعادي و يوم بنزل مدينه نصر و متوسط الاستهلاك عندي 11 كيلو للتر بالتكييف كمان
بحد مش هتندم
يا عم شريف خلي بالك, وبلاش جري...:Y_hi_3[1]:اقتباس:
المشاركة الأصلية كتبت بواسطة bmya
صحيح يا شريف أعلى غرزة اختها على سرعة كام؟؟؟ علشان كنت باجادل مع واحد صاحبي و اثبتله كلامي..
بص يا باشا
انا معايا جين 2 2008
ولا حريقه بنزين ولا الكلام ده نهائيا
مع العلم ان عربيتي اوتوماتيك كمان
وكله معتمد علي ضغطك علي البنزين او بمعني اصح الشد
كل ما تضغط علي البنزين كل ما تحرق اكتر
انما انت لو ماشي عادي
انسي البنزين ده خالص بالعكس دي موفره لانها بنظام الانجكشن
انا بفكر ابيع عربيتي الجين 2 لسبب واحد اني عايز اجدد واجيب السيراتو كوبيه
وهيعز عليا جدا جدا جدا اني ابيعها لان مفيهاش اي حاجه نهائيا الحمدلله وعامل بيها 30 الف كيلو بدون اي مشاكل بفضل الله
وربنا يوفقك وتوكل علي الله وهات الجين 2
وبالنسبه للتوكيل بتاعها فاهو افضل من توكيلات تانيه كتير والتعامل بتعاهم كويس هو المشكله بس انهم احيانا لو عندهم ضغط شغل
ممكن يتأخروا شويه لو حاجه هتتعمل عندك في العربيه كبيره
غير كده الحاجات بتخلص بسرعه وكله ماشي بالدور برضه
وربنا يوفقك :)
Gen.2 أفضل.
+++++++++++++++++++++++:S_thum1[1]:اقتباس:
المشاركة الأصلية كتبت بواسطة DR.almaghraby
ماتشوف فيات ايفو الجديده
عربيه روعه
Proton Gen 2
معنا كدة انها بتستهلك 9 لتر لكل 100 كيلو و اسمحلى دا معدل عالى جدا لو قارنتها بال FRV اللى بتستهلك 6 لتر لكل 100 كيلو(1600cc) وطبعا على كلامك دا استهلاك على طريق سفر وكدة هيا فعلا غول بنزين لكن لو دا استهلاك المدينة هتبقى معقولةاقتباس:
المشاركة الأصلية كتبت بواسطة Ahmed.Ali
بروتون جين 2
باشا
الجين تو موتور 110 حصان اقوى من الاتنين التانيين
الجين تو عفشه تصميم لوتس رياضيه ثباتها خرافى بشهادة الجميع
الجين تو كمالياتها كتيييييير و فيها وسائل امان حقيقيه
الجين تو اثبتت انها عربيه محترمه خلال 5 سنوات
قطع غيار الجين تو ارخص من الاتنين
اعادة بيع الجين تو افضل من الاتنين
الاداء كتسارع وثبات مافيش مقارنه لصالح الجين تو
وانصحك تجرب قيادى التلاته قبل قرار الشراء
FRV 1600cc استهلاكها 6 لتر لكل 100 كيلو مستحيل عمليا و نظريااقتباس:
المشاركة الأصلية كتبت بواسطة Hmatchy
9 لتر لكل 100 كيلو مع التكييف و الحرق علي الغيارات مش استهلاك سفر نهائي
بس هوا غول بنزين بالنسبالك يبقي معدل الاستهلاك كام بالظبط
لو عاوز اقل من 9 لتر يبقي عليك و علي السيريون 1300 مفيش امتع من كدا
اعتقد 9 لتر لكل 100 كماقتباس:
المشاركة الأصلية كتبت بواسطة ahmed.ali
يعنى حوالى 220 كم فى الصفيحه (20 لتر) مع الحرق والجرى والتكييف 10/10
وانا عربيتى مع الحرق احيانا الاستهلاك 7.3 لتر لكل 100 كم يعنى الصفيحه بتعمل حوالى 275 كم
