جرب بنفسك السيراتو وسيبك من الاشاعات
يا جماعه انا بجد مستغرب ايه كلام الناس على السيراو ده
اللى يقولك مش ثابته
واللى يقولك عفشتها وحشه وناشفه
طب ازاى ناشفه ومش ثابته !!! لا يمكن طبعا
واللى يقول خاماتها مش عارف ايه مع ان ماشوفناش تابلوه شقق مثلا من حد والتابلوه جزء كبير منه طرى وتصميمه جميل
طب ليه كده طيب
انا جربت العربيه بنفسى
ثبات العربيه جيد جدا
يعنى معاك لحد 160 فى امان كامل وتقدر تاخد غرز براحتك جدا
وفى رأيى اثبت من الالنترا والاوبترا مثلا
العفشه :
ناشفه لكن مش ناشفه زى اللانوس والشاهين واللادا وكده
لا طبعا العفشه ناشفه شويه وماسكه نفسها جدا وتحس بقوة تحملها ومافيش اى اصوات غريبه وده ليه نتيجه عكسيه على الثبات
يعنى عفشه ناشفه = ثبات جيد
الموتور :
هو نفسه اللى راكب فى الكيا سول والكيا كارينز تخيلو بئا على السيراتو ممكن يعمل ايه
ده 124 حصان يا جماعه يعنى موتور بينافس بارقامه افضل محركات فى العالم
وصوته هادى وتسارعه ممتاز مقارنة بوزن العربيه الكبير
بجد يا جماعه العربيه دى تستحق الانتشار الرهيب ده ولازم تنتشر اكتر (لو مافيهاش مشاكل مع الزمن)
وربنا يباركلكو فيها وليا شرف تجربتها طبعا
ارجو من اى حد مايفتيش ويجرب بنفسه ويحكم
وشكرا