الموضوع: بكل صراحه : حد زعلان منى ومن مشاركاتى ؟؟ وليه؟؟

المشاركة الأصلية كتبت بواسطة ringoo

و ازاى الموضوع يعدى من غير تلقيح كلام ... برافو عليك مشاركة ممتازة اد ايه هادفة ومفيدة

بالمناسبة، هو ده كلام حقيقي ولا بجد؟

متشغلش بالك يا حج محمد ......... الموضوع الى حصل معاك ده بيحصل فى اقسام كتير وده بسبب تحمس الناس الشديد لبعض العربيات وبيحسسوني انها تقربلهم ........ انت قول الى عايز تقوله والناس تقول الى عايزه تقوله والى داخل يقرأ مش غبي ولا عبيط وهيعرف يفرق بين المتعصب للسياره على الفاضي والى كاره السياره فا بيطلع فيها اى عيب والى بيقول رايه بما يرضى الله سواء بالسلب او الايجاب ........ وصدقنى الكلام ده واصح والكلام ده واصح بس كل واحد بيشوف من وجهة نظره وعلى القارئ ان يقرر اله الى اقتنع بيه .....

وده حصل كتير معايا هنا في المتتدى وفى منتديات تانيه بس الواحد الحمد لله ربنا بيسترها معاه

ومتزعلش نفسك وانت شخصيه محترمه على فكره وانا متابع كل مشاركاتك

المشاركة الأصلية كتبت بواسطة momopersona

فى الفتره الاخيره واجهتنى بعض المشاكل فى سيارتى
ومن متابعتى للمنتدى لاحظت تكرار نفس المشاكل مع بعض الاعضاء الاخرين

وكان رد فعلى الطبيعى هو نصح بقية الاعضاء واعلامهم بمشاكل السياره قبل شراءها (التى واجهت اكثر من عضو)
لانى لا يهمنى مبيعاتها ولا انتشارها بقدر اهتمامى بمصلحة الناس

تصدق فعلاً أنا كدة إحترمت حضرتك قوي قوي علشان حضرتك أول عضو أشوفه مش متعصب تعصب أعمى لعربيته و لا كأنها من عشيرته أو من أهل بيته... ربنا يهديهم..
سعيد إني عرفت حضرتك..
في رعاية الله...

محمد باشا بصراحة أنا مكنتش ناوى أدخل فى مناقشة من أى نوع مع أى حد ، لكن احتراما ليك ولشجاعتك الادبية أنا هاوضحلك وجهة نظرى


أختلاف الاراء لا يفسد للود قضية.....وانا عن نفسى لا أكن ليك إلا كل إحترام ومحبة

وأرجو انك لاتعتقد أبدا انى لو اختلفت معاك فى الرأى انى بكرهك او مضايق منك...بالعكس انت انسان محترم جدا وخلوق

وأنا أحيى فيك شجاعتك الادبية لأنى شوفتك أكتر من مرة بتعتذر لو حسيت انك أخطأت فى حق حد...ودى حاجة كويسة مش موجودة عند كل الناس

وانا برده محبكش تبقى زعلان منى فحاجة لو كنت ضايقتك

احنا فى الاول والاخر هنا علشان نساعد بعض مش علشان نهاهجم بعض...,

وأنا شايف والحمدلله ان معظم الاعضاء اللى شاركوا بيتكلمو عن احترام الاخر وان اختلاف الاراء لايفسد للود قضية ...وتقبل الاختلافات , والمناقشة بموضوعية بعيدا عن التعصب ....

فأرجوا اننا جميعا نبتدى نتطبق الكلام ده عمليا ومبيقاش كلام مكتوب وخلاص.....

أحيك على المشاركة الجميلة وأتمنى انك متكونش زعلان منى فحاجة.....وزى ماقلتلك ...مش معنى انى مختلف معاك فى طريقة تعبيرك عن مشاكلك إنى مضايق منك أو حاجة.....لكنك حر فى ان تعبر عنها كيفما تشاء طالما لا تضر أحد أخر....

