عرض للطباعة
السلام عليكم
بفكر اعمل مغسله عربيا فى 6 اكتوبر بس متكنش كبيره بمعنى ان فى مشاريع بشفها عباره عن محل او محليل بجوار بعض وبيعمل فيهم مغسله للعربيات بدون رفع العربيه من تحت مش عارف انتم متخيلين الصوره ولا مش متخيلنها
بس مش عارف المشروع دا مربح ولا ايه وهيتكلف كام وايه الادوات ال المفروض تيجى واجبها منين ونوعها ايه
ولو حد ساكن فى اكتوبر ويعرف مكان محترم اعمل فيه المشروع دا او اعمله فى اى منطقه علشان ان شاء الله اربح منه
منتظر رايكم
اظن لو مغسلة بسيطه تكلفتها بسيطه جدا لانك مش محتاج اكتر من كوبريسور لضخ المياه وده سعره لو كويس مابين 2000 و3000 جنيه
وكمان هاتعمل مطلع خرسانه للعربيات عشان تقدر تغسل من تحت من غير ماترفع
غير بقي شوية شغل سباكه وصرف.
اما بقي لو مغسلة اوتوماتيك.فده موضوع تانى وتكلفه اعلى بكتير
يا ريت زي ما حضرتك فكرت في المشروع تفكر ازاي تصرف المخلفات بتاعته بشكل صحي لأن كل المياه والشحوم والصابون والمذيبات الصناعية اللي بتنزل من المشحمة بيتنزل في أكلنا وشربنا
هي وجهة نظرك سليمةاقتباس:
المشاركة الأصلية كتبت بواسطة shankosi
بس مقدرتش افهمها قوي
ياريت حضرتك توضحها شوية
شوف سيادتك
أولاً المشروع ده ممتاز ولو عملته صح إن شاء الله ربنا يكرمك فيه.
بس سيادتك عارف ان العربيات محتاجة تنظيف باستخدام الجاز والصابون والمياه، بالإضافة الى ان الالعربيات بيطلع منها شحوم وزيوت وأوساخ سامة بتنزل مع المياه أثناء التنظيف وفي النهاية المياه دي بتنزل في المصارف وتتجه ناحية الترع والبحر
الحياة البيئية بتتأثر بكل الملوثات دي وعلى فكرة الكلام ده مش افتكاسات وأنا عندي دليل شخصي على ان التلوث عندنا شديد وهو اني كنت بأنزل البحر بمركب عشان اصطاد سمك من 10 سنين كان فيه خير كتير في البحر وبأرجع بصيد جميل ودلوقتي الأسماك قلت بشكل كبير بسبب التلوث وابتعادها عن الشواطئ الملوثه.
ولو حالفك الحظ وطرت مثلي بطائرة من فوق القاهرة ستجدها محاطة بغيمة هباب بدون مبالغة - يعني عايشين في تلوث فظيع
سيادتك مش ملاحظ مدى انتشار الفشل الكلوي بين المصريين؟؟؟؟
لو سيادتك تعمل نظام صرف نظيف لمياه الغسيل والتشحيم سيكون المشروع بتاعك ناجحاً جداً إن شاءالله ومطابق للمواصفة البيئية وربنا سيزيد رزقك لأنك ساعدت البيئة ولو بحاجة بسيطة.
برا في قوانين مشددة على مثل هذه الأمور ولكن العملية عندنا في المهلبية وهم مش احسن مننا في حاجة زي ما هم بيحافظوا على بيئتهم إحنا كمان لازم نراعي الأجيال القادمة اللي هم اولادي وأولادك انهم يعيشو في بيئة نظيفة
يا ريت نحاول نتبنى وجهة النظر دي وربنا يبارك لك.
مجرد رأي شخصي وأرجو اني ماكونش أثقلت عليك.