وده مع موتور 1600 كامتين 16 صباب وكمان عربيه وزنها تقيل استهلاك اكتر من مثالى
:S_thum1[1]:اقتباس:
المشاركة الأصلية كتبت بواسطة ahmadelsaeed
طيب بالنسبة لموضوع البنزين انا هقول تجربة ليا ب FRV 1600cc و انتو شوفو و احكموا
كان معايا صاحبى فولناها من بنزينة موبيل الشيراتون وخدنا الدائرى الشرقى من طريق السويس لحد اسكندرية الصحراوى وسافرنا اسكندرية ولفينا هناك مع الحرق و التكيف وخدنا نفس الطريق ورجعنا وبردو الدائرى لحد موقف العاشر وروحنا فى الف مسكن وكان فاضل فى التانك مابين الربع و التلت تقريبا فى اليوم دا العربية عملت 550 كيلو بالظبت يعنى العربية استهلكت من 33 الى37 لتر فى 550 كيلو شوفو انتوا بقى دا كدة عالى ولا قليل و اتمنى محدش يزعل منى و انا وسطيكو كدة علشان انا حاسس انى عامل زى الاهلاوى اللى بيشجع الاهلى وسط مدرجات الزمالك
السلام عليكم
هو الموضوع حامي كدا ليه يا شباب
الموضوع بسيط جدا إن شاء الله .
كل العربيات كويسة و بتكون حسب أحتياجات كل واحد ....
طبعا صاحب الموضوع شكله أستبعد السيريون من المقارنة .... ( بس برضه هي عربية حلوة حسب أحتياج اللي ناوي يشتري )
تعالوا نتكلم عن العربيات الجين 2 و الأف أر في ...
الأف أر في .... عربية شكلا كويسة و مضمونا عليها عليها كتير ..... ناس بتشكر فيها و ناس بتذم فيها ...... و مش مفيش أستقرار في الر
الرأي .... و طبعا منقدرش نعطي رأي نهائي على العربية الا من الناس اللي راكباها فعلا و جربتها لمدة .
عيوب العربية الأساسية
أنها صيني ( علشان سمعة الصين في الصناعة ) .
غالية على أنها صيني و جديدة في السوق .
طبعا سعر اعادة بيع ضايع ........
توافر قطع الغيار محتاج تأكيد من أصحابها .
نيجي للجين 2
العربية أتجربت لمدة طويلة ,,,,, تعتبر أفضل قيمة مقابل المال .
هاتكلم عن العيوب علشان أكيد المميزات معروفة للجميع و طبعا الأخوة قبلي أتكلموا عن المميزات .
قطع غيار مش رخيصة .... موجودة و لكن توافرها عادي لأن اللي بيشتغل في قطع غيار بروتون مش كتير .
سعر اعادة بيع متوسط ...... يعني مثلا موديلات 2007 و 2008 بتتباع في معدل 55 إلى 65 ألف جنيه .
ملحوظة بقى مهمة على العربية أتقالت في الكلام اللي فات .
أستهلاك البنزين ......... العربية أستهلاكها عادي جدا زي أي عربية 1600 .... مع الحرق و الشد ..هاتستهلك مع السواقة الهادية هاتوفر
الأستهلاك الرسمي في الكتالوج ... هو 6 لتر لكل 100 كم مع ثبات السرعة على 90 كم - س .
النقطة التانية .
خامات العربية الداخلية البلاستيك .
خاماتها زي أغلب خامات العربيات اللي في ثمنها ......
لا هي خامات سيئة و لا خامات واو .....
التابلوه من أجمل تابلوهات العربيات اللي موجودة في السوق و أجمل من عربيات أغلى منها .