أختلافاتنا فى الرأى نابعة من اختلاف التجارب اللى بنمر بيها كلنا ....وده شئ طبيعى

أنا مختلف معاك فى ايه بقى....حاجة صغيرة جدا........أقولك

طريقة عرض المشكلة.....فقط لاغير.....بمعنى....انى أفكر فى الكلمة قبل ماكتبها وأشوف تأثيرها ايه على اللى بيقراها....مش أكتر من كده....شوفت حاجة صغيرة جدا.....عمرى ما أفكر انى أضايق منك أو أكرهك بسببها

وفى النهاية أرجو ان احنا كلنا نستجيب لدعوة أيمن ان القسم يرجع تانى للمشاركات المفيدة والحوار البناء والتعبير عن أراء مالكى السيارة ولايقتصر فقط على عرض المشاكل ...(أنا لا أقول أننا منعرضهاش...لكن يبقى فى غيرها معاها...علشان محدش يفهمنى غلط ويفتكر انى عايز أخبيها)

وفى النهاية الموضوع مش مستاهل زعل ولا أى حاجة لأن كلنا أخوة......

وتقبل كل تحياتى واحترامى

المشاركة الأصلية كتبت بواسطة etsh1413202

متشغلش بالك يا حج محمد ......... الموضوع الى حصل معاك ده بيحصل فى اقسام كتير وده بسبب تحمس الناس الشديد لبعض العربيات وبيحسسوني انها تقربلهم ........ انت قول الى عايز تقوله والناس تقول الى عايزه تقوله والى داخل يقرأ مش غبي ولا عبيط وهيعرف يفرق بين المتعصب للسياره على الفاضي والى كاره السياره فا بيطلع فيها اى عيب والى بيقول رايه بما يرضى الله سواء بالسلب او الايجاب ........ وصدقنى الكلام ده واصح والكلام ده واصح بس كل واحد بيشوف من وجهة نظره وعلى القارئ ان يقرر اله الى اقتنع بيه .....

وده حصل كتير معايا هنا في المتتدى وفى منتديات تانيه بس الواحد الحمد لله ربنا بيسترها معاه

ومتزعلش نفسك وانت شخصيه محترمه على فكره وانا متابع كل مشاركاتك

شكرا اوى يا باشا على كلامك
وفعلا مع الوقت الناس كمان بتظهر على حقيقتها امام الكل

المشاركة الأصلية كتبت بواسطة gazzar91

تصدق فعلاً أنا كدة إحترمت حضرتك قوي قوي علشان حضرتك أول عضو أشوفه مش متعصب تعصب أعمى لعربيته و لا كأنها من عشيرته أو من أهل بيته... ربنا يهديهم..
سعيد إني عرفت حضرتك..
في رعاية الله...

طب وليه تعصب
الواحد بيستمتع بمزايا عربيته وبيعترف بعيوبها وخلاص
واكيد كل عربيه ليها مميزات وليها عيوب
وغالبا بتبئى نسبه وتناسب مع سعرها ولازم نعترف بكده
لانى واحد من الناس اللى اشترت العربيه على اساس انها بى ام بس رخيصه عشان الاسم والانتشار وبلد الصنع (على كلام اعضاء المنتدى)
وانها بنفس جودة اليابانى وانها وانها وانها
ولذلك اتصدمت لكن مازالت مميزه جدا مقارنة بسعرها ولو عرفت عيوبها قبل الشراء كنت هاشترى بردو وماكونتش هازعل من حاجه لانى متوقع وعارف اللى ممكن يحصل

وانا والله سعيد بمعرفة حضرتك وكل الاعضاء اللى ردت فى الموضوع ده بالذات

أنا مختلف معاك فى ايه بقى....حاجة صغيرة جدا........أقولك

طريقة عرض المشكلة.....فقط لاغير.....بمعنى....انى أفكر فى الكلمة قبل ماكتبها وأشوف تأثيرها ايه على اللى بيقراها....مش أكتر من كده....شوفت حاجة صغيرة جدا.....عمرى ما أفكر انى أضايق منك أو أكرهك بسببها

بالضبط :)
المشكله مش عربيه و لا توكيل ولا اي بتنجان احنا كأعضاء بيجمعنا كيان معنوي واحد الي هو البراند نيم Brand Name عشان ابقي واضح

اعرض مشكلتك بطريقه موضوعيه هتلاقي الناس كلها متفهمه لاكن طريقتك اسمحلي كلها ضرب ضرب مفيش حتي شتيمه :)
علق علي مشاكل الناس بطريقه موضوعيه و محايده مش شتيمه شتيمه و مفيش ضرب

من الاخر انا من الناس الي مشكلتي معاك موضوعيتك و بس لاكن غير كدا انت اخويا الصغير

المشاركة الأصلية كتبت بواسطة مصطفى_صديق

محمد باشا بصراحة أنا مكنتش ناوى أدخل فى مناقشة من أى نوع مع أى حد ، لكن احتراما ليك ولشجاعتك الادبية أنا هاوضحلك وجهة نظرى