اقتباس:
المشاركة الأصلية كتبت بواسطة dr.hany
شكرا على الرد يا باشا
بس انا مش هعمل مطلع خرسانه لان فى ناس كتير مش بتحب انها ترفع عربيتها كل غسله علشان البارومه وكدا يعنى مجرد محل سيراميك وصرف وكمبروسر زى ما قلت ومكنسه كبيره ومكنه الصابون دى وعلى ما اعتقد دا بس ال شفته فى اماكن كتير
اقتباس:
المشاركة الأصلية كتبت بواسطة shankosi
اكيد طبعا هيكون فى صرف ودا اول حاجه بس ايه الزيوت ال هتكون موجوده انا مش هعمل مركز صيانه دا غسيل بس لا يوجد فيه تغيير زيت وخلافه يعنى الموضوع كله مايه وصابون وجاز
بالنسبه للبيئه انا ساكن فى 6 اكتوبر لما بنزل القاهره بحس انى داخل على غمامه او سحابه سوداء ربنا يسترها على الشعب دا بجد
منتظر اراء باقى الاعضاء يا شباب هل الموضوع مربح وايه الحجات الواجب توافرها ولو حد يرشحلى مكان اعمل فيه المشروع يا شباب
مشكووووووور يسلم بقكاقتباس:
المشاركة الأصلية كتبت بواسطة shankosi
مش عارف حاسس ان الكلام على البيئة والتلوث زيادة شويه لأن البيئة بتاعتنا مليانه ملوثات اكتر من شوية زيت ولا شحم هاينزلوا من كام عربية هاتتغسل فين مصانع الكيماويات اللي بترمي مخلفاتها في النيل عدل مش في الصرف الصحي روحو اتفرجوا على مخلفات مصنع السكر والبلاوي اللي في النيل والناس اللي عندها فشل كلوي روحو شوفوا مصانع الكيماويات في كفر الزيات وطنطا وكفر الشيخ ودمياط وكل ده مش في الصرف الصحي لا ده في النيل روحو شوفوا مصانع الاسمنت واللي بطلعوا في حوان ومايو وما حولهم يبقى مش شويه ميه بزيت ولا شحم هاينزلوا في مياه الصرف الصحي اللي هي اصلا بيتم معالجتها هي اللي هاتأثر على البيئة الطبيعية في مصر والزراعات
دي وجهة نظري وللجميع الاحترام ولصاحب الفكره التوفيق
ما عو اللي حضرتك بتقوله ده هو المشكلة بعينهااقتباس:
المشاركة الأصلية كتبت بواسطة ZALABANY
لما كل واحد يقول "هيا يعني جت على شوية صابون وجاز"
يعني تعالى نفرض جدلاً إن مصر النهارده فيها حوالي 80 مليون بني آدم
حنقول نصهم ناس معندهاش إمكانية تلويث بيئة أساساً ولا ليهم دعوة بحاجة
التص التاني حوالي 40 مليون بني آدم لو كل واحد فيهم تسبب كل يوم في 1 سم مكعب من التلوث فقط
يعني كل يوم بنعمل حوالي 40000 لتر مكعب من التلوث في المياه وفي الجو
كل ده وإحنا ما حسبناش المصانع والمخلفات بتاعتها والعربيات البايظة والموتسيكلات ومولدات الطاقة والقمامة ... إلخ
شفت بقى أنا بتكلم في إيه؟؟
في برنامج شفته في قناة ناشيونال جيوجرافيك بيقول إن كيس البلاستيك العادي بيحتاج 500 سنة عشان يتحلل في التربة - يعني زي المخلفات النووية تقريباً.
أنا طبعاً موافق جداً على المشروع بتاع زميلنا وأنا شخصياً لو هفكر في مشروع مش هفكر أحسن من كده بس وجدت إن الموضوع فرصة أثير فيها الرأي ده.
في الإمارات العربية المتحده بدأ الناس يتنبهوا للفكر ده وبدأوا يطبقوا نظام إعادة التصنيع Recycle مع إن تعدادهم لا يتجاوز 8.19 مليون نسمة. طيب ليه منعملش زيهم ؟؟؟؟
عموماً إنا فاهم إن الكلام ده محدش حينتبهلوا ولا يفكر فيه بس أهي فضفضة
وفي انتظار دعوة زميلنا صاحب الفكرة لافتتاح المشروع بتاعه بإذن الله.
:36_1_37[1]:
يا شباب انا بسال على مشروعى مش بسال على تلوث البيئه والنقاش عن تلوث البيئه
واوعدكم بجد ان لو ربنا كرمنى وعملت المشروع دا هخلى بالى اوى من موضوع البيئه دا
هو الموضوع ماله قلب تلوث كده ليه
ربنا يوفقك ان شاء الله يا باشا انا كنت بفكر اعمل المشروع ده في اسكندريه
بس الناس هنا في اسكندريه طوروا الموضوع شويه و فيه كام واحد بيجيبوا الكومبورسور بس قدام البيت و بيغسل العربيه ب ٥ جنيه
كلام حضرتك سليم جدا ومظبوط جدا وله ابعاد منطفيه وواقعيه رائعه بس بس الراجل هيعمل مشروع صغير وان شاء الله هيراعي نقطة التلوث , واذا افترضنا انه هيلوث حاجة ده فرضا يعني هتكون نسبة تلوثه للبيئه كام يعني 0.0000000001 نسبة لا تذكر .اقتباس:
المشاركة الأصلية كتبت بواسطة shankosi
بالنسبة لصاحب الموضوع : كان فيه موضوع بيتكلم عن المشاريع وكنت دخلت ناقشت فيه فكرة حضرتك والمهم , اني كنت عاوز نفس فكرة مشروعك وطلعت بالاتي وهي :
1- ان لو حضرتك هتاجر محل " جاهز " من حيث اعمال الصرف الصحي والكهرباء وكل شئ فده ممكن يدخل في ايجار لا يقل عن 10000 ج في الشهر ولو في محطة بنزين لا يقل عن 1200 ج في اليــــــــــــــــــــــ ــــــــــــــــوم !!
