ما هى اعرف تلف مشط الكهرباء والموبينة

**Ahmed Galal** · 05-07-2010 11:53 AM

المشاركة الأصلية كتبت بواسطة samirayad

شوف يا أستاذ : أحمد

هى حاله غريبه وتدعو للتفكير والتساؤل

ليه ده حصل

أنك تلف الأسبراتير لفه كامله تقريبا من أقصى مشواره ( من عكس

عقارب الساعه ) إلى أقصى مشواره مع عقارب الساعه

_________________________

أعتقد دى ملهاش تفسير غير أنك كان لازم تعمل كده علشان تظبط عملية التقطيع للفولت

اللى بتتم من خلال المشط الألكترونى ( البلاطه ) اللى جوه الأسبراتير

لأنها بتبقى شبه حساسات السرعه والكرنك

وبتعمل من خلال جهاز معين على عمود الأسبراتير لتوليد تيار كهربى 12 فولت متقطع

حيروح بعد كده للبوبينا ( ملفها الأبتدائى )

علشان تطلع جهد كهربى عالى مناسب من ملفها الثانوى

________________________

المهم أنك عملت موائمه بين عنصرين
لازم يكونوا على وفاق تام علشان تاخد شراره بقوه مظبوطه

العنصرين دول هما

المشط الألكترونى ( اللى جوه الأسبراتير )

والبوبينا الجديده

جزاك الله خير يا بشمهندس سمير فعلا ده الرد المقنع

**mahmoud_e2007** · 05-07-2010 02:27 PM

المشاركة الأصلية كتبت بواسطة samirayad

ينفع تشك فيا بالشكل ده ( أنا لسه شايف المشاركه دى حاليا )

دا أنا ليا الشرف أتحاور معاك وأتعرف عليك

0128383281
0143933118

انا طبعا مقصدش ال انت فاهمة بس في ناس ما بتحبش حد يوجع دماغها بس كتر خيرك بجد وانا هتصل بيك اليوم

**samirayad** · 05-07-2010 03:52 PM

المشاركة الأصلية كتبت بواسطة mahmoud_e2007

انا طبعا مقصدش ال انت فاهمة بس في ناس ما بتحبش حد يوجع دماغها بس كتر خيرك بجد وانا هتصل بيك اليوم

سعدت بالتخاطب معك يا أخ : محمود

من خلال الموبايل

**mahmoud_e2007** · 06-07-2010 01:15 PM

المشاركة الأصلية كتبت بواسطة samirayad

سعدت بالتخاطب معك يا أخ : محمود

من خلال الموبايل

بصراحة حضريتك انسان محترم جدا وخدوم وانا الاسعد بمكالمتك معاية

**samirayad** · 06-07-2010 01:24 PM

الله يخليك

ونحن على أتصال

وكل عام وأنتم بخير

**mahmoud_e2007** · 11-07-2010 12:41 PM

استاذ سمير باشا / اخيرا بعد طول عزاب رحت لكهربائي وميكانيكي جنب بعض وقالو المشكلة في الموبينة وغيرت الموبينة بواحدة اخري الاكتروني ومفيش فايدة لسة بتقف راح قالي يبقي الاسبراتير ففتحوة وقالي ان مشط الاسبراتير لسة متغير وال غيرة نسي يحط مادة مرطبة بين المشط والاسبراتير - وحطلي هوا سيليكون علي المشط علشان يبرد والحمد لله ما وقفتش بس للاسف ظهر حاجة غريبة ان لما تيجي تشغل اشارة او تدي رعاش تلاقي ال ار بي ام بينزل ويطلع بطريقة عشوائية غير منتظمة سألتة قالي مش عارف ودة اخري ما عندي تفتكر دا لية واروح لميكانيكي ولا كهربائي وشكر خاص للتعاون معاية

**samirayad** · 11-07-2010 03:23 PM

بس للاسف ظهر حاجة غريبة ان لما تيجي تشغل اشارة او تدي رعاش تلاقي ال ار بي ام بينزل ويطلع بطريقة عشوائية غير منتظمة سألتة قالي مش عارف ودة اخري ما عندي تفتكر دا لية واروح لميكانيكي ولا كهربائي وشكر خاص للتعاون معاية