أختلاف الاراء لا يفسد للود قضية.....وانا عن نفسى لا أكن ليك إلا كل إحترام ومحبة

وأرجو انك لاتعتقد أبدا انى لو اختلفت معاك فى الرأى انى بكرهك او مضايق منك...بالعكس انت انسان محترم جدا وخلوق

وأنا أحيى فيك شجاعتك الادبية لأنى شوفتك أكتر من مرة بتعتذر لو حسيت انك أخطأت فى حق حد...ودى حاجة كويسة مش موجودة عند كل الناس

وانا برده محبكش تبقى زعلان منى فحاجة لو كنت ضايقتك

احنا فى الاول والاخر هنا علشان نساعد بعض مش علشان نهاهجم بعض...,

وأنا شايف والحمدلله ان معظم الاعضاء اللى شاركوا بيتكلمو عن احترام الاخر وان اختلاف الاراء لايفسد للود قضية ...وتقبل الاختلافات , والمناقشة بموضوعية بعيدا عن التعصب ....

فأرجوا اننا جميعا نبتدى نتطبق الكلام ده عمليا ومبيقاش كلام مكتوب وخلاص.....

أحيك على المشاركة الجميلة وأتمنى انك متكونش زعلان منى فحاجة.....وزى ماقلتلك ...مش معنى انى مختلف معاك فى طريقة تعبيرك عن مشاكلك إنى مضايق منك أو حاجة.....لكنك حر فى ان تعبر عنها كيفما تشاء طالما لا تضر أحد أخر....

أختلافاتنا فى الرأى نابعة من اختلاف التجارب اللى بنمر بيها كلنا ....وده شئ طبيعى

أنا مختلف معاك فى ايه بقى....حاجة صغيرة جدا........أقولك

طريقة عرض المشكلة.....فقط لاغير.....بمعنى....انى أفكر فى الكلمة قبل ماكتبها وأشوف تأثيرها ايه على اللى بيقراها....مش أكتر من كده....شوفت حاجة صغيرة جدا.....عمرى ما أفكر انى أضايق منك أو أكرهك بسببها

وفى النهاية أرجو ان احنا كلنا نستجيب لدعوة أيمن ان القسم يرجع تانى للمشاركات المفيدة والحوار البناء والتعبير عن أراء مالكى السيارة ولايقتصر فقط على عرض المشاكل ...(أنا لا أقول أننا منعرضهاش...لكن يبقى فى غيرها معاها...علشان محدش يفهمنى غلط ويفتكر انى عايز أخبيها)

وفى النهاية الموضوع مش مستاهل زعل ولا أى حاجة لأن كلنا أخوة......

وتقبل كل تحياتى واحترامى

استاذ مصطفى صديق
مشاركتك دى على عينى وراسى والله
وانا والله ما زعلان منك ولا اقدر ازعل منك اساسا وكلامى مش عليك خالص

بس زى ماتقول كده فى كام عضو
اكمنى باقى عليهم و فى عشم فيهم ومش عايز اخسرهم
مستنى حد فيهم يعاتبنى ونتناقش ونشوف مين اللى غلطان ونتصالح
لكن واضح ان القلب مش صافى و نية الصلح مش موجوده
وواضح ان كلامى كان جارح اوى عليهم وده بيأكدلى فكره فى دماغى شكلها صح

واهو الواحد بيتعلم من المواقف انه مايعزش حد بسرعه عشان مايتصدمش فيه بسرعه بردو

وفعلا ملاحظة عرض المشكله دى انا لاحظتها فى نفسى
بس ده سببه والله انى مابزوقش كلامى فلو قرفان من مشكله جامد ممكن يبان فى اسلوبى جامد
على اساس انى باتكلم على عربيه حديد مش حاجه تستاهل سياسه وتزويق ولا حد هايزعل من كلامى عليها

وفعلا انا هاخد بالى من كلامى بعد كده وهابئا سياسى اوى وماحدش هايعرف يمسك عليا غلطه تانى ان شاء الله

شكرا على المشاركه الجميله المفيده جدا وعزيزه عليا جدا

المشاركة الأصلية كتبت بواسطة momopersona

استاذ مصطفى صديق

بس زى ماتقول كده فى كام عضو
اكمنى باقى عليهم و فى عشم فيهم ومش عايز اخسرهم
مستنى حد فيهم يعاتبنى ونتناقش ونشوف مين اللى غلطان ونتصالح
لكن واضح ان القلب مش صافى و نية الصلح مش موجوده

أصبر متستعجلش.....ان الله مع الصابرين.....وادى كل واحد وقته....محدش يعرف ظروف الناس ايه