على فكرة تابلوه و خامات الواجا ........ تقريبا نفس الخامات ( تعليقا على نقطة ذكرت من قبل )
في النهاية
أف أر في ...... عربية حلوة و لكن فيها مخاطرة ..... ( محتاج تراجع على كل شئ مع أصحابها للتأكد )
الجين 2 عربية حلوة و مخاطرتها أقل علشان متجربة أكتر ثمنها فيها أكتر .
احييك علي الحياديهاقتباس:
المشاركة الأصلية كتبت بواسطة tutankhamoun
بروتون جن2 بلا منازع
هوا ده القول الفصل...اقتباس:
المشاركة الأصلية كتبت بواسطة tutankhamoun
و بجد متشكر اوىىىى لكل من شارك بالرأى ..
انا كنت ناوى عالجين2 بس بصراحة بأسعار البريليانس الجديدة تكسب
انا حجزت fsv اوتو فول اوبشنز ب 82000 يعنى وفرت 10 الاف وجبت عربية محترمة جداً وشكلها احسن فى نظرى
ولك حرية الاختيار واسأل اكتر اصحابها فى القسمين
السيريون افضلهم بكل المقاييس
السلام عليكم
فى الحقيقه المقارنه محترمه والمفروض انت تسمع من اصحاب العربيات وبعدين انت الى تقرر فى الاخر حسب الاحتياجات مثلا هتبيع قريب مش هتبيع الوسع الداخلى البنزين الميزانيه هتسمح ولا لا قطع الغيار التوكيل فيين بعيد قريب كده... طبعا بعد الاستخاره وياريت تركب وتجرب وتشوف موضوع الوسع يعنى المهم
انا معايه جين 2 2007 مانيوال العربيه ممتازه جدا ثبات وموتور قوى وشكل داخلى وخارجي والمفاجئه وقطع غيار رخيصه بره التوكيل يعنى على سبيل المثال انا لسه مغير جوز مساعدين خلفى الماني وحط تحت الماني خط ب 450 جنيه وسئلت على الامامي كان تقريبا ب 575 وده واحد محترم جدا بتاع قطع غيار جين فى شارق دمشق بمصر الجديده ..........ممكن تكلمو تسئل على شويه حاجات... يعنى هي عربيه ممتازه جدا وانا بحب عربيتى جدا والحمد لله
بس بالنسبالى هي فيها 3 عيوب
1-بتاكل بنزين وفعلا معدل حوالى 200 كيلو فى الصفيحه يعنى من 9.5 الى 10.5 لتر كل 100 كيلو وده طبعا معدل عالى ده اعلى من عربيات اكبر منها كمان انا جربت عربيات كتير جدا وده بصراحه معدل عالى عامل زي ال 1800
2-للاسف الشديد بالرغم من ان الكراسى شكلها تحفه فنيه وبتتحرك فوق وتحت وبتاع الا انها مش مريحه بالمره فى المسافات الطويله يعني زى مايكون الكرسى متصمم غلط للظهر وكتير اوي ناس تبقى راكبه (اخر مره سفريه لبورسعيد)معايه تقولى العربيه اعدتها مش مريحه بس مع المسافات تتلاحظ اكتر
3-سعر اعادة البيع وحش طبعا جدا العربيه ممكن تنزل حوالى 20 او 25 الف كمان بعد سنتين تلاته
بالنسبالى عيوب بسيطه بس موضوع الراحعه ده الى مضايقنى شويه وده طبعا راى انا الشخصى والله اعلم
فى اتنين اعرفهم معاهم frv بيشكرو فى العربيه جدا وفى التوكيل بس بيقولوا قطع الغيار غاليه حبتين وممكن ترجع للمنتدي الصينى وتشوف اسعار قطع الغيار
انا بصراحه لو بفكر في الرنج ده هختار مابين ال جين 2 والنيو اكسنت سبورت وربنا يوفق