كهربائى ياباشا

يكشفلك على كابلات الدايره الكهربيه لمفتاح النور

لأن واضح أن فيه كابل عريان من منطقه معينه

خاصه بالدايره الكهربيه للأشارات والرعاش

ومع تشغيلك للرعاش أو الأشارات

بتهرب كهربه كتير لجسم السياره من الخارجه من الدينامو

وبالتالى بتؤثر على كهربة البوبينا

ومن هنا بيحدث التذبذب لعداد ال rpm

**mahmoud_e2007** · 12-07-2010 09:08 AM

المشاركة الأصلية كتبت بواسطة samirayad

كهربائى ياباشا

يكشفلك على كابلات الدايره الكهربيه لمفتاح النور

لأن واضح أن فيه كابل عريان من منطقه معينه

خاصه بالدايره الكهربيه للأشارات والرعاش

ومع تشغيلك للرعاش أو الأشارات

بتهرب كهربه كتير لجسم السياره من الخارجه من الدينامو

وبالتالى بتؤثر على كهربة البوبينا

ومن هنا بيحدث التذبذب لعداد ال rpm

طيب السلك اتعري من اية انا ما عرتش حد

لاء بجد ولا يمكن الموبيمة متركبة غلط

**hanyfarrag** · 12-07-2010 11:24 AM

أولا أنا عايز أشكر أستاذ محمود على انه بدأ الموضوع

ثانيا عايز أشكر المهندس سمير على ردوده العلمية الوافية جدا جدا جدا

ثالثا عايز أحكى حكايتى مع موضوع مشابه للموضوع ده عشان الكل يستفيد برضه

أنا عربيتى كيا برايد 99
من حوالى سنة ونص فاتت فى الشتاء كنت بلاحظ خروج هباب اسود مع الدوارة فى الصباح الباكر والهباب ده طبعا معاه تقطيعة تستمر لمدة 3 دقائق ثم يعاود عدد لفات الموتور الى الدوران فى السرعة العادية أثناء التسخين الاتوماتيك الصباحى
وطبعا كان فى زيادة فى استهلاك البنزين
أشار على أحد أصدقائى بأنه يوجد احد مجارى الهواء فى الكاربيراتير مسدودة ولحل المشكلة بدون فك الكربيراتير لازم أعمل عكس لسلكين من سلوك البوجيهات ( ما يسمى بعمل مدفعين هوا )
وفعلا عملت كده والدنيا اتظبطت ومعدل استهلاك البنزين ظبط
لاحظت بعديها بفترة زيادة فى استهلاك البنزين روحت مكرر حكاية المدفعين والموضوع عجبنى
مرة مع مرة ما بقاش موضوع المدفعين ده يفرق قولت خلاص يبقى الكاربيراتير جاب أخره
روحت شارى طقم بيكات أصلى وروحت فاكك وش الكاربيراتير ومنظف الدنيا باسبراى تنظيف الكاربيراتير ( 2 علبة ) والموضوع ده خد منى حوالى 6 ساعات عمل متواصل وحمدت ربنا انى ركبته تانى على خير.
المهم الدنيا اتحسنت كتير.
بعديها بفترة الدنيا باظت تانى روحت مكرر موضوع المدفعين ولكن بدون نتيجة

ظهور مشكلة جديدة

ابتديت الاحظ ان العربية وهى على السلانسيه بيحصل نتشه كده تنزل الار بى ام من 850 لفة مثلا الى صفر وتكاد العربية تطفى وتروح رده تانى للسرعة العادية ثم بدأ الموضوع يزيد ويتكرر خصوصا وانا ماشى على طريق سريع ومع اول تمويرة الاقى العربية نتشت ويا تبطل يا ترجع تشتغل تانى
وأحيانا كانت العربية مترضاش تدور خالص سواء فى الصباح الباكر أو حتى وهى سخنة

قولت يبقى افك الكربيراتير خالص وانظفه تانى خصوصا انى حاولت كتير اظبط سرعة السلانسيه مع مسمار الهواء وتقديم وتأخير الشرارة ولكن بدون اى نتيجة

فكيت الكاربيراتير خالص وطلعته ونظفته لغاية لما بقى زى الفل وركبته تانى ومفيش فايدة

أشار على أحد أصدقائى بوجود مشكلة فى البوبينا يؤدى الى ضعف شرارة الاشعال أحيانا فقمت مغير البوبينا ونفس المشكلة مازالت قائمة ولم تتغير.

وأخيرا وبعد كثير من المناقشات والتداولات مع كثير من الأصدقاء كان اخر احتمال هو وجود مشكلة فى مشط الكهرباء وهو موجود انتيرنال داخل الاسبيراتير
سالت عليه وللاسف ملقيتوش لوحده واظطريت اغير الاسبيراتير كله وانا حاطط ايدى على قلبى خايف تكون المشكلة من حاجة تانية

والحمد لله ظبطت العربية الحمد لله

أتمنى ان الموضوع يفيدكم

وبكرر شكرى لكل من استاذ محمود ومهندس سمير

**samirayad** · 12-07-2010 03:12 PM

طيب السلك اتعري من اية انا ما عرتش حد :m_yes[1]: لاء بجد ولا يمكن الموبيمة متركبة غلط

هو حد قالك أنت عريت السلك

مامكن تكون منطقه من مناطق عزل الضفيره تلفت

وساحت لأى سبب

زى مرور أمبير فيها زياده عن المقرر لتحمل عزل الكابلات للحراره

الموضوع: ما هى اعرف تلف مشط الكهرباء والموبينة

LinkBack

أدوات الموضوع

عرض

-

-

المواضيع المتشابهه

الفرق بين الاسبراتير الكهرباء والعادى وينفع يركب الكهرباء على الفليشيا ولا لا

الكتاوت والموبينة ؟؟؟

عايز اعرف اماكن بيع قطع غيار الالتو اللى اسعارها هادية وكمان عايز اعرف ل

الاريال الكهرباء والزجاج الكهرباء

الكلمات الدلالية لهذا الموضوع

المفضلات

المفضلات

ضوابط المشاركة