2- المعدات العاديه زي ما بعض الاخوة قالوها دي هتعملها في حدود 4 او 5 الالف ج , ولو معدات
" كار كير " كامله هتعمل في حدود 10 الالاف جنيه
3- انا لما فكرت لاقيت ان المشروع تكليفته من حيث المعدات او حتى لو الواحد هيعمل شبكة صرف صحي وكده مش كتير انما فكرة ان الواحد يدفع الكم الهائل من الفلوس ايجار في المقابل ان انا شوفت ان الايرادات لا تساوي المصروفات , وده تقريبا السبب الرئيسي الي خلى معظم الناس الي كلمتهم بخصوص الموضوع انهم يتركوا المكان (الي كان نفس نشاط العمل الي هو غسيل سيارات)
4- انا شايف ان افضل شئ لو المكان ده ممكن الواحد يمتلكه فبالتالي هيتخلص من عبء كبير وهو فلوس الايجار
اخيرا :, انا متابع مع حضرتك ولو في اي جديد احب اني اعرفها من حيث مشروعك لان الفكره اساسا كانت تهمني جدا
حضرتك متاكد من الاسعار دياقتباس:
المشاركة الأصلية كتبت بواسطة kemoelord
يعني ادفع ١٢٠٠ جنيه في اليوم ليه هوا انا حكسب كام اصلا
يا باشا ده كان كلام من واحد كان ماجر " كار كير " في محطة بنزين في العبور ولو محل عادي بيبقى زي ما انا قولت حوالي من 10000 الى 15 الف جنيهاقتباس:
المشاركة الأصلية كتبت بواسطة hishammb
اقتباس:
المشاركة الأصلية كتبت بواسطة kemoelord
شكرا جدا على ردك اخى الكريم
يبق المشكله حاليا فى المكان والمعدات امرها بسيط ان شاء الله
بس عندنا فى اكتوبر مثلا والموضوع دا انتشر بيكون محل عادى جدا وبتاجر محل فى اى منطقه مش شرط يكون فى بنزينه اساسا وتاجير المحل حسب المنطقه من 300 جنيه لحد 1500 جنيه حسب كل منطقه
بالنسبه للبنزينه لو قلنا 1200 جنيه يوميا ايجار بس ومتوسط سعر العربيه 40 جنيه يبق انا عايز 30 عربيه بس علشان الم ايجار اليوم + 30 عربيه كمان علشان الم تكلفه العمال يعنى 60 عربيه وبعد كدا ابدا اكسب يعنى الواحد بيتكلم فى حاجه مستحيله
موضوع المحل العادى شغال ذى الفل فى اكتوبر وشغال بالسمعه والجوده والله احيانا ناس كتير ناس بتهرب من البنزينات وتروح المحل الصغير دا لانه بيكون احسن
اقتباس:
المشاركة الأصلية كتبت بواسطة hishammb
مش لدرجه قدام البيت يعنى
عفوا على ايه ,,,,اقتباس:
المشاركة الأصلية كتبت بواسطة احمد المصرى
حضرتك ممكن تشوف الوضع عندك وحاول تبلغني (ده لو حضرتك حابب ان يكون لك شريك في المشروع) ولو الايجار زي ما حضرتك بتقول كده هيبقى حلو اوي خصوصا لو هيتقسم على اتنين مثلا , وان شاء الله ربنا يقدم للي فيه الخير
اقتباس:
المشاركة الأصلية كتبت بواسطة kemoelord
طبعا يشرفنى ان يكون ليا شريك وخاصه يعطينى القوه ونبق ايد واحده ويبق قلبنا على قلب بعض بس حضرتك ساكن فى مدينه نصر تقريبا
انا ان شاء الله هسال على مكان ينفع واكيد هبلغك قريب ويا رب يبق باب خير لينا
ربنا معاك
انا الموضوع فى دماغى من فترة وبفكر اعملة هنا فى طنطا
اقتباس:
المشاركة الأصلية كتبت بواسطة amr_elmasry
ربنا يكرمك وتعمله ان شاء الله قريب
فيه جنبى محل كان مغسلة ونقل لمكان تانى
وهوة مجهز يعنى فيه مطلع ومجرى للعربيات
وكان شغال كويس
وهوة على شارع فى فيصل الشارع برده ماشى كويس
شارع رئيسى اسمه ش المنشية
لو حابب كلمنى
تليفونى فى الملف الشخصى